Ọrụn Ndị-ozi 8:1 - Ika

¹ Sọlụ a kwadọnghọ wẹ kẹ wẹ rị e gbu Stivini. Gha ụhụọhịn hụ jẹnmẹ, wẹ nọ kpokpomẹ ndị ụka rị Jerusalẹm ọda-ọda. Wẹ ile nọ gbayịya, gbashisọnmẹ ẹgbẹrẹ Judia lẹ Sameria — wezụka ndị-ozi hụ pụ-ichẹn.

Ọrụn Ndị-ozi 8:1 ပူးပေါင်းရင်းမြစ်များ

Nehemiah 6:3

Ya m nọ zi wẹ jẹnni wẹ, sị, “M gi ọrụn rịkẹnmẹ mkpa ẹka, asakọ m ẹka bịa. Kẹ m k'a kụsịnị ọrụn hụ d'e kunrun ụnụ?”

Daniẹlụ 6:10

Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Daniẹlụ 6:23

Ẹfọ nọ sụọ eze ụsụọ ọda-ọda, ọ nọ zi wẹ d'a dọpụha Daniẹlụ imẹ olu hụ. A dọpụha wẹ Daniẹlụ, wẹ nọ hụn a n'o nwọnni ebe ọ rụ ẹhụ, makẹni o gi Chuku ẹ dọn ẹnya.

Matiu 22:6

ndị họdụnị nọ nwụnrụn ndị idibo ẹ, gbe ifẹnrẹn ye wẹ ihun, gbu wẹ.

Matiu 23:34

“M jẹnkọ nwan d'e zihẹni ụnụ ndị amụma lẹ ndị marịn ihiẹn lẹ ndị marịn Iwu Mozizi ọhụnma. Ụnụ jẹnkọ d'e gbu ụfọdụ, kpọma ụfọdụ ye osisi gbu, fịan ụfọdụ mkpịnsịn imẹ ụlọ-ofufe ụnụ; ụnụ sikọ d'a gha a chụ wẹ gha obodo pụ obodo,

Matiu 5:13

“Ụnụ wụ nnu ụwa. Kanị, omẹni nnu asụọzịnị ụsụọ, nị wẹ s'ẹka mẹ ẹ sụọmazị ụsụọ? Onwọnzini ihiẹn wẹ gi ẹ e mẹ, karị ikpọn ẹ tuhu, a zọgbumẹ wẹ ẹ.

Jọnụ 15:20

Nyanhan nị ihiẹn m gwa ụnụ, nị, ‘Odibo ara ka di-nwọnn'ẹ.’ Omẹni wẹ kpokpo m ekpokpo, wẹ sikọ d'e kpokpo ụnụ nwẹn; omẹni wẹ mẹ ihiẹn m ku, wẹ jẹnkọ d'e mẹzi ihiẹn ụnụ ku.

Jọnụ 16:2

Wẹ jẹnkọ d'a chụpụ ụnụ imẹ ụlọ-ofufe. Ogẹn lala hụn w'e gi gbudẹ ụnụ e ro nị Osolobuẹ kẹ wẹ rị e mẹn'ẹ.

Ọrụn Ndị-ozi 1:8

Kama, ụnụ jẹnkọ d'e nwọnhẹn ikẹn ogẹn Mmọn-nsọ e gi hidankwasịgụ ụnụ, ụnụ a wụrụ ndị ọshẹri m imẹ Jerusalẹm lẹ imẹ Judia ile lẹ imẹ Sameria d'e ru ebe ụwa ru.”

Ọrụn Ndị-ozi 13:1

O nwọn ndị amụma lẹ ndị-nkuzi rị ụka rị Antịọkụ. Ndịnị wụ: Banabasị lẹ Simiọnụ w'a kpọ Onyẹ-ogi lẹ Lushiọsụ onyẹ alị Saịrini lẹ Manẹni hụn ya lẹ Hẹrọdụ nọ ụlọ ohu sue lẹzi Sọlụ.

Ọrụn Ndị-ozi 13:36

“O mẹ nke Defidi, k'o mẹgụ uche Osolobuẹ ogẹn nke ẹ, ọ nọ nwụnhụn, e li w'ẹ kẹ wẹ dọn li ndị nẹdi ẹ, ya ọ nọ rehi;

Ọrụn Ndị-ozi 2:47

a ja Osolobuẹ mma; ihiẹn wẹ hụ a sụọ ịhịan ile. Ụhụọhịn-ụhụọhịn, Di-nwọnni-ẹnyi hụ e bucheni wẹ ndị hụn ọ rị a zụọpụha.

Ọrụn Ndị-ozi 22:20

a marịnzịghọ wẹ nị m wuzo ụsụọ ụhụọhịn hụ wẹ gbu ọshẹri i wụ Stivini, a kwadọn ndị rị e gbun'ẹ, lẹni mmẹ kwọndọnni ndị rị e gbun'ẹ ẹwuru wẹ.’

Ọrụn Ndị-ozi 26:10

E mẹghọ m'a imẹ Jerusalẹm. M'a narịndẹ ndị-isi nchụn-ẹjan ikẹn ogẹn hụ, a tụ ndị kwerini Jesu ngan; ẹlẹdẹ ọhụn sụọ, wẹ ma wẹ ikpe-ọnwụn, e biye m ẹka.

Ọrụn Ndị-ozi 5:18

wẹ nọ nwụnrụn ndị-ozi ahụn pụ-ichẹn tụye imẹ ngan ịhịan ile.

Ọrụn Ndị-ozi 5:20

“Jẹn ni Ụlọ-nsọ, ụnụ e wuzo ebẹhụ gwachanrịn ịhịan ile oku ndụn ọhụnnị.”

Ọrụn Ndị-ozi 5:33

Kẹ wẹ nụ ihiẹnni, ize ze wẹ ọda-ọda, wẹ nọ chọ nị wẹ gbu wẹ.

Ọrụn Ndị-ozi 5:40

A kpọbanhan wẹ ndị-ozi ahụn pụ-ichẹn, fịan wẹ mkpịnsịn, gba wẹ mkpịnsịn-ẹka ẹnya, sị wẹ ekuzilẹ ihiẹn wẹ rị e gi ẹfan Jesu e ku; ya wẹ nọ hatu wẹ.

Ọrụn Ndị-ozi 7:38

Mozizi wụ onyẹ hụn kị ndị nke Osolobuẹ imẹ atụ ogẹn ahụn, ya lẹ Mmọn-ozi ahụn gwa a oku elu Ugu Saịnaị; ịya du ndị nẹdi ẹnyi kanị; ịya nahan Osolobuẹ oku ndị ahụn e ye ndụn o ye ẹ ye ẹnyi.

Ọrụn Ndị-ozi 7:54

Ogẹn wẹ gi nụ ihiẹnni Stivini rị e ku, okẹn ọnụma nọ bịa wẹ, wẹ nọ gi iwe tan'a ẹka eze.

Ọrụn Ndị-ozi 7:58

Wẹ nọ gha imẹ obodo dọkpụnpụha a; ya wẹ nọ mama a ọmụma. Ndị ọshẹri hụ wẹhẹn'ẹ a gbụpụsọnmẹọlẹ ẹkwa wẹ yọtọ ụkụ okorọbịa ohu ẹfan a wụ Sọlụ n'o lepụ ẹnya.

Ọrụn Ndị-ozi 8:14

Ogẹn ndị-ozi hụ pụ-ichẹn hụn rị Jerusalẹm gi nwan nụ nị ndị Sameria a nabanhangụọ oku Osolobuẹ, wẹ nọ zijẹnni wẹ Pita lẹ Jọnụ.

Ọrụn Ndị-ozi 8:2

Ogẹn wẹ gi magbu Stivini, ikẹnnyẹ e feshi Osolobuẹ ikẹn nọ bịa d'e buru ozun ẹ d'e li; wẹ nọ kwan ọda-ọda kwanshi elu nị Stivini a nwụnhụn.

Ọrụn Ndị-ozi 8:4

Ogẹn hụ, ndị hụn gbayịyanị hụ e zi oziọma ebe-lẹ-ebe wẹ ru.

Ọrụn Ndị-ozi 8:5

Filipu nkẹ nọ jẹn isi-obodo Sameria, gwa wẹ oku Kraịstị.

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ndị Rom 1:32

A marịnghọ wẹ nị Osolobuẹ sị ndị e mẹ ihiẹn nọ ẹrịra furu hụn a nwụnhụnnị, kanị ẹlẹni w'e mẹ wẹ sụọ, w'a kwadọnzidẹ ndị e mẹni wẹ.

Ndị Filipi 1:12

Umunẹ m, m chọ nị ụnụ marịn nị ihiẹn mẹni m e yegụọ nị oziọma ẹka ghagbarị nke-esi.

Hibru 11:27

Okukwe k'o gi gha Ijiptu pụ, o gini egun ihiẹn Fẹro k'e mẹ ẹ nọdị, kama, o dinsọnmẹ ndidin nọkẹ sị ọ rị e legha Onyẹ ahụn wẹ ghalẹni e legha.