Ọrụn Ndị-ozi 26:18 - Ika

¹⁸ M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ọrụn Ndị-ozi 26:18 ပူးပေါင်းရင်းမြစ်များ

Ẹbụ-ọma 119:18

Shịapụ m ẹnya, nị m hụn okẹn-ihiẹn rịsọnmẹ iwu i.

Ẹbụ-ọma 146:8

Osolobuẹ a shịapụ ẹnya ndị ishi. Osolobuẹ e weli ndị rị imẹ nsọngbu; ihiẹn ndị rị ọchan a sụọ Osolobuẹ a ụsụọ.

Azaya 29:18

O ru ogẹn ahụn, ndị odin jẹnkọ d'a nụ ihiẹn wẹ rị a gụnnị wẹ imẹ ẹkụkwọ; ndị ẹnya-mpịn rị imẹ ụya lẹ ẹkpa-ishi e leghama ụzọ.

Azaya 32:3

Ufiri wẹ, ẹnya ndị e legha ụzọ ekpukọ isi, ntịn ndị a nụ ihiẹn k'e gọn ntịn.

Azaya 35:5

Ogẹn hụ ẹnya onyẹ-isi k'a shịapụ, ntịn-okin a nụma ihiẹn.

Azaya 42:16

M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.

Azaya 42:7

kẹn'i shịapụ ndị ẹnya-ishi ẹnya, wepụha ndị rị imẹ ngan, wepụhazịkwọ ndị ishi kpọma ẹgan.

Azaya 43:8

Dupụha nị ndịnị nwọn ẹnya bụ w'a ra legha ụzọ, hụn nwọn ntịn bụ w'a ra nụ ihiẹn.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 9:2

ndị hụn rị a gha imẹ ishi k'a hụn okẹn ukpẹ; ukpẹ k'e nwunkpu ndị bi alị onyinyọn ọnwụn.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 4:10

Ya kẹ Jizọsị nọ sị a, “Ekwensụ, pụ ebeni! Makẹni, e degụọ w'a imẹ Ẹkụkwọ-nsọ, sị, ‘Osolobuẹ wụ Chuku i k'i k'a kụnị isi-alị; ịya sụọ k'i k'e fe.’ ”

Matiu 4:16

Ndị bi imẹ ishi a hụnọlẹ okẹn ukpẹ; ukpẹ e nwunmẹgụọnị ndị bi ebe ọnwụn nọ a kpọ wẹ ihun.”

Luku 1:77

i jẹnkọ d'e mẹ ndị nke ẹ marịn kẹ w'e dọn nwọnhẹn nzụọpụha ghahanị inwọnhẹn mgbagharị njọ.

Luku 1:79

o nwunmẹni ndị rị imẹ ishi ọnwụn rị a kpọ ihun; o mẹ ụkụ ẹnyi gha ụzọ udọn ihiẹn nọ a rị mma.”

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Luku 24:45

Ya ọ nọ shịapụ wẹ obi kẹni wẹ saẹka ghọta Ẹkụkwọ-nsọ,

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Jọnụ 17:17

Gi ezioku dọn wẹ nsọ: oku i wụ ezioku.

Jọnụ 3:19

Ọnwan kẹ wẹ gi hangbu wẹ eṅẹn: nị ukpẹ a bịagụọ imẹ ụwa, kalẹ ishi a ka ịhịan a sụọ karị ukpẹ, makẹni eje-ihiẹn kẹ w'e mẹ.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Jọnụ 9:39

Jesu nọ sị, “M bịa ụwanị d'a han eṅẹn, kẹni ndị ẹnya-ishi leghama ụzọ, ndị e legha ụzọ a wụrụ ẹnya-ishi.”

Jọnụ 9:5

Hụnnị m rị imẹ ụwa, mmẹ wụ ukpẹ ụwa.”

Ọrụn Ndị-ozi 10:43

Ndị-amụma ile shịan'a ẹri nị onyẹ ọwụlẹ kwerinin'ẹ gi ẹfan a e nwọnrin mgbagharị njọ.”

Ọrụn Ndị-ozi 13:47

Makẹni ya kẹ Di-nwọnni-ẹnyi sị ẹnyi mẹ: ọ sị, ‘E tumẹgụọ m ụnụ nị ụnụ wụrụ ukpẹ ndị alị ọzọ, kẹni ụnụ wẹhẹ nzụọpụha ebe ile rị elu ụwa.’ ”

Ọrụn Ndị-ozi 15:9

Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ọrụn Ndị-ozi 2:38

Pita nọ za wẹ, sị, “Onyẹ-onyẹ imẹ ụnụ ya rogharị, ni wẹ gi ẹfan Jizọs Kraịstị mẹ ẹ mirin-Chuku, Osolobuẹ a gbagharị a njọ, ogẹn ahụn, o nwọnhẹn oyiye hụ wụ Mmọn-nsọ.

Ọrụn Ndị-ozi 20:21

a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.

Ọrụn Ndị-ozi 20:32

“M rị nwan e bu ụnụ e che ẹka Osolobuẹ lẹ ozi banyeni ọhụnma a, ozi ẹ hụn k'a s'ẹka tụn ụnụ kẹ ụlọ mẹ ụnụ turu — weye ụnụ ihiẹn runi ụnụ imẹ ndị nsọ Osolobuẹ ile.

Ọrụn Ndị-ozi 26:19

“Agụ, enupụnị m nwan isi ihiẹn m hụn imẹ ọhụn hụ gha elu-igwee bịa.

Ọrụn Ndị-ozi 26:23

nị Kraịstị k'a tarịrị afụnfụn; n'o k'a wụrụ onyẹ ibuzọ gha ọnwụn lihi; n'o k'e wẹhẹni kẹ ndị alị ẹnyi kẹ alị ndị ọzọ ozi ukpẹ.”

Ọrụn Ndị-ozi 3:19

Rogharị nị nwan ụnụ e kinhẹn n'o finchanpụ ụnụ njọ,

Ọrụn Ndị-ozi 5:31

Osolobuẹ e weshigụọ a nwan elu, bu ẹ che ẹka-nni ẹ, ebẹhụ ọghọ rị, mẹmẹ ẹ Onyẹ-ndu lẹ Onyẹ-nzụọpụha, kẹni ndị Izrẹlụ gha ẹka a rogharị nwọnhẹn mgbagharị njọ wẹ.

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Kọrẹntị Ibuzọ 1:2

Ẹnyi rị e dejẹnni ndị ụka Osolobuẹ rị obodo Kọrẹntị, ndị ahụn Osolobuẹ dọn nsọ imẹ Kraịstị wụ Jizọsị, ndị ahụn wẹ kpọ d'a wụrụ ndị-nsọ. Ẹnyi rị e dejẹnni uwẹ lẹ ndị ile rị ebe ọwụlẹ hụn a kpọku ẹfan Di-nwọnni-ẹnyi wụ Jesu Kristi hụn Nwọn ẹnyi lẹ wẹ.

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Kọrẹntị Nke Ẹbụọ 6:14

Anịlẹ ni wẹ kpagbama ụnụ lẹ ndị kwerilẹni ntụtụ ohu. Elee mmẹkọ kẹ ezi-omumẹ lẹ eje-obibi nwọndẹ? Elee mmẹkọ kẹ ukpẹ lẹ ishi nwọn?

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Galeshịa 3:14

Ọ gbapụha ẹnyi kẹni ngọzi Osolobuẹ gọzi Ebraham hụn ụzọ ruzi ndị alị ndị ọzọ wụlẹni ndị Ju ẹka, ghahanị Kraịstị wụ Jizọsị, kẹni ẹnyi hụn ụzọ gi okukwe nwọnhẹn Mmọn-nsọ ahụn Osolobuẹ kwe nkwa a.

Ndị Galeshịa 3:2

Ihiẹn ohuni sụọ kẹ m chọ nị m marịn: gwadẹleni m, nanị kẹ ụnụ dọn nwọnhẹn Mmọn-nsọ? Ghahanị idọnmẹ Iwu ra ghahanị ikweri oziọma ụnụ nụ?

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 1:14

makẹni Mmọn-nsọ k'o bu ụzọ e ye nọkẹ mbi, o kebe bịa d'e gbarị ndị ọ ṅọntọgụ. Osolobuẹ mẹ ẹ kẹni ụnụ nwẹn wụrụzị ihiẹn wẹ gi a ja Osolobuẹ mma n'o hikẹ ogbe!

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 2:8

ẹfọma haịn Osolobuẹ gi gi okukwe ụnụ zụọpụha ụnụ, ẹlẹ ụnụ gi ẹka ụnụ mẹ ẹ, ihiẹn Chuku ye ọfẹ rọ —

Ndị Ẹfẹsọsụ 4:18

Uche wẹ a gbagụọ ishi. Enwọn wẹ ndụn Osolobuẹ yeni onwọnni ihiẹn wẹ marịn, makẹni obi wẹ kpọkin akpọkin.

Ndị Ẹfẹsọsụ 5:11

Ebuchekwọlẹ ni ẹka ihiẹn ishi makẹni abannị wẹ erere; kama, kpu ni wẹ oro,

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Ndị Ẹfẹsọsụ 6:12

Makẹni, ẹlẹ ịhịan nwọn ẹhụ lẹ ẹdeke kẹ ẹnyi lẹ wẹ rị a lụ ọgụn, kanị, eje-mmọn rị ichẹn-ichẹn: ndị-isi eje-mmọn lẹ ndị-ọkịkị wẹ lẹ eje-mmọn ndị rị e mẹ eluni a gba ishi lẹ mmọn ile rị imẹ elu rị a kwadọn njọ kẹ ẹnyi lẹ wẹ rị a lụ.

Timoti Nke Ẹbụọ 2:26

ẹnya e fọn wẹ, a wanahịn wẹ ọnyan Ekwensụ te gi kwọndọn wẹ nị wẹ e mẹ uche Ekwensụ.

Hibru 10:10

Uche Osolobuẹ ahụn kẹ wẹ gi nwan dọn ẹnyi nsọ ghahanị ẹjan Kraịstị wụ Jizọsị gi ẹhụ a chụn mgbe ohu, chụnchanrịn a.

Hibru 10:14

makẹni o gigụọ ẹjan ohu mẹ ndị hụ ọ rị e dọn nsọ wụrụ ndị zu oke jẹnrin ejẹn.

Hibru 11:6

bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Pita Ibuzọ 1:4

Ọ mụrụngụọ ụnụ d'e nwọnrin ukuu ghalẹni e rehi mọbụ e wiwi mọbụ a fapụ, ukuu o butọnị ụnụ elu-igwee.

Pita Ibuzọ 2:25

Ụnụ te rị a kpahu kẹ atụnrụn, kanị ụnụ e kinhẹngụọ nwan d'e kunrun onyẹ hụn e du ụnụ kẹ atụnrụn, onyẹ hụn e lepụ umẹ-ndụn ụnụ ẹnya.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Jọnụ Ibuzọ 1:9

Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.

Jọnụ Ibuzọ 2:12

Ụmụẹka, m rị e deni ụnụ nị m gi gwa ụnụ nị Osolobuẹ e gigụọ ufiri ẹfan Jizọsị gbagharị ụnụ njọ.

Jọnụ Ibuzọ 3:8

Onyẹ e mẹ njọ wụ nke Ekwensụ, makẹni Ekwensụ gha alị mẹla njọ. Ịya haịn Nwa Osolobuẹ gi bịa — kẹni o tikpọ ọrụn Ekwensụ.

Jọnụ Ibuzọ 5:19

Ẹnyi a marịnghọ nị ẹnyi wụ nke Osolobuẹ kanị ụwa ile rị okpuru Eje-onyẹ hụ.

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ:

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.