Ọrụn Ndị-ozi 22:14 - Ika

¹⁴ Ya ọ nọ sị, ‘Osolobuẹ ndị nẹdi ẹnyi a họrịgụọ ị n'ị marịn uche ẹ, n'ị hụn Onyẹ hụ Rị-ọchan, nụzịkwọ kẹ o gi olu ẹ gwa ị oku.

Ọrụn Ndị-ozi 22:14 ပူးပေါင်းရင်းမြစ်များ

Ndị-nze Nke Ẹbụọ 21:22

Ọ jụ Osolobuẹ, Chuku ndị nẹdi ẹ wẹ; o sọnni ụzọ Osolobuẹ.

Ihiẹn Mẹni Nke Ibuzọ 12:17

Ya Defidi nọ pụha d'e kunrun wẹ, sị wẹ, “Omẹni ihiẹn rị mma kẹ ụnụ bịanị, nị ẹka kẹ ụnụ bịa d'e yeni m, ọ sụọghọ m nị mmẹ lẹ ụnụ nọgbama. Kanị omẹni orire kẹ ụnụ bịa d'e re m ye ndị iṅẹnrẹn m, bụ onwọnni eje-ihiẹn rị m ẹka, Chuku ndị nẹdi ẹnyi ya hụn a, gi ẹ kin ụnụ ikpe.”

Ihiẹn Mẹni Nke Ibuzọ 29:18

Euu Osolobuẹ, Chuku ndị nẹdi ẹnyi kanị wụ Ebraham, Aziki lẹ Izrẹlụ, dodo mẹ adụdụ nọ ẹnịna rịferi ndị nke i obi, y'e mẹ obi wẹ rịchanrịn ebe ị rị.

Ihiẹn Mẹni Nke Ẹbụọ 28:25

Ọ tụnsọnmẹ ebe jẹn elu imẹ obodo ile rị Juda kẹni w'a nọ wẹ a chụnnị mmọn ichẹn-ichẹn ẹjan wẹ gi ọkụn a chụn; ọ nọ gi ẹ kpasu Osolobuẹ wụ Chuku ndị nẹdi ẹ iwe.

Ihiẹn Mẹni Nke Ẹbụọ 30:19

hụn wepụha obi ẹ n'o fe yụ wụ Chuku, Osolobuẹ hụn wụ Chuku ndị nẹdi ẹ, ọsụọn'a nị ete rịnị wẹ ọchan kẹ Iwu Ụnọ-nsọ dọn ku.”

Ẹzra 7:27

Ịja-mma ya rịnị Osolobuẹ, Chuku ndị nẹdi ẹnyi, hụn bu ẹ che eze obi n'o ye ụlọ Osolobuẹ rị Jerusalẹm ọghọ ẹnịna,

Ọpụpụ 15:2

Osolobuẹ wụ ikẹn m lẹ ẹbụ m; ọ zụọpụhagụọ m. Chuku m rọ, m jẹnkọ nwan d'a ja a mma; Chuku hụn nẹdi m fe rọ, m k'e tuchan a.

Jerimaya 1:5

“A marịngụọ m'ị nị m d'a kpụ ị imẹ ẹfọ nnẹ i; a họtọgụọdẹ m'i nị wẹ d'a mụ ị; m tumẹ i onyẹ-amụma alị ichẹn-ichẹn.”

Daniẹlụ 2:23

Chuku ndị nẹdi m — m rị a kpanmịn ị, a ja ị mma: makẹni y'e yegụọ m amamihiẹn lẹ ikẹn, y'a ghọsịgụọ m ihiẹn ẹnyi rịọ ị, y'e mẹgụọ ẹnyi marịn ihiẹn eze rị a chọ.

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Ọrụn Ndị-ozi 13:17

Chuku ndị Izrẹlụ họrị ndị nẹdi ẹnyi kanị kẹ wẹ rị alị Ijiptu, o mẹ wẹ wụrụ okẹn alị; o mẹgụ, ọ nọ kpa ikẹn hi-ogbe wepụha wẹ alị Ijiptu.

Ọrụn Ndị-ozi 22:15

Makẹni i jẹnkọ d'a wụ ọshẹri ẹ, hụn k'e we ozi ẹ jẹnni ụwa ile, a gwa wẹ ihiẹn ị hụn lẹ ihiẹn ị nụ!

Ọrụn Ndị-ozi 22:18

m nọ hụn ọhụn. M nọ hụn Jesu k'ọ rị a sị m, ‘Mẹ nwan n'ị gha Jerusalẹm pụ ozigbo, makẹni, anabanhankọ wẹ ẹri i k'a shịanị m.’

Ọrụn Ndị-ozi 24:14

Kanị m k'a saẹka gwa ị nị Ụzọ hụ wẹ rị e ye eje-ẹfan kẹ m gha e fe Osolobuẹ ndị nẹdi ẹnyi kanị; m kweri ihiẹn ile Iwu Mozizi ku lẹ ihiẹn ile wẹ de imẹ ẹkụkwọ ndị-amụma.

Ọrụn Ndị-ozi 26:16

Lihi nwan turu ọtọ. M we enwẹn m ghọsị ị kẹni m tumẹ i odibo m lẹ ọshẹri hụn k'a gwa ndị ọzọ ihiẹn ndị ị hụn lẹ ihiẹn ndị m jẹnkọ d'a ghọsị ị.

Ọrụn Ndị-ozi 5:30

Chuku ndị nẹdi ẹnyi kanị weli Jesu hụn ụnụ gbu ghahanị ihogbu ẹ elu osisi.

Ọrụn Ndị-ozi 7:52

Elee onyẹ-amụma kẹ ndị nẹdi ụnụ kpokpolẹni? Uwẹ gbu ndị hụn ku oku ọbịbịa Kraịstị Onyẹ Ezi-omumẹ, ụnụ nwẹn wụ nwan ndị ren'ẹ lẹ ndị gbun'ẹ!

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ọrụn Ndị-ozi 9:17

Ananayasị nọ jẹnmẹ. O ru ebẹhụ, ọ nọ banye imẹ ụlọ ahụn, bụ ẹka kwasị Sọlụ, sị a, “Sọlụ nwẹnẹ m, Di-nwọnni-ẹnyi wụ Jesu hụn ị hụn ụzọ k'i lala zihẹ m kẹni i leghamazị ụzọ lẹni Mmọn-nsọ jun imẹ i.”

Ndị Rom 1:1

Mmẹ wụ Pọlụ de ẹkụkwọ-ozini. M wụ igbọn Jizọsị Kraịstị. Osolobuẹ kpọ m, tumẹ m onyẹ-ozi pụ-ichẹn makẹ Oziọma Osolobuẹ.

Ndị Kọrẹntị Ibuzọ 11:23

Makẹni, ihiẹn m nwọnhẹn ẹka Di-nwọnni-ẹnyi, ya kẹ m kuzi ụnụ: nị ebe wẹ rị e ri ihiẹn-oriri imẹ uhinhin hụ wẹ jẹnkọ d'e re ẹ, nị Di-nwọnni-ẹnyi wụ Jesu weri brẹdi,

Ndị Kọrẹntị Ibuzọ 15:3

Makẹni, ihiẹnni kachanrịn mkpa kẹ wẹ kuzi m; ịya kẹ mmẹ nwẹn kuzizi ụnụ: nị Kraịstị gi ufiri njọ ẹnyi nwụnhụn kẹ Ẹkụkwọ-nsọ dọn ku ẹ n'o k'a nwụn;

Ndị Kọrẹntị Ibuzọ 15:8

Nke ikpanzụụn imẹ wẹ ile, mmẹ nwẹn nọzị hụn a: mmẹ hụn nọ kẹ nwa wẹ mụlẹni ẹgwa.

Ndị Kọrẹntị Ibuzọ 9:1

Ẹlẹ mmẹ nwọndẹ nwan enwẹn m ra? Ẹlẹ onyẹ-ozi pụ-ichẹn kẹ m wụ? Ahụnnị m Jesu Di-nwọnni-ẹnyi? Ụnụ ẹlẹdẹ nwan ihiẹn m rụnpụhanị Di-nwọnni-ẹnyi ra?

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Galeshịa 1:12

amụnarịnnị m ịhịan ya; ẹlẹ ịhịan kuzi m'ẹ. Kama, Jesu Kristi lẹ enwẹn ẹ we ẹ ghọsị m.

Ndị Galeshịa 1:15

Kanị, ogẹn o gi sụọ Osolobuẹ, hụn gi ẹfọma a họrị m kpọ m kẹ m rịdẹ ẹfọ nnẹ m,

Timoti Nke Ẹbụọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị wụ Jizọsị ghahanị uche Chuku. Wẹ tumẹ m onyẹ-ozi pụ-ichẹn d'a rụn ọrụn Osolobuẹ gha e mẹzu nkwa ahụn o kwe n'o k'e ye ndị rị imẹ Kraịstị wụ Jizọsị ndụn.

Taịtọsụ 1:1

Mmẹ wụ Pọlụ de ẹkụkwọ-ozini. M wụ igbọn Osolobuẹ lẹ onyẹ-ozi pụ-ichẹn Jizọs Kraịstị. Ọrụn m wụ ịkwadọn okukwe ndị hụ Osolobuẹ họrị lẹ imẹ ịhịan marịn ezioku wẹ gi e fe Osolobuẹ k'o furu.

Pita Ibuzọ 2:22

O mẹni njọ; onwọnni ntụ wẹ nụ ọnụ a.

Jọnụ Ibuzọ 2:1

Ụmụ m, m rị e deni ụnụ ihiẹn ndịnị amamgbe ụnụ gha e mẹ njọ. Kanị, omẹni ịhịan mẹ njọ, ẹnyi nwọn onyẹ a rịọdọnni ẹnyi Chuku-Nẹdi: Jesu Kristi hụn rị ọchan rọ.