Ọrụn Ndị-ozi 3:13 - Ika

¹³ Osolobuẹ Ebraham lẹ Aziki lẹ Jekọpụ, Osolobuẹ ndị nẹdi ẹnyi wẹ kanị, e yegụọ odibo ẹ wụ Jizọsị ọghọ — Jizọsị, hụn ụnụ we ye wẹ gbu, hụn ụnụ jụ idẹnya Paịleti — ọsụọn'a nị Paịleti e te sịgụọ n'ọ hapụ a.

Ọrụn Ndị-ozi 3:13 ပူးပေါင်းရင်းမြစ်များ

Ọpụpụ 3:13

Kanị Mozizi nọ sị Chuku, “M jẹn d'a sị ndị Izrẹlụ, ‘Chuku ndị nẹdi ụnụ kanị zihẹ m d'e kunrun ụnụ’, nị a jụma wẹ m, ‘Kị wụ ẹfan a?’ Kị m k'a sị wẹ?”

Ọpụpụ 3:15

Chuku nọzị sị a, “Gwa ndị Izrẹlụ, ‘Osolobuẹ hụn wụ Chuku ndị nẹdi ụnụ, Chuku Ebraham, Chuku Aziki, Chuku Jekọpụ zihẹ m d'e kunrun ụnụ.’ Ọnwan wụ ẹfan m jẹnrin ejẹn, ẹfan agbọ ile jẹnkọ d'e gi a nyanhan m.

Ọpụpụ 3:6

Ọ nọzị sị Mozizi, “Mmẹ wụ Chuku nẹdi i fe, Chuku Ebraham, Chuku Aziki lẹ Chuku Jekọpụ.” Ogẹn Mozizi gi nụ ihiẹnni, ọ nọ kpukin ihun ẹ, makẹni egun anịn'a bu ẹnya zinmẹ Osolobuẹ.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 20:19

bu ẹ che ẹka itumunyẹ nị wẹ gi ẹ gu egu, fịan a mkpịnsịn, kpọma a elu obe o we nwụn; kanị hụn m'ẹ akpọhịn ẹtọ, Osolobuẹ jẹnkọ d'e weli ẹ.”

Matiu 22:32

Ọ sị, ‘Mmẹ wụ Chuku Ebraham, Chuku Aziki, Chuku Jekọpụ.’ Osolobuẹ ẹlẹ Chuku ndị nwụnnị, kanị Chuku ndị rị ndụn k'ọ wụ.”

Matiu 27:2

Wẹ nọ kẹn ẹ ẹgbụn, we ẹ jẹnni Paịleti, Gọvanọ ndị Rom tumẹni wẹ.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Makị 15:11

Ndị-isi nchụn-ẹjan nọ sị igunrun hụ gwa a n'o wepụhanị wẹ Barabasị hụn nkẹ o gi wepụha Jizọsị.

Luku 22:57

Kanị Pita nọ ghọrị, sị, “Okpoho, amarịn m'a!”

Luku 23:4

Ya kẹ Paịleti nọ sị ndị-isi nchụn-ẹjan lẹ igunrun hụ, “Ahụnnị m ihiẹn m'e gi ma okẹnnyẹni ikpe.”

Luku 6:37

“Ekinlẹ ịhịan ikpe, makẹ Chuku gha e kin i ikpe; amalẹ ịhịan ikpe makẹ Chuku gha a ma ị ikpe; gbagharị, kẹni Osolobuẹ gbagharị ị.

Jọnụ 12:16

Ndị nsọnmazụụn Jesu aghọtanị ihiẹnni ogẹn hụ, kanị, ogẹn Jesu gi nwụnhụngụ lihi nwọnrin ọghọ kẹ wẹ gi nyanhan nị Ẹkụkwọ-nsọ ku ihiẹnni banyen'ẹ lẹni e mẹghọnị w'a ihiẹn ndịnị.

Jọnụ 18:40

Ya wẹ nọ yizi, “Mba, ẹlẹ ọnwan! Barabasị kẹ ẹnyi chọ!!” (Barabasịnị rị ndị bunụmanị ndị Rom rị a kịnị.)

Jọnụ 19:11

Jesu nọ sị a, “Onwọnni ihiẹn i k'a saẹka mẹ m mmanị Osolobuẹ rị elu-igwee kweri e kweri. Ya wụ, onyẹ hụ bu m che ẹka ị ka njọ e mẹ.”

Jọnụ 19:12

Ya kẹ Paịleti nọ mẹmẹ n'ọ hatu Jizọsị ye; kalẹ igunrun hụ nọ yi, “I hatu okẹnnyẹni ye, ya wụ y'ẹlẹ ọwụ eze-kanị wụ Siza; makẹni, onyẹ ọwụlẹ kpọ enwẹn ẹ eze rị a lụsọn Siza ọgụn!”

Jọnụ 19:15

Wẹ nọ yi, “Gbu ẹ! Gbu ẹ! Kpọgbu ẹ!” Paịleti nọ sị wẹ, “Ụnụ chọ nị m kpọgbu eze ụnụ?” Ndị-isi nchụn-ẹjan nọ sị a, “Siza, eze Rom, ịya sụọ wụ eze ẹnyi nwọn!”

Jọnụ 7:39

Jizọsị gi ẹ e ku oku Mmọn-nsọ hụn ndị kwerinin'ẹ jẹnkọ d'e nwọnhẹn. Wẹ eke ye wẹ Mmọn-nsọ ogẹn hụ makẹni Jesu eke nwụnhụn lihi nwọnrin ọghọ a.

Ọrụn Ndị-ozi 22:14

Ya ọ nọ sị, ‘Osolobuẹ ndị nẹdi ẹnyi a họrịgụọ ị n'ị marịn uche ẹ, n'ị hụn Onyẹ hụ Rị-ọchan, nụzịkwọ kẹ o gi olu ẹ gwa ị oku.

Ọrụn Ndị-ozi 24:14

Kanị m k'a saẹka gwa ị nị Ụzọ hụ wẹ rị e ye eje-ẹfan kẹ m gha e fe Osolobuẹ ndị nẹdi ẹnyi kanị; m kweri ihiẹn ile Iwu Mozizi ku lẹ ihiẹn ile wẹ de imẹ ẹkụkwọ ndị-amụma.

Ọrụn Ndị-ozi 3:12

Ogẹn Pita gi hụn ihiẹnni, ọ nọ sị ndị ahụn, “Ndị Izrẹlụ, kị ihiẹnni rị a tụnị ụnụ ẹnya? Kị ụnụ gbanị ẹnyi ilee nọkẹ sị ikẹn ẹnyi mọbụ ezi-omumẹ ẹnyi kẹ ẹnyi gi mẹ okẹnnyẹni jẹnmẹ ijẹn?

Ọrụn Ndị-ozi 3:26

Ogẹn Osolobuẹ gi wepụha odibo ẹ, ọ nọ bu ụzọ zihẹni ụnụ ya, n'ọ gọzi ụnụ, ghahanị imẹ onyẹ-onyẹ imẹ ụnụ pụha imẹ njọ a.”

Ọrụn Ndị-ozi 4:27

Ezioku-ezioku, Hẹrọdụ lẹ Pọntius Paịleti lẹ ndị alị ndị ọzọ lẹ ndị Izrẹlụ e zughọ imẹ obodoni, bunụmanị odibo-nsọ ị wụ Jizọsị hụn ị tumẹ.

Ọrụn Ndị-ozi 4:30

y'a tịnpụ ẹka zụọ ndị emu rị a kụ, rụn ihiẹn-nghọsị lẹ ọrụn-atụmẹnya ghahanị ẹfan odibo-nsọ ị wụ Jesu.”

Ọrụn Ndị-ozi 7:32

‘Mmẹ wụ Chuku ndị nẹdi i: Chuku Ebraham lẹ Aziki lẹ Jekọpụ.’ Ẹhụ nọ mama Mozizi nni, egun anịn'a lee ẹnya.

Ndị Rom 9:5

Ebraham lẹ ndị nẹdi mbụ hụ wẹ marịn amarịn wụ ndị nke wẹ; ebọn wẹ kẹ wẹ mụye Kraịstị nọkẹ ịhịan — Kraịstị hụn wụ Osolobuẹ hụn ịhịan ile lẹ ihiẹn ile rị okpuru ẹ, ịja-mma ya rịn'a jẹnrin ejẹn! Isẹẹ.

Hibru 2:9

Kama, ẹnyi rị a hụn Jizọsị, onyẹ ahụn Osolobuẹ mẹ nị ndị mmọn-ozi karị a ẹkẹrẹ ogẹn, kẹni o gi ufiri ẹfọma Osolobuẹ nwụndọnni ịhịan ile ọnwụn; o kpurugụọ nwan ọghọ lẹ mgbaye nọkẹ okpu-eze makẹni ọ tagụọ afụnfụn nwụnnị ẹnyi ọnwụn.

Rẹvẹleshọnụ 1:18

Mmẹ wụzị onyẹ hụ rị ndụn! M te nwụnhụn anwụnhụn, ka lee ẹ, m rị nwan ndụn jẹnrin ejẹn. Mmẹ gizi ịsanhan Ọnwụn lẹ Alị-mmọn.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;