Ọrụn Ndị-ozi 7:25 - Ika

²⁵ O te ro ni umunẹ ẹ k'a ghọta nị Osolobuẹ rị e gi ẹ a zụọpụha wẹ, kanị aghọtanị wẹ.

Ọrụn Ndị-ozi 7:25 ပူးပေါင်းရင်းမြစ်များ

Ndị-nze Nke Ẹbụọ 5:1

Naamanị wụ onyẹ-isi agha eze ndị Aram. Eze ndị Aram ara gi ẹ gu egu, ọ gbaye ẹ ọhụnma-ọhụnma — makẹni Osolobuẹ gha ẹka a ye ndị Aram mmẹri. Naamanị wụ odogun-agha, kanị onyẹ-oti rọ.

Ẹbụ-ọma 106:7

Ndị nẹdi ẹnyi wẹ aghọtanị ọrụn-atụmẹnya ị kẹ wẹ rị Ijiptu; anyanhannị wẹ okẹn ihiẹn-ọsụsụọ i gi sọn wẹ, wẹ nọ nupụ isi okpuru i mkpẹnrẹn Ohimin hụ, mkpẹnrẹn Ohimin Ufie, nupụ isi okpuru Onyẹ hụn Kachanrịnnị.

Ọpụpụ 2:12

O lehunmẹ ẹnya, hụn a nị onwọnni onyẹ ri ebẹhụ, ọ nọ gbu onyẹ Ijiptu hụ, li ẹ ye imẹ ẹjan rị ebẹhụ.

Makị 9:32

Kanị aghọtanị wẹ ihiẹn ọ rị e ku, bụ egun anịnị wẹ jụ a ụtaa.

Luku 18:34

Kanị, onwọnni hụn wẹ ghọta; wẹ zuemẹni wẹ ya e zuemẹni.

Luku 9:45

Kanị ndị nsọnmazụụn a aghọtanị oku hụ. Wẹ zuemẹni wẹ ya, amamgbe w'a ghọta a, kanị egun anịnị wẹ jụ a ihiẹn o gi ẹ ku.

Ọrụn Ndị-ozi 14:27

Ogẹn wẹ gi ru Antịọkụ rị Siria, wẹ nọ kpọgbama ndị ụka, gwa wẹ ihiẹn ile Osolobuẹ gi wẹ rụn lẹ k'o dọn kpọpụnị ndị alị ọzọ ụzọ okukwe.

Ọrụn Ndị-ozi 15:4

E ru wẹ Jerusalẹm, ndị-ụka lẹ ndị-ozi ahụn pụ-ichẹn lẹ ndị-isi nọ sị wẹ alụa, wẹ nwẹn nọ gwa wẹ ihiẹn ile Osolobuẹ gi wẹ rụn.

Ọrụn Ndị-ozi 15:7

E kube wẹ, Pita nọ lihi ọtọ, sị wẹ, “Umunẹ m, ụnụ a marịnghọ kẹ Osolobuẹ dọn họpụha m imẹ ụnụ mbụ-mbụ, gi m mẹ ndị alị ọzọ nụ oziọma, kweri.

Ọrụn Ndị-ozi 21:19

Pọlụ e kelegụ wẹ, ọ nọ gi uri-uri kọwachanrịn nị wẹ ihiẹn ile Osolobuẹ gi ọrụn a mẹ imẹ ndị alị ọzọ.

Ọrụn Ndị-ozi 7:24

Ọ hụn kẹ onyẹ Ijiptu rị e mẹja onyẹ ohu imẹ wẹ, ọ nọ nọ onyẹ wẹ rị e mẹja ye azụụn, mẹgwarịn'a, gbu onyẹ Ijiptu hụ rị e mẹjan'a.

Ọrụn Ndị-ozi 7:26

Eki e fọn, Mozizi nọ hụn ndị Izrẹlụ ẹbụọ kẹ wẹ rị a lụ ọgụn. Ọ chọ n'o gbọn wẹ: ọ nọ sị, ‘Ikẹnnyẹ, ụnụ wụ umunẹ, kị ụnụ rị e mẹni ibe ụnụ eje-ihiẹn?’

Ndị Rom 15:18

Ekukọdẹ m ihiẹn ọwụlẹ karị ihiẹn Kraịstị gi m rụn imẹ igunrun ndị alị ọzọ wụlẹni ndị Ju, hụn o gi mẹ wẹ wụrụ ndị e humẹni Osolobuẹ isi. Ihiẹn o gi oku-ọnụ m lẹ ihiẹn m rụn mẹ,

Ndị Kọrẹntị Ibuzọ 15:10

Kanị, m wụ nwan ihiẹn m wụ ghahanị ẹfọma Osolobuẹ; bụ ẹfọma hụ o mẹni m alanị nwan iwi. Kaka! Mmẹ rụnkarịdẹ wẹ ile. Kanị, ẹlẹ mmẹ rụn a, ẹka Osolobuẹ hụn rị imẹ ndụn m rụn a.

Ndị Kọrẹntị Ibuzọ 3:9

Makẹni ẹnyi lẹ Osolobuẹ gba a rụn; ụnụ wụ ugbo Osolobuẹ, ụlọ Osolobuẹ rị a tụn.

Ndị Kọrẹntị Nke Ẹbụọ 6:1

Makẹni ẹnyi lẹ Osolobuẹ gba a rụn, ẹnyi rị nwan a rịọ ụnụ: dodo ni, anịlẹ ni ẹfọma Osolobuẹ rugụ ụnụ ẹka la iwi.

Ndị Kolosị 1:29

Ịya kẹ m gi rị a rụnshi iken, e gi ikẹn ahụn ile hi-ogbe Kraịstị gi rị ọrụn imẹ m e shi ọnwụn.

Ndị Han Eṅẹn 15:12

Wẹ nọ sị a, “Ẹnyi bịa d'e kẹnmẹrin i, nị ẹnyi we i ye ndị Filistia.” Samsịn nọ sị wẹ, “Kuni ni m ẹfan Osolobuẹ nị ụnụ e gikọ ẹka ụnụ gbu m.”

Samuẹlụ Nke Ibuzọ 14:45

Kanị wẹ ile nọ buche ọnụ, sị Sọlụ, “Nị Jonatanị nwụnhụn, Onyẹ nwẹn mẹ ihiẹn Izrẹlụ gi nwọnhẹn okẹn mgbapụhanị tannị? O mẹkọ! Ma Osolobuẹ, onwọnni akpụ ntutu ohu rị a isi jẹnkọ d'a dantọ alị, makẹni eyemẹka Osolobuẹ kẹ o gi mẹ ihiẹnni tannị.” Ẹrịra kẹ wẹ dọn zụọpụha Jonatanị, wẹ nọzilẹni gbu ẹ.

Samuẹlụ Nke Ibuzọ 19:5

O bu ndụn a che ọb'ẹka ogẹn o gi gbu onyẹ Filistia hụ. Osolobuẹ gi ẹ ye Izrẹlụ ile okẹn mmẹri, yụ nwẹn a hụnghọ a, ẹfọ nọ sụọ ị ụsụọ. K'i k'e mẹni nwan onyẹ nọ kẹ Defidi nwọnlẹni eje-ihiẹn o mẹ njọ? K'i k'e gbun'ẹ bụ onwọnni ihiẹn ị k'a sị y'a k'o mẹ?”