Ọrụn Ndị-ozi 22:30 - Ika

³⁰ Ogẹn eki gi fọn, makẹni onyẹ-isi agha kanị chọkọ n'ọ marịn ihiẹn ndị Ju rị e kpeni Pọlụ, ọ nọ kpọpụ Pọlụ ẹgan, kpọzu ndị-isi nchụn-ẹjan lẹ ndị-isi ile. Ya ọ nọ wẹhẹ Pọlụ, bu ẹ tumẹ ihun wẹ.

Ọrụn Ndị-ozi 22:30 ပူးပေါင်းရင်းမြစ်များ

Matiu 10:17

Kpachanpụ nị nị ịhịan ẹnya, makẹni wẹ jẹnkọ d'e wejẹn ụnụ ọgwa rị ichẹn-ichẹn, fịan ụnụ mkpịnsịn imẹ ụlọ-ofufe wẹ.

Matiu 27:2

Wẹ nọ kẹn ẹ ẹgbụn, we ẹ jẹnni Paịleti, Gọvanọ ndị Rom tumẹni wẹ.

Matiu 5:22

Kanị, m rị gwa ụnụ nị onyẹ budẹni nwẹnẹ ẹ olulu a kpọ w'a ikpe; onyẹ kpọ nwẹnẹ ẹ iyi, o jẹnkọ Ọgwa Ndị-isi; onyẹ sị ịhịan ‘Nzuzu,’ ọkụn-mmọn rị e che ẹ.

Ọrụn Ndị-ozi 21:11

Ọ nọ bịa d'e kunrun ẹnyi: o weri akpụkpọ-ukun Pọlụ, gi ẹ kẹnmẹ enwẹn ẹ ụkụ lẹ ẹka; ọ nọ sị, “Mmọn-nsọ sị, ‘Ẹnịna kẹ ndị Ju rị Jerusalẹm k'a dọn kẹnmẹ onyẹ nwọn akpụkpọ-ukunni, bu ẹ che ẹka ndị alị ọzọ.’ ”

Ọrụn Ndị-ozi 21:33

Onyẹ-isi agha kanị nọ jẹnburu Pọlụ, nwụnrụn a. Ọ nọ sị wẹ kpọma a ẹgan ẹbụọ; ya ọ nọ sị wẹ, “Onyẹ wụ okẹnnyẹni? K'o mẹ?”

Ọrụn Ndị-ozi 22:5

Onyẹ-isi nchụn-ẹjan lẹ ndị-isi k'a saẹka shịanị m ẹri. A narịnghọdẹ m wẹ ẹkụkwọ m wekọnị ndị Ju rị Damaskọsụ kẹni m d'a kpọma ndị rị ebẹhụ rị e sọn Ụzọnị ẹgan, wẹhẹ wẹ Jerusalẹm d'e ye afụnfụn.

Ọrụn Ndị-ozi 23:1

Pọlụ nọ bu ẹnya tụma Ndị-isi Nkịkwama hụ, sị, “Umunẹ m, e giọlẹ m obi rị ọchan bi elu m idẹnya Osolobuẹ d'e ru tannị.”

Ọrụn Ndị-ozi 23:15

Ụnụ lẹ Ndị-isi Nkịkwama, zi ni nwan ozi jẹnni onyẹ-isi agha kanị, n'o wẹhẹni ụnụ Pọlụ. Kun'ẹ nọkẹ sị ụnụ chọ nị ụnụ lebankẹnmẹ oku ẹ ẹnya; ẹnyi nwẹn a kwademẹgụọ nị ẹnyi gbu ẹ o gini d'e ru ebeni.”

Ọrụn Ndị-ozi 23:20

Ọ nọ sị a, “Ndị-ndu ndị Ju e kwerigbamagụọ nị wẹ k'a sị ị wẹhẹ Pọlụ Ọgwa Ndị-isi Nkịkwama ekile, nọkẹ sị ndị-isi chọ nị wẹ lebankẹnmẹ oku ẹ ẹnya.

Ọrụn Ndị-ozi 23:28

Makẹni m chọ nị m marịn ihiẹn wẹ rị a man'a ikpe, m nọ we ẹ jẹn Ọgwa Ndị-isi Nkịkwama wẹ.

Ọrụn Ndị-ozi 23:6

Ogẹn Pọlụ gi hụn a nị ụfọdụ Ndị-isi Nkịkwama hụ wụ ndị itu Sadusi, ụfọdụ wụ ndị Itu-Farisi, o weshi olu elu, sị, “Umunẹ, m wụ onyẹ Farisi maị, nwa onyẹ Farisi! Wẹ rị e kpe m ikpeni makẹ olilẹnya m nwọn nị ndị nwụnhụnnị jẹnkọ d'e lihi!”

Ọrụn Ndị-ozi 26:29

Pọlụ nọ shịarị, sị, “Ihiẹn m rị a rịọ Osolobuẹ wụ nị ẹlẹdẹ yụ sụọ, kanị, kẹ ịyụ kẹ ndị ọzọ ile rị e gọn m ntịn tannị rị kẹ mmẹ — wezụka ẹgan ndịnị wẹ kpọma m, k'o mẹ ẹgwa, k'o mẹni ẹgwa!”

Ọrụn Ndị-ozi 5:21

A nụ wẹ ihiẹnni, eki e fọnhụ, wẹ nọ banye Ụlọ-nsọ d'a kuzimẹ. Ogẹnni, onyẹ-isi nchụn-ẹjan nkẹ lẹ ndị ya lẹ wẹ wị a bịagụọ, kpọ Ọgwa Sahẹdrini, Ndị-isi Nkịkwama alị Izrẹlụ. Ya wẹ nọ zi ịhịan ụlọ-ngan d'e wẹhẹ Ndị-ozi hụ pụ-ichẹn.