Ọrụn Ndị-ozi 4:32 - Ika

³² Ndị ile kwerini hụ e gi obi ohu e bi, e ro ihiẹn ohu; onwọnni onyẹ kpọ ihiẹn o nwọn nke ẹ, kama, wẹ weri ẹ nị wẹ ile gba nwọn ihiẹn ile.

Ọrụn Ndị-ozi 4:32 ပူးပေါင်းရင်းမြစ်များ

Ihiẹn Mẹni Nke Ẹbụọ 30:12

Ẹka Osolobuẹ rịzịkwọ imẹ ndị Juda, o ye wẹ obi ohu gi mẹ ihiẹn eze lẹ ịhaịmẹ ẹ sị wẹ mẹ nọkẹ kẹ Osolobuẹ dọn sị wẹ mẹ ẹ.

Jerimaya 32:39

M k'e mẹ wẹ e ro ihiẹn ohu sụọ, e mẹ ihiẹn ohu sụọ — hụn wụ ịtụ egun m ogẹn ile kẹni ọ rịnị wẹ mma, rịnị ụmụ wẹ lalanị mma.

Jọnụ 17:11

Arịkọzị m nwan imẹ ụwa, kanị wẹ hụkwọ imẹ ụwa — mmẹ nwẹn lala d'e kunrun i. Nẹdi rị nsọ, gi ẹfan ị chemẹ wẹ, ẹfan ahụn i ye m, kẹni wẹ wụrụ ohu kẹ mmẹ lẹ yụ dọn wụ ohu.

Ọrụn Ndị-ozi 1:14

Ndịnị ile gi obi ohu e bu enwẹn wẹ e che imẹ ekpere, uwẹ lẹ ikpoho ndị ọzọ lẹ Meri nnẹ Jizọsị lẹzi umunẹ Jizọs ikẹnnyẹ.

Ọrụn Ndị-ozi 2:1

O ru ụhụọhịn Mmẹmmẹ Pẹntikọsụ, ndị ile kwerini rị ụzọ ohu.

Ọrụn Ndị-ozi 5:12

Ogẹn hụ, Ndị-ozi ahụn pụ-ichẹn hụ a rụn ọrụn-atụmẹnya lẹ ihiẹn-nghọsị ichẹn-ichẹn imẹ igunrun ndị alị. Ndị ile kwerini hụ e zu Ẹtu-ụlọ Solomọnụ rị Ụlọ-nsọ.

Ndị Rom 12:5

ẹrịra kẹ ẹnyi hụn bu ọda dọn wụ ẹhụ ohu imẹ Kraịstị kanị mkpamkpa ichẹn-ichẹn.

Ndị Kọrẹntị Ibuzọ 1:10

Umunẹ, m gi ẹfan Di-nwọnni-ẹnyi wụ Jesu Kristi a rịọ ụnụ nị ụnụ ile e kuye ọnụ ohu ẹlẹ hụn nkebe e gi a rị imẹ igunrun ụnụ; e nwọnchanrịn nị obi ohu, a chụ nị ihiẹn ohu.

Ndị Kọrẹntị Nke Ẹbụọ 13:11

Nke ikpanzụụn, umunẹ m, ghọghọma nị; bihutọ nị ẹka; a gba nị ibe ụnụ umẹ; e nwọn ni obi ohu; e gi ni udọn e bi. Ụnụ mẹ ẹnịna, Osolobuẹ udọn lẹ ihiẹn-ọsụsụọ gha ẹka a a bịa k'a nọyeni ụnụ.

Ndị Filipi 1:27

Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Pita Ibuzọ 3:8

Nke ikpanzụụn, ụnụ ile, e gi ni obi ohu e bi; e ro ni k'ọ rị ibe ụnụ; a nị nị ihiẹn ibe ụnụ a sụọ ụnụ kẹ umunẹ; e mẹni omikẹn ibe ụnụ; e welụa nị enwẹn ụnụ alị.

Pita Ibuzọ 4:11

Onyẹ e kuni, ya ku kẹ onyẹ Osolobuẹ gi ẹ e ku; onyẹ e jẹn ozi ya mẹ ẹ kẹ onyẹ Osolobuẹ rị e ye ikẹn: kẹni wẹ e gi ihiẹn ile e ye Osolobuẹ ọghọ ghahanị Jesu Kristi. Ọghọ lẹ ikẹn ile wụ nke ẹ jẹnrin ejẹn. Isẹẹ.