Ọrụn Ndị-ozi 27:41 - Ika

⁴¹ Kanị ẹnyi nọ sụnkunmẹ ẹjan nọ kẹ mgbọn. Ibe ihun a tọ ebẹhụ, ọ rịzị e mẹhunmẹ, ẹbiri-mirin hụ a kpụkpọpụ ibe azụụn.

Ọrụn Ndị-ozi 27:41 ပူးပေါင်းရင်းမြစ်များ

Ndị-nze Nke Ibuzọ 22:48

Jehoshẹfatị nọ rụn ụgbọ ndị a gba okẹn-ohimin ye azụụn hụ, nị wẹ e gi wẹ e jẹn alị Ofiri d'e buhẹ goru, kanị ụgbọ-mirin ndị ahụn agbanị, Eziọnụ-Gẹba rị alị Ẹdọm kẹ wẹ ruhụ, wẹ nọ kpu.

Ihiẹn Mẹni Nke Ẹbụọ 20:37

Ẹliẹza nwa Dodavahu onyẹ Maresha nọ bu amụma, ma Jehoshẹfatị ikpe, sị, “Ebe o mẹni yụ lẹ Ahazia rị nwan e mẹgbama, Osolobuẹ jẹnkọ d'e tikpọ ihiẹn ndị ụnụ rụn.” Ụgbọ-mirin ndị nwẹn nọ tikpọpụ, asanị wẹ ẹka jẹn Tashishi.

Izikẹlụ 27:26

“ ‘Ndị a nyannị ị e bugụọ ị ru etintin ohimin, ufere ọwụwa-ẹnyanwụn e tikpọpụ ị, tikpọtọ imẹ-imẹ ohimin.

Izikẹlụ 27:34

Kanị ohimin e tikpọgụọ ị nwan tọ imẹ mirin ẹ. Ibu-afịa ị lẹ ndị ile rị imẹ i e sọngụọ ị ruban akpakalị ohimin.

Ọrụn Ndị-ozi 27:17

Ya wẹ nọ dọbanhan ụgbọ-nta hụ imẹ ụgbọ. Wẹ nọ tụ eriri ye ihun ụgbọ hụ, we ẹ gha a okpuru, gi ẹ kẹnkẹnmẹ ẹ. Makẹni egun rị a tụ wẹ amamgbe w'a sụnkunmẹ ẹjan ubom-ohimin rị mkpẹnrẹn Sẹtisi; amamgbe ụgbọ ghazị a gbakẹnrin, wẹ nọ tọlụa ẹkwa wẹ tanma ufere gi e bu ụgbọ hụ. Kanị ufere hụkwọ e bu ụgbọ.

Ọrụn Ndị-ozi 27:30

Kanị, ndị ahụn a rụn ọrụn imẹ ụgbọ nọ wetu ụgbọ-nta ye imẹ mirin, chọma nị wẹ gepụ, gi ụgbọ-nta ahụn gbapụ; wẹ hụ e mẹ nọ kẹ sị wẹ rị a gbatọpụ ihiẹn wẹ gi e limẹ ụgbọ hụn rị ihun.

Ọrụn Ndị-ozi 27:40

Wẹ nọ tọpụ igwe ndị hụ e zudọn alị ye imẹ mirin, a tọlụlụa wẹ eriri ndị hụn kwọndọnsọnmẹ amaran wẹ gi a nyan ụgbọ ahụn, e seshi wẹ ẹkwa rị ibe ihun ufere gi e bu ụgbọ elu buzinmẹchanrịn ufere n'o bushikẹnmẹdẹ ụgbọ ihun, ụgbọ-mirin hụ nọ dọn ihun ngugu-mirin.

Ọrụn Ndị-ozi 27:42

Ndị-agha hụ te nọ chọ nị wẹ gbukwama ndị-ngan hụ, amamgbe w'e gu mirin gbapụ.

Ndị Kọrẹntị Ibuzọ 15:58

Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.