Ọrụn Ndị-ozi 23:7 - Ika

⁷ Ogẹn o gi ku okuni, ndị itu-Farisi lẹ ndị itu-Sadusi rị imẹ Ndị-isi Nkịkwama hụ nọ dọma ndọndọ, ọgwa nọ kebe.

Ọrụn Ndị-ozi 23:7 ပူးပေါင်းရင်းမြစ်များ

Ẹbụ-ọma 55:9

Di-nwọnni-ẹnyi, dodo kpayịya wẹ — mẹ wẹ aghọtazịlẹ ihiẹn ibe wẹ rị e ku! Makẹni, m rị a hụn ẹka-ikẹn lẹ isusu imẹ obodo.

Matiu 10:34

“Erokwọlẹ ni nị m bịa d'e mẹ ni udọn rị elu ụwa. Mba, ezioku kẹ m rị a gwa ụnụ, ẹlẹ udọn kanị ọpịa-agha.

Ọrụn Ndị-ozi 14:4

Kanị ndị obodo hụ kebe ekebe: ndịnị a nọyeni ndị Ju, ndịnị a nọyeni ndị-ozi hụ pụ-ichẹn wụ Banabasị lẹ Pọlụ.

Ọrụn Ndị-ozi 23:6

Ogẹn Pọlụ gi hụn a nị ụfọdụ Ndị-isi Nkịkwama hụ wụ ndị itu Sadusi, ụfọdụ wụ ndị Itu-Farisi, o weshi olu elu, sị, “Umunẹ, m wụ onyẹ Farisi maị, nwa onyẹ Farisi! Wẹ rị e kpe m ikpeni makẹ olilẹnya m nwọn nị ndị nwụnhụnnị jẹnkọ d'e lihi!”

Ọrụn Ndị-ozi 23:8

Makẹni ndị Sadusi kweri nị ndị nwụnhụnnị ara lihi, ndị mmọn-ozi arị, mmọn arị. Kanị, ndị Farisi kweri nị wẹ ẹtịtọ rị arị.