Ọrụn Ndị-ozi 23:1 - Ika

¹ Pọlụ nọ bu ẹnya tụma Ndị-isi Nkịkwama hụ, sị, “Umunẹ m, e giọlẹ m obi rị ọchan bi elu m idẹnya Osolobuẹ d'e ru tannị.”

Ọrụn Ndị-ozi 23:1 ပူးပေါင်းရင်းမြစ်များ

Itẹn 28:1

Onyẹ eje-omumẹ a gba ọsọ bụ onwọnni onyẹ chụkọn'a, kanị onyẹ ezi-omumẹ e mẹ kẹ ẹwọrọ hụn egun ghalẹni a tụ.

Matiu 5:22

Kanị, m rị gwa ụnụ nị onyẹ budẹni nwẹnẹ ẹ olulu a kpọ w'a ikpe; onyẹ kpọ nwẹnẹ ẹ iyi, o jẹnkọ Ọgwa Ndị-isi; onyẹ sị ịhịan ‘Nzuzu,’ ọkụn-mmọn rị e che ẹ.

Ọrụn Ndị-ozi 22:1

Pọlụ sị wẹ, “Umunẹ m lẹ ndị nẹdi ẹnyi, gọn ni ntịn nị m kọwa!”

Ọrụn Ndị-ozi 22:30

Ogẹn eki gi fọn, makẹni onyẹ-isi agha kanị chọkọ n'ọ marịn ihiẹn ndị Ju rị e kpeni Pọlụ, ọ nọ kpọpụ Pọlụ ẹgan, kpọzu ndị-isi nchụn-ẹjan lẹ ndị-isi ile. Ya ọ nọ wẹhẹ Pọlụ, bu ẹ tumẹ ihun wẹ.

Ọrụn Ndị-ozi 22:5

Onyẹ-isi nchụn-ẹjan lẹ ndị-isi k'a saẹka shịanị m ẹri. A narịnghọdẹ m wẹ ẹkụkwọ m wekọnị ndị Ju rị Damaskọsụ kẹni m d'a kpọma ndị rị ebẹhụ rị e sọn Ụzọnị ẹgan, wẹhẹ wẹ Jerusalẹm d'e ye afụnfụn.

Ọrụn Ndị-ozi 23:15

Ụnụ lẹ Ndị-isi Nkịkwama, zi ni nwan ozi jẹnni onyẹ-isi agha kanị, n'o wẹhẹni ụnụ Pọlụ. Kun'ẹ nọkẹ sị ụnụ chọ nị ụnụ lebankẹnmẹ oku ẹ ẹnya; ẹnyi nwẹn a kwademẹgụọ nị ẹnyi gbu ẹ o gini d'e ru ebeni.”

Ọrụn Ndị-ozi 23:20

Ọ nọ sị a, “Ndị-ndu ndị Ju e kwerigbamagụọ nị wẹ k'a sị ị wẹhẹ Pọlụ Ọgwa Ndị-isi Nkịkwama ekile, nọkẹ sị ndị-isi chọ nị wẹ lebankẹnmẹ oku ẹ ẹnya.

Ọrụn Ndị-ozi 23:28

Makẹni m chọ nị m marịn ihiẹn wẹ rị a man'a ikpe, m nọ we ẹ jẹn Ọgwa Ndị-isi Nkịkwama wẹ.

Ọrụn Ndị-ozi 23:6

Ogẹn Pọlụ gi hụn a nị ụfọdụ Ndị-isi Nkịkwama hụ wụ ndị itu Sadusi, ụfọdụ wụ ndị Itu-Farisi, o weshi olu elu, sị, “Umunẹ, m wụ onyẹ Farisi maị, nwa onyẹ Farisi! Wẹ rị e kpe m ikpeni makẹ olilẹnya m nwọn nị ndị nwụnhụnnị jẹnkọ d'e lihi!”

Ọrụn Ndị-ozi 24:16

Ufiri ẹ kẹ m gi a lịlịma ogẹn ile, kẹni m hụn a nị obi m rị ọchan ebe Osolobuẹ lẹ ịhịan rị.

Ọrụn Ndị-ozi 6:15

Wẹ ile rị Ọgwa hụ nọ bu ẹnya zinmẹ Stivini, wẹ nọ hụn nị ihun ẹ nọ kẹ ihun mmọn-ozi.

Ndị Kọrẹntị Ibuzọ 4:4

Obi m hụghọ ọchan, kanị ẹlẹ ọhụn kẹ ẹka m e gi rị ọchan; Di-nwọnni-ẹnyi ya nwọn kin m ikpe.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 4:2

Ẹnyi a jụgụọ ihiẹn-ifẹnrẹn ndị hụ ịhịan e zuemẹ; ẹnyi ara mẹ ẹro mọbụ tụ ntụ ye oku Osolobuẹ. Kama, ẹnyi hụ e kuchanrịn ezioku k'ọ nọ, e gi ẹ e we enwẹn ẹnyi a ghọsị ịhịan ile idẹnya Osolobuẹ, kẹni wẹ e gi akpakalị obi wẹ e lele kẹ ẹnyi nọ.

Timoti Nke Ẹbụọ 1:3

M hụ a kpanmịn Osolobuẹ m gha a nyanhan ị ogẹn ile m gi e mẹ ekpere uhinhin lẹ efinnaị, Osolobuẹ hụn hụn m rị e dọnmẹ obi m ọchan e fe kẹ ndị nẹdi m dọn mẹ.

Hibru 13:18

E mẹni ni ẹnyi ekpere, makẹni ẹnyi a marịnghọ nị obi ẹnyi rị ọchan lẹni ẹnyi achọnị nị ẹnyi mẹ ihiẹn ọwụlẹ ẹnyi e gi fa Osolobuẹ.

Pita Ibuzọ 3:16

Ka e gi ni nwayọ lẹ mgbaye e mẹ ẹ. E dọnmẹ ni obi ụnụ ọchan, kẹni ifẹnrẹn mẹ ndị hụn e kuja ihiẹn rị mma ụnụ rị e mẹ imẹ Kraịstị.