Ọrụn Ndị-ozi 7:36 - Ika

³⁶ Mozizi nọ gha alị Ijiptu wepụha wẹ, rụnkọ ọrụn-atụmẹnya lẹ ihiẹn-nghọsị imẹ alị Ijiptu lẹ Ohimin ufie lẹ imẹ atụ, ọrọgbọ ahụa ọgụnnaị.

Ọrụn Ndị-ozi 7:36 ပူးပေါင်းရင်းမြစ်များ

Nehemiah 9:10

Ị nọ rụnsọnmẹ ihiẹn bu ọda i gi ghọsị ẹka ị lẹ ọrụn atụmẹnya rị ichẹn-ichẹn, gi wẹ mẹshi Fẹro lẹ ndị-ọrụn a ile lẹ ndị alị hụ ile ikẹn, makẹni y'a marịnghọ nị uwẹ wụ ndị Ijiptu kpari ndị nẹdi ẹnyi wẹ ọda-ọda, gi ẹ mẹkarị enwẹn wẹ. Ị nọ gi ikẹn i kpa nwọnrin ẹfan d'e rukwọ tannị.

Ẹbụ-ọma 95:10

Ize agbọ ahụn nọ ze m ọrọgbọ ahụa ọgụnnaị, m nọ sị, “Ndịnị e nwọnkẹ obi-ẹbụọ; w'e ke marịnkwọ kẹ m'e mẹ.”

Ẹbụ-ọma 95:8

agbakwọlẹ ni isi-akwanran kẹ ụnụ dọn mẹ imẹ Mẹriba, kẹ ụnụ dọn mẹ ụhụọhịn ahụn imẹ Masa hụn rị imẹ atụ —

Ọpụpụ 12:41

Ụhụọhịn ahụn o zu ahụa iri kwasị ọgụn kwasị nnụ daị, ebọn ile rị imẹ ndị nke Osolobuẹ nọ gha alị Ijiptu pụ.

Ọpụpụ 14:21

Mozizi nọ nwan tịnpụ ẹka zinmẹ Ohimin ahụn, Osolobuẹ nọ gi okẹn ufere hụn gha ibe ọwụwa ẹnyanwụn bịa nu mirin Ohimin hụ shi azụụnnị lẹ azụụnnị; ufere ahụn nọ kpọ uhinhin ahụn ile, nu mirin hụ shi azụụnnị-lẹ-azụụnnị, akpakalị nọ pụha.

Ọpụpụ 16:35

Ndị Izrẹlụ ri mana ahụa ọgụnnaị: wẹ ri ẹ d'e ru ni e ru wẹ alị wẹ biri; mana kẹ wẹ ri e we wẹ ru mkpẹnrẹn alị Kenaanị.

Ọpụpụ 3:20

Ya wụ, m jẹnkọ d'a kpachanpụ ẹnya mẹshi ndị Ijiptu ikẹn ghahanị ihiẹn ile a tụ ẹnya m k'e mẹ imẹ igunrun wẹ. M mẹgụ a, Fẹro k'a chụpụdẹ ụnụ achụpụ.

Ọpụpụ 33:1

Osolobuẹ nọ sị Mozizi, “Gha ebeni pụ, ịyụ lẹ ndị ị gha Ijiptu wepụha; jẹnmẹ ni alị hụ m kun enwẹn m kwe Ebraham lẹ Aziki lẹ Jekọpụ nkwa, sị, ‘M jẹnkọ d'e ye ụmụ ọnụ ya.’

Jọnụ 4:48

Ya Jesu nọ sị a, “Mmanị ụnụ hụn ahịma lẹ ihiẹn atụmẹnya, ụnụ ekwerikọ.”

Ọrụn Ndị-ozi 13:18

Ọ nọ dinchanrịn ihiẹn ile wẹ mẹ imẹ atụ ọrọgbọ ahụa ọgụnnaị.

Ọrụn Ndị-ozi 7:42

Ya kẹ Osolobuẹ nọ gbakitọ wẹ azụụn, ha wẹ ye nị wẹ femẹ ihiẹn ndị rị igwere. Ya kẹ ndị-amụma de, sị, ‘Heuu, ikpụlọ Izrẹlụ! Ẹlẹkwọ mmẹ kẹ ụnụ gbuni anụ ndị ahụn; ẹlẹ mmẹ kẹ ụnụ chụnyesọnmẹni ẹjan ndị ahụn imẹ atụ ọrọgbọ ahụa ọgụnnaị.

Ditrọnọmi 8:4

Ọrọgbọ ahụa ọgụnnaịnị, ẹkwa ụnụ afanị, ụkụ ụnụ e funni.

Hibru 3:8

a kpọkinkwọlẹ ni obi kẹ ndị nẹdi ụnụ dọn mẹ, ogẹn ahụn wẹ gi nupụ isi; kẹ wẹ dọn mẹ ụhụọhịn hụ wẹ chọ ihiẹn rị m ọnụ imẹ atụ.

Hibru 3:9

Ndị nẹdi ụnụ nọ nọ ebẹhụ nwan m, chọ ihiẹn rị m ọnụ, m nọ ghọsị wẹ ikẹn m ọrọgbọ ahụa ọgụnnaị.

Hibru 8:9

ọ nọkọ kẹ nkwerigbama hụ rị ẹgbata mmẹ lẹ ndị nẹdi wẹ kanị, ogẹn hụ m kwọndọn wẹ ẹka gha alị Ijiptu dupụha wẹ. Makẹni edọnmẹni wẹ nkwerigbama m, ịya haịn m gi wepụ wẹ ẹnya.’ Ya kẹ Di-nwọnni-ẹnyi ku.