Ọrụn Ndị-ozi 24:16 - Ika

¹⁶ Ufiri ẹ kẹ m gi a lịlịma ogẹn ile, kẹni m hụn a nị obi m rị ọchan ebe Osolobuẹ lẹ ịhịan rị.

Ọrụn Ndị-ozi 24:16 ပူးပေါင်းရင်းမြစ်များ

Ọrụn Ndị-ozi 23:1

Pọlụ nọ bu ẹnya tụma Ndị-isi Nkịkwama hụ, sị, “Umunẹ m, e giọlẹ m obi rị ọchan bi elu m idẹnya Osolobuẹ d'e ru tannị.”

Ndị Rom 2:15

omumẹ wẹ hụ a ghọsị nị Osolobuẹ e degụ Iwu ahụn imẹ obi wẹ, ịhọrị wẹ hụ a shịanị wẹ ẹri: obi wẹ hụ a ma wẹ ikpe mọbụ e kuni wẹ ọhụnma.

Ndị Rom 9:1

M rị e ku ezioku idẹnya Kraịstị, arị m a tụ ntụ, ịhọrị m rị a ghọnị m idẹnya Mmọn-nsọ nị arị m a tụ ntụ, nị

Ndị Kọrẹntị Ibuzọ 10:32

ẹlẹ hụn ụnụ e gi e wiwi okukwe ịhịan, kẹ ndị Ju kẹ ndị alị ọzọ kẹ ndị ụka Osolobuẹ.

Ndị Kọrẹntị Ibuzọ 4:4

Obi m hụghọ ọchan, kanị ẹlẹ ọhụn kẹ ẹka m e gi rị ọchan; Di-nwọnni-ẹnyi ya nwọn kin m ikpe.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 4:2

Ẹnyi a jụgụọ ihiẹn-ifẹnrẹn ndị hụ ịhịan e zuemẹ; ẹnyi ara mẹ ẹro mọbụ tụ ntụ ye oku Osolobuẹ. Kama, ẹnyi hụ e kuchanrịn ezioku k'ọ nọ, e gi ẹ e we enwẹn ẹnyi a ghọsị ịhịan ile idẹnya Osolobuẹ, kẹni wẹ e gi akpakalị obi wẹ e lele kẹ ẹnyi nọ.

Ndị Tẹsalonika Ibuzọ 2:10

Ụnụ wụ ọshẹri ẹnyi; Osolobuẹ wụzịkwọ ọshẹri, nị ẹnyi mẹsọn ụnụ ndị kwerini omumẹ rị nsọ, rị mma ẹnya Osolobuẹ lẹ omumẹ nwọnlẹni nkọrịanị.

Timoti Ibuzọ 1:19

e kwọnkẹnmẹ okukwe lẹ idọnmẹ obi ọchan. O nwọngụọ ndị latọ idọnmẹ obi wẹ ọchan, gi ẹ sụkpọpụ okukwe wẹ.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 3:9

Wẹ k'a wụrịrị ndị e kwọnkẹnmẹ ihiẹn-omimi rị ofufe Kraịstị, ndị e dọnmẹ obi wẹ ọchan.

Timoti Nke Ẹbụọ 1:3

M hụ a kpanmịn Osolobuẹ m gha a nyanhan ị ogẹn ile m gi e mẹ ekpere uhinhin lẹ efinnaị, Osolobuẹ hụn hụn m rị e dọnmẹ obi m ọchan e fe kẹ ndị nẹdi m dọn mẹ.

Taịtọsụ 1:15

Ẹnya ndị obi wẹ rị ọchan, ihiẹn ile rị ọchan, kanị ẹnya ndị rụnị lẹ ndị gilẹni oku Osolobuẹ dọn, ihiẹn ile rụ arụ — kẹ uche wẹ kẹ ịhọrị wẹ rụzịdẹ arụ.

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 13:18

E mẹni ni ẹnyi ekpere, makẹni ẹnyi a marịnghọ nị obi ẹnyi rị ọchan lẹni ẹnyi achọnị nị ẹnyi mẹ ihiẹn ọwụlẹ ẹnyi e gi fa Osolobuẹ.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Pita Ibuzọ 2:19

Ọghọ rọ nị ịhịan rị e dingbu afụnfụn furulẹni makẹni ọ rị e ro Osolobuẹ.

Pita Ibuzọ 3:16

Ka e gi ni nwayọ lẹ mgbaye e mẹ ẹ. E dọnmẹ ni obi ụnụ ọchan, kẹni ifẹnrẹn mẹ ndị hụn e kuja ihiẹn rị mma ụnụ rị e mẹ imẹ Kraịstị.

Pita Ibuzọ 3:21

Wẹ gi ọnwan gwatọ ẹnyi kẹ mirin-Chuku dọn nwan a zụọpụha ịhịan kikẹnni: ẹlẹ wẹ rị e gi mirin-Chuku a wụpụ unyin rị ịhịan ẹhụ, kama, ịhịan gi ẹ a ghọsị Osolobuẹ n'o gi obi ẹ ile bịa d'e kunrun ẹ, ghahanị olihi Jesu Kristi gha ọnwụn lihi.