Ọrụn Ndị-ozi 6:5 - Ika

⁵ Okuni sụọ ndị ụka ile ụsụọ; wẹ nọ họpụha Stivini, okẹnnyẹ hụn nwọn okukwe ọda-ọda, Mmọn-nsọ jun imẹ ẹ; ịya lẹ Filipu lẹ Prokorọsụ lẹ Nikanọ lẹ Timọnụ lẹ Pamẹnasị lẹ Nikọlasị onyẹ Antịọkụ, onyẹ alị ọzọ te e fe ofufe ndị Ju.

Ọrụn Ndị-ozi 6:5 ပူးပေါင်းရင်းမြစ်များ

Jẹnẹsisi 41:37

Fẹro lẹ ịhaịmẹ ẹ ile nọ sị ibe wẹ nị iroro Josẹfụ tụ a rịka mma.

Itẹn 15:1

Wẹ welụa ọnụ shịarị ịhịan oku, olulu a rọ; kanị wẹ weshi ọnụ elu gwa ịhịan oku, ọ kpasu ẹ iwe.

Itẹn 15:23

Oku ịhịan shịarị danyechanrịn, o mẹ ẹ ghọghọ; oku wẹ ku ogẹn o furu a rịka mma.

Maịka 3:8

Kanị, o mẹ nke m, m nwọn ikẹn ọda-ọda, ịya lẹ Mmọn Osolobuẹ lẹ ezioku lẹ ndụn, hụn m gi a gwapụ ebọn Jekọpụ nị wẹ rị a dan iwu, hụn m gi a gwa ndị Izrẹlụ nị wẹ rị e mẹ njọ.

Matiu 23:15

“Nsọngbu rị e che ụnụ, ndị-nkuzi Iwu lẹ ndị Itu-Farisi, ndị ihunnaị! Makẹni ụnụ e jẹnsọnmẹ alị ichẹn-ichẹn, e fetudẹ ohimin, chọkọ onyẹ sikọ d'e kweri femẹ ofufe ụnụ — ọsụọn'a nị akpụ onyẹ ohu sụọ rọ, kanị onyẹ kweri nwan sọnmẹ ụnụ, ụnụ e mẹ ẹ wụrụ nwa ọkụn-mmọn karịdẹ ụnụ nwẹn.

Ọrụn Ndị-ozi 11:19

Ndị ụka hụn gbayịya makẹ ukpokpo oku Stivini buhẹni ụka gbarukwọrị Finishịa, Saịprọsụ lẹ Antịọkụ, zikọ oziọma; kanị ndị Ju sụọ kẹ imẹrinmẹ wẹ zi oziọma.

Ọrụn Ndị-ozi 11:20

Kanị, o nwọnghọ ikẹnnyẹ gha alị Saịprọsụ lẹ Saịrini lụaha imẹ ndị ụka gbayiyanị hụn ru nwan Antịọkụ, gwama ndị wụlẹni ndị Ju oku-Chuku, e zi wẹ ozi Di-nwọnni-ẹnyi wụ Jesu Kristi.

Ọrụn Ndị-ozi 11:22

Ogẹn ndị ụka rị Jerusalẹm gi nụ a, wẹ nọ zi Banabasị Antịọkụ.

Ọrụn Ndị-ozi 11:24

Banabasị wụ ezigbo ịhịan Mmọn-nsọ lẹ okukwe jun imẹ ẹ, nke wụnị ndị bugbu enwẹn wẹ ọda nọzị sọnmẹ Di-nwọnni-ẹnyi.

Ọrụn Ndị-ozi 11:26

Ọ hụn a, ọ nọ wẹhẹ ẹ Antịọkụ. Uwẹ lẹ ndị ụka ahụn hụ e zu, wẹ hụ a kuzi igwerigwe, ọrọgbọ ahụa. Imẹ Antịọkụ kẹ wẹ nọ kpọma ndị nsọnmazụụn Kraịstị “Kristiansị,” ya wụ, “Ndị Nke Kraịstị.”

Ọrụn Ndị-ozi 11:27

Ogẹn ahụn, o nwọn ndị-amụma gha Jerusalẹm bịa Antịọkụ.

Ọrụn Ndị-ozi 13:1

O nwọn ndị amụma lẹ ndị-nkuzi rị ụka rị Antịọkụ. Ndịnị wụ: Banabasị lẹ Simiọnụ w'a kpọ Onyẹ-ogi lẹ Lushiọsụ onyẹ alị Saịrini lẹ Manẹni hụn ya lẹ Hẹrọdụ nọ ụlọ ohu sue lẹzi Sọlụ.

Ọrụn Ndị-ozi 15:22

Ya kẹ ndị-ozi ahụn pụ-ichẹn lẹ ndị-isi lẹ ndị ụka ile rị Jerusalẹm nọ kwerigbama nị wẹ hanpụha ịhịan imẹ wẹ, nị wẹ sọn Pọlụ lẹ Banabasị jẹn Antịọkụ. Mmadụ ẹbụọnị kẹ wẹ han: Judasị w'a kpọ Basabasị lẹ Saịlasị; wẹ ẹbụbụọ wụ ndị-isi imẹ ndị kwerini.

Ọrụn Ndị-ozi 2:4

Mmọn-nsọ nọ jun imẹ wẹ ile, wẹ nọ gi asụsụ alị ndị ọzọ kumẹ, e kushi ikẹn kẹ Mmọn-nsọ dọn ye onyẹ onyẹ.

Ọrụn Ndị-ozi 21:8

Eki e fọn ẹnyi e buli, ru Sizaria. Ya ẹnyi nọ shi iwe Filipu hụn e zisọnmẹ oziọma d'e sọn ẹ nọdị. Filipu rị imẹ Madụ Ẹsa hụ wẹ họpụha imẹ Jerusalẹm ogẹn mbụ.

Ọrụn Ndị-ozi 22:20

a marịnzịghọ wẹ nị m wuzo ụsụọ ụhụọhịn hụ wẹ gbu ọshẹri i wụ Stivini, a kwadọn ndị rị e gbun'ẹ, lẹni mmẹ kwọndọnni ndị rị e gbun'ẹ ẹwuru wẹ.’

Ọrụn Ndị-ozi 6:10

Kanị asanị wẹ ẹka sọn amamihiẹn lẹ Mmọn-nsọ hụn Stivini gi e ku oku dọ.

Ọrụn Ndị-ozi 6:3

Umunẹ, lehunmẹ ni nwan ẹnya imẹ igunrun ụnụ, nị ụnụ họpụha mmadụ ẹsa: ndị w'e ku oku wẹ ọhụnma, ndị Mmọn-nsọ jun imẹ wẹ, ndị marịn ihiẹn ọhụnma-ọhụnma, kẹni ẹnyi ye wẹ ọrụnnị;

Ọrụn Ndị-ozi 6:8

Stivini e nwọnkẹ eyemẹka Osolobuẹ lẹ ikẹn ẹ. Ọ hụ a rụn okẹn ọrụn-atụmẹnya lẹ ihiẹn-nghọsị imẹ igunrun ndị alị.

Ọrụn Ndị-ozi 7:1

Onyẹ-isi nchụn-ẹjan nọ jụma Stivini sị, “Ihiẹn ndịnị wụdẹ nwan ezioku ra?”

Rẹvẹleshọnụ 2:15

O nwọnzighọ ndị rị imẹ ụnụ e sọn nkuzi ndị itu Nịkọlaịtịa.

Rẹvẹleshọnụ 2:6

“Kanị, o nwọnghọ ihiẹn rị mma ụnụ rị e mẹ: ihiẹn ndị itu Nịkọlaịtịa e mẹ, hụn e ze mmẹ lẹ enwẹn m ize, e zezikwọ ụnụ nwẹn ize.