Ọrụn Ndị-ozi 6:1 - Ika

¹ Ogẹn ndị rị e sọn Kraịstị gi rị e buwaye ọda, ndị Ju gha obodo ebo lụaha hụn rị imẹ igunrun wẹ nọ kpemẹ nị ndị rị ụlọ arị e keye ikpoho wẹ di wẹ nwụnhụn ihiẹn-oriri w'e ke ụhụọhịn-ụhụọhịn.

Ọrụn Ndị-ozi 6:1 ပူးပေါင်းရင်းမြစ်များ

Jobu 29:13

Ndị te nwụnkọnị a gọzi m agọzi; m'e mẹ obi a sụọmazị onyẹ di ẹ nwụn ụsụọ — ọ bụma ẹbụ-ịghọghọ.

Jobu 31:16

Omẹni o nwọnghọ ihiẹn ọwụlẹ rị ndị igbẹnnyẹ mkpa hụn m jụ n'e yekọ m wẹ, mọbụ nị a latọgụọ m onyẹ di ẹ nwụn hụn rị a tụ ẹnya eyemẹka m;

Ẹbụ-ọma 110:3

Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ẹbụ-ọma 72:16

Ọka ya jun alịnị, ya jun elu ugu ndị rịn'a e finfin, ya mẹ ihiẹn kẹ alị Lẹbanọnụ. Ịhịan wẹ jun imẹ obodo ichẹn-ichẹn rị alịnị kẹ irurue jun imẹ ogige.

Azaya 1:17

Mụnị kẹ wẹ dọn e mẹ ihiẹn rị mma! A kwadọn ni ezigbo eṅẹn, e yeni ni ndị wẹ rị e mẹgbu ẹka. A nọ nị ndị nwọnlẹni nẹdi e ye azụụn, e kinni ni ikpoho di wẹ nwụn ọnụ wẹ.

Azaya 27:6

O ru ihun, ebọn Jekọpụ jẹnkọ d'a gba mkpọgụn; Izrẹlụ jẹnkọ d'a kpụkpụma, mị obobo, mị mkpụrụ jun ụwa ile.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Izikẹlụ 22:7

Nẹdi lẹ nnẹ hụ a na mkpari imẹ i; wẹ hụ e mẹgbu abịamabịa imẹ i, e mẹja ndị nwọnlẹni nẹdi lẹ ikpoho di wẹ nwụn.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Ọrụn Ndị-ozi 11:20

Kanị, o nwọnghọ ikẹnnyẹ gha alị Saịprọsụ lẹ Saịrini lụaha imẹ ndị ụka gbayiyanị hụn ru nwan Antịọkụ, gwama ndị wụlẹni ndị Ju oku-Chuku, e zi wẹ ozi Di-nwọnni-ẹnyi wụ Jesu Kristi.

Ọrụn Ndị-ozi 11:26

Ọ hụn a, ọ nọ wẹhẹ ẹ Antịọkụ. Uwẹ lẹ ndị ụka ahụn hụ e zu, wẹ hụ a kuzi igwerigwe, ọrọgbọ ahụa. Imẹ Antịọkụ kẹ wẹ nọ kpọma ndị nsọnmazụụn Kraịstị “Kristiansị,” ya wụ, “Ndị Nke Kraịstị.”

Ọrụn Ndị-ozi 11:29

Ndị e sọn ụzọ Jesu nọ kwerigbama nị onyẹ-onyẹ jẹnkọ d'e wẹhẹ kẹ ẹka a han, nị wẹ zijẹnni ndị Ju kwerini Jesu hụn bi imẹ Judia.

Ọrụn Ndị-ozi 2:41

Wẹ nọ mẹ ndị ile nabanhan ozi ẹ mirin-Chuku. Ihiẹn nọ kẹ madụ nnụ-uku ẹtọ (3,000) banyeni wẹ ụhụọhịn hụ.

Ọrụn Ndị-ozi 2:45

W'e re alị lẹ ihiẹn ndị ọzọ wẹ nwọn, e ke egho ẹ e ye onyẹ-onyẹ kẹ mkpa wẹ dọn rị.

Ọrụn Ndị-ozi 2:47

a ja Osolobuẹ mma; ihiẹn wẹ hụ a sụọ ịhịan ile. Ụhụọhịn-ụhụọhịn, Di-nwọnni-ẹnyi hụ e bucheni wẹ ndị hụn ọ rị a zụọpụha.

Ọrụn Ndị-ozi 4:35

e bu a tọnị ndị-ozi ahụn pụ-ichẹn. Ndị-ozi ahụn pụ-ichẹn hụ e ye onyẹ-onyẹ kẹ mkpa a han.

Ọrụn Ndị-ozi 4:4

Kanị ndị bu ọda nụ ozi Pita wẹ kweri, ya ndị kwerini nọ ru ikẹnnyẹ nnụ-uku isẹn (5,000).

Ọrụn Ndị-ozi 5:14

Ndị bu ọda hụ e kwerini Di-nwọnni-ẹnyi nke-esi, a bannị wẹ, kẹ ikẹnnyẹ kẹ ikpoho.

Ọrụn Ndị-ozi 5:28

sị, “Ẹnyi a gbagụọnị ụnụ mkpịnsịn-ẹka ẹnya, sị ụnụ egizilẹ ẹfan onyẹni a kuzi? Lee n'ẹ nwan, ụnụ a kuzigbarịgụọ Jerusalẹm ile ihiẹnni, a chọ nị ụnụ bu ẹdeke okẹnnyẹni che ẹnyi isi.”

Ọrụn Ndị-ozi 6:2

Ya ndị-ozi pụ-ichẹn mmẹbụọ hụ nọ kpọzu ndị ile kwerini, sị wẹ, “O furuni nị ẹnyi latọ oku-Chuku d'e kemẹ ihiẹn-oriri.

Ọrụn Ndị-ozi 6:7

Oku-Chuku hụkwọ a ghagbarị, e ru ndị bu ọda ẹka, ndị kwerini hụ e buwaye ọda imẹ Jerusalẹm; ndị nchụn-ẹjan bu ọda nọ gbehutọ sọnmẹ Ụzọ Jesu.

Ọrụn Ndị-ozi 9:29

Ọ hụzị e sọn ndị Ju gha obodo ebo lụaha e ku, e sọn wẹ a dọ ndọndọ; kanị wẹ hụ a chọ nị wẹ gbu ẹ.

Ọrụn Ndị-ozi 9:39

Ya Pita nọ lihi, sọnmẹ wẹ. E ru w'ẹ, wẹ nọ w'ẹ shi mmughẹ hụ rị ibe elu. Ikpoho ile di wẹ nwụnhụn e fihunmẹ Pita, a kwan ẹkwan, a ghọsị a ẹwuru tueni lẹ ẹkwa ndị ọzọ Dọkasị kpa k'ọ rị ndụn.

Ọrụn Ndị-ozi 9:41

Pita nọ kwọndọn ẹ ẹka, weli ẹ. Ya Pita nọ kpọ ndị itu-Kraịstị lẹ ikpoho ndị ahụn di wẹ nwụnhụn, we Tabita ghọsị wẹ, wẹ nọ hụn a n'ọ rịzị ndụn.

Ndị Rom 12:7

Omẹni ijẹn-ozi rọ, ya jẹnmẹ ozi; omẹni nkuzi rọ, ya kuzimẹ nkuzi;

Ndị Kọrẹntị Ibuzọ 10:10

edẹnwịnnwịnkwọlẹ ni kẹ ụfọdụ imẹ wẹ dọn mẹ, hụn mmọn-ozi ahụn etikpọnị gi gbupụ wẹ.

Ndị Kọrẹntị Nke Ẹbụọ 11:22

Omẹni wẹ wụ ndị Hibru, ya kẹ mmẹ nwẹn wụ; omẹni wẹ wụ ndị Izrẹlụ, ya kẹ mmẹ nwẹn wụ; omẹni wẹ wụ ụmụ Ebraham, ya kẹ mmẹ nwẹn wụzị;

Ditrọnọmi 26:12

Ahụa ẹtọ-ẹtọ k'a wụrụnị ụnụ ahụa ụzọ-ohu-imẹ-ụzọ iri hụn pụ-ichẹn. Ahụa hụ, ụnụ k'a gha e wepụha ụzọ-ohu-imẹ-ụzọ-iri ihiẹn ile ụnụ rụnpụha imẹ ugbo, we ẹ ye ndị Livaị, ndị ọbịa, ndị nwọnlẹni nẹdi lẹ nnẹ lẹ ikpoho di wẹ nwụnhụn, ni wẹ hụn ụzọ ri, rijun ẹfọ imẹ obodo ụnụ.

Ndị Filipi 3:5

Wẹ kwa m ugun kẹ m rị nwa akpọhịn ẹsatọ daị; m wụ nwa-di-alị Izrẹlụ: onyẹ ebọn Bẹnjamini; onyẹ Hibru ndị Hibru mụ. O mẹ nke idọnmẹ Iwu Mozizi, m te wụdẹ onyẹ Farisi;

Timoti Ibuzọ 5:3

A tụnị nị ikpoho di wẹ nwụnhụn nwọnlẹni eyemẹka nke-esi ụya.

Timoti Ibuzọ 5:9

Okpoho di ẹ nwụn rugụ ahụa ọgụn ẹtọ mọbụ karị sụọ kẹ ụka jẹnkọ d'e lepụ ẹnya; o k'a wụrịrị onyẹ lụkarịlẹni di ohu.

Hibru 13:1

E nwọnsọnmẹ ni ihiẹn-ọsụsụọ umunẹ ụnụ imẹ Kraịstị.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Jemisi 4:5

Ra ụnụ ro ni Ẹkụkwọ-nsọ enwọn ihiẹn haịn o gi sị, “Ẹnya a fụ Mmọn hụn Osolobuẹ bu che imẹ ẹnyi afụ”?

Jemisi 5:9

Umunẹ m, edẹnwịnnwịnkwọlẹni ni ibe ụnụ, makẹ Osolobuẹ gha a ma ụnụ ikpe: Ọka-ikpe e rugụọdẹ ọnụmụzọ!