Ọrụn Ndị-ozi 5:5 - Ika

⁵ Ananayasị a nụ hụ ihiẹnni, ọ nọ dan alị, nwụnhụn. Okẹn egun tụ ndị ile nụn'a.

Ọrụn Ndị-ozi 5:5 ပူးပေါင်းရင်းမြစ်များ

Ndị-nze Nke Ẹbụọ 2:24

Ogẹn Ẹlaịsha gi gbehutọ, hụn wẹ, ọ nọ gi ẹfan Osolobuẹ bụ wẹ ọnụ. Ya kẹ onyẹnnyẹ eje-anụ biẹ ẹbụọ nọ gha imẹ ẹgboko hụ pụha, dọrinrin mmadụ ẹbụọ kwasị ọgụnnaị imẹ wẹ.

Ihiẹn Mẹni Nke Ibuzọ 13:12

Egun Chuku nọ tụ Defidi ụhụọhịn ahụn, ọ nọ jụma, “Nanị kẹ m'a dọn nwan buhẹ Ẹkpẹti Chuku ebe m rị?”

Ihiẹn Mẹni Nke Ibuzọ 15:13

Makẹni ẹlẹ ụnụ ndị Livaị bu ẹ ogẹn nẹi haịn Osolobuẹ wụ Chuku gi mẹ ẹnyi ihiẹn o mẹ ẹnyi: ẹnyi efen'ẹ ofufe hụ kẹ Iwu dọn ku.”

Ẹbụ-ọma 119:120

Ẹhụ hụ a ma m nni yeni egun i; uhi i hụ a tụ m egun.

Ẹbụ-ọma 64:9

egun k'a tụma ịhịan ile, a gwama wẹ ndị ọzọ ihiẹn Chuku mẹ; e rosọnmẹ wẹ ihiẹn Chuku mẹ.

Jerimaya 5:14

Lee nwan ihiẹn Osolobuẹ, Chuku ihiẹn ile rị okpuru ẹ, ku: “Ufiri ihiẹnni wẹ ku, m jẹnkọ d'e mẹ oku m wụrụ ọkụn ọnụ ị, e mẹ m ndịnị wụrụ nkụn ọkụn hụ k'a dụn.”

Izikẹlụ 11:13

Ebe m rị nwan e bu amụmanị, Pẹlatịa nwa Bẹnaya nọ nwụnhụn. Ya m nọ bu ẹfọ mama alị, yi, “Euu, Osolobuẹ nwọn ihiẹn ile, n'i gbuchanrịn ndị Izrẹlụ ile họdụnị?!”

Lẹvitikọsụ 10:3

Mozizi nọ sị Ẹrọnụ, “Ọnwan wụ ihiẹn ahụn Osolobuẹ ku ogẹn o gi sị; ‘M k'e gi ndị a nọkunmẹni m ghọsị nị m rị nsọ; m k'a hụn a nị ịhịan ile e ye m ọghọ m.’ ” Ẹrọnụ ekuni oku.

Ọrụn Ndị-ozi 13:11

Gọn nwan ntịn: ẹka Di-nwọnni-ẹnyi jẹnkọ d'e bitụ ị kikẹnni, ẹnya k'e kpu i ishi ẹkẹrẹ ogẹn, y'e leghakọ ụzọ!” Ozigbo, ụzọ ile nọ mẹ Ẹlimasị igirigi-igirigi, gba a ishi ẹnya. Ọ nọ bisọnmẹmẹ ẹka, chọkọ onyẹ k'e dun'ẹ.

Ọrụn Ndị-ozi 2:43

Onyẹ-onyẹ hụ e gi egun Osolobuẹ e bi, Osolobuẹ hụ e gi ndị-ozi hụ pụ-ichẹn a rụn ọrụn-atụmẹnya lẹ ihiẹn-nghọsị bu ọda.

Ọrụn Ndị-ozi 5:13

Onwọnni onyẹ kwerilẹni egun nị tụ ẹhụ d'a bannị wẹ, ọsụọn'a nị ịhịan ile rị e ku oku wẹ ọhụnma.

Ndị Kọrẹntị Ibuzọ 4:21

Elee hụn ka ụnụ mma? Nị m wẹhẹ mkpịnsịn ra nị m gi ihiẹn-ọsụsụọ lẹ ẹka-alụlụa bịa?

Ndị Kọrẹntị Nke Ẹbụọ 13:10

Ya haịn m gi deni ụnụ ihiẹn ndịnị ogẹnni m kelẹni bịa ebahụn ụnụ rị, amamgbe m'a bịa, e gi m ikẹn hụ Di-nwọnni-ẹnyi ye m mẹghafe ihiẹn okẹn, ikẹn o ye m gi zụn ụnụ ẹlẹ itikpọ ụnụ.

Ndị Kọrẹntị Nke Ẹbụọ 13:2

A gbagụọ m wẹ ile mẹ njọ mbụ lẹ ndị họdụnị mkpịnsịn-ẹka kẹ m bịa nke mgbe ẹbụọ; m rịzị nwan a gba wẹ ya hụnnị m rịlẹni ebẹhụ, nị, m bịa, egikọ m ẹka alụlụa sọn onyẹ ọwụlẹ —

Ndị Kọrẹntị Nke Ẹbụọ 7:11

Makẹni ọ fụghọ ụnụ ụdị hụn Osolobuẹ chọ, ụnụ ahụnnị nwan kẹ imẹ-mma dọn rị a dụ ụnụ?! K'o dọn mẹ ụnụ kinrin ọnụ ụnụ! Kẹ eje-ihiẹn zehan ụnụ ize! K'o gbuhan ụnụ ẹhụ! Lee ihiẹn m rị a da ụnụ! Lee mbọ ile ụnụ gba! Lee afụnfụn ụnụ ye onyẹ hụn mẹfieni! Ụnụ a ghọsịchanrịngụọ nị ẹka ụnụ a rị ihiẹn mẹni.

Ditrọnọmi 13:11

Ogẹn ahụn, Izrẹlụ ile k'a nụ a, egun a tụ wẹ; onwọnkọzị onyẹ rị imẹ ụnụ k'e mẹ eje-ihiẹn nọ ẹrịra.

Ditrọnọmi 21:21

Ogẹn ahụn, ikẹnnyẹ ile rị obodo nwata ahụn k'e gi ọmụma magbu ẹ. Ụnụ sikọ d'e wepụchanrịnrịrị eje-ihiẹn ahụn imẹ igunrun ụnụ. Izrẹlụ ile k'a nụ a, egun a tụ wẹ.

Joshụa 22:20

Ogẹn hụ Ekanị nwa Zẹra gi latọ ihiẹn Osolobuẹ ku, weri ihiẹn wẹ gichanrịn kwanị Osolobuẹ, ẹlẹ ọnụma lẹ afụnfụn kẹ Osolobuẹ gi sọn Izrẹlụ ile? Ndị ọzọ e gizighọ ufiri njọ a nwụn.’ ”

Rẹvẹleshọnụ 11:13

Ozigbo, alị nọ zinzin ọda-ọda, azụụn ohu imẹ obodo hụ nọ tikpọ, ọ họdụ azụụn itenẹi. Alị hụ zinzinni gbu madụ nnụ-uku ẹsa (7,000). Egun nọ tụkẹnmẹ ndị họdụnị, wẹ nọ kweri nị Osolobuẹ hụn rị elu-igwee e hikẹ ogbe.

Rẹvẹleshọnụ 11:5

Onyẹ chọ n'ọ mẹ wẹ ihiẹn ọwụlẹ, ọkụn a gha wẹ ọnụ pụha dụngbu ndị ahụn rị a chọ nị wẹ mẹ wẹ ihiẹn — ẹrịra kẹ onyẹ chọ n'o mẹ wẹ ihiẹn k'a dọn nwụnhụn.