Ọrụn Ndị-ozi 21:3 - Ika

³ Ẹnyi e ru ebe ẹnyi nọ leghama alị Saịprọsụ, ẹnyi nọ nu ẹ ye azụụn ẹka-ekpẹn, nyanshi Ẹgbẹrẹ Siria; ẹnyi e ru ẹ, ẹnyi nọ kụsị imẹ alị Taya, makẹni ebẹhụ kẹ ụgbọ ahụn jẹnkọ d'a nọ butu ibu.

Ọrụn Ndị-ozi 21:3 ပူးပေါင်းရင်းမြစ်များ

Samuẹlụ Nke Ẹbụọ 8:6

Ọ nọ bu ndị-agha tọ imẹ alị-eze ndị Aram alị Damaskọsụ nị w'e leban wẹ ẹnya, ndị Aram nọ ban okpuru Defidi, a tụhan'a ụtụ-isi. Osolobuẹ mẹsọnmẹ Defidi mẹri ebe ọwụlẹ o jẹn.

Ẹbụ-ọma 45:12

Kẹ ndị alị Taya k'e gi oyiye bịa d'a chann'ị ẹnya, ndị kachanrịn ọdanfịn k'a chann'ị ẹnya.

Ẹbụ-ọma 87:4

Ọ sị, “M k'a kpọ ẹfan ndị ‘Rehabụ’ lẹ ndị Babilọnụ imẹ ndị e feni m; nke ndị Filistia lẹ ndị Taya lẹ ndị Ẹtiopịa, m k'a sị, ‘Ọnwan wụ onyẹ Zayọnụ.’ ”

Azaya 7:2

Ogẹn ozi gi ru ndị ebọn Defidi rị a kịnị ẹhụ, nị ndị Aram a banyegụọnị ndị Ifrem umunẹ wẹ, ndị Izrẹlụ Ẹbamịn-ugu, obi nọ feri eze wụ Ahazị lẹ ndị nke ẹ, ẹhụ nọ mama wẹ nni kẹ osisi rị ẹgboko ufere rị e mẹhunmẹ.

Matiu 11:21

Ọ sị, “Ndị Korazini, o sikọ d'a fụ ụnụ ọrụn! Ndị Bẹtisaịda, o sikọ d'a fụ ụnụ ọrụn! Makẹni, omẹni alị Taya-lẹ-Sidọnụ mẹgbu enwẹn wẹ njọ kẹ wẹ te nọ rụn ọrụn-atụmẹnya ile wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharị, yiri ẹkwa achọ, kpọn ntụn kpu enwẹn wẹ gi ghọsị nị e rogharịgụọ wẹ.

Matiu 4:24

Ya kẹ otiti ẹ nọ kpọgbarị alị Siria ile; wẹ hụ e wẹhẹn'ẹ ndị ile emu rị a kụ, ndị bu ọrịa ichẹn-ichẹn lẹ ndị ihiẹn rị a tụrụ, ndị eje-mmọn rị e ye nsọngbu, ndị ibobo (odudu) lẹ ndị ọrọ, ọ nọ zụọ wẹ.

Luku 10:13

“Okẹn nsọngbu jẹnkọ d'a rịnị ndị obodo Korazini! Okẹn nsọngbu jẹnkọ d'a rịzịkwọnị ndị obodo Bẹtisaịda! Makẹni, omẹni imẹ alị Taya-lẹ-Sidọnụ kẹ wẹ nọ rụn ọrụn-atụmẹnya ndị wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharịgụ, yiri ẹkwa-achọ, bụọ ntụn kpu enwẹn wẹ, nọdị akpakalị gi ghọsị n'e rogharịgụọ wẹ!

Luku 2:2

(Ọnwan wụ nke ibuzọ wẹ detu ẹfan ịhịan ile. Ogẹn Gọvanọ wụ Kwịrịnọsụ gi rị a kịnị ndị Rom alị ile rị okpuru Siria kẹ wẹ gi detu ẹfannị.)

Ọrụn Ndị-ozi 11:19

Ndị ụka hụn gbayịya makẹ ukpokpo oku Stivini buhẹni ụka gbarukwọrị Finishịa, Saịprọsụ lẹ Antịọkụ, zikọ oziọma; kanị ndị Ju sụọ kẹ imẹrinmẹ wẹ zi oziọma.

Ọrụn Ndị-ozi 12:20

Hẹrọdụ rị e buni ndị Taya lẹ Sidọnụ olulu ọda-ọda. Ya wẹ nọ zu d'a hụn a. A rịọtọgụọ wẹ Blastusu hụn e lepụ ọgwa Hẹrọdụ ẹnya n'o yeni wẹ ẹka. Ya wẹ nọ nwan jẹn d'e kunrun Hẹrọdụ d'a rịọ a nị wẹ dọn, makẹni alị Hẹrọdụ rị a kị kẹ alị wẹ gha e nwọnhẹn ihiẹn-oriri.

Ọrụn Ndị-ozi 13:4

Ogẹn Mmọn-nsọ gi nwan zipụ Banabasị lẹ Sọlụ, wẹ nọ shi Selusia, gi ụgbọ-mirin gha ebẹhụ shi alị Saịprọsụ ohimin nọhunmẹ.

Ọrụn Ndị-ozi 15:23

Wẹ nọ de ẹkụkwọ-ozi ye wẹ. Ihiẹn wẹ de wụ: “Ẹnyi umunẹ ụnụ, kẹ ndị-ozi ahụn pụ-ichẹn kẹ ndị-isi, gba de ẹkụkwọ-ozini; ẹnyi rị e dejẹnni umunẹ ẹnyi wụlẹni ndị Ju, hụn rịsọnmẹ obodo Antịọkụ rị Siria lẹ Siria ile lẹ Silisia. Ẹnyi e kele ụnụ!

Ọrụn Ndị-ozi 15:39

Ezigbo oku nọ seni wẹ, nke wụ nị onyẹ-onyẹ nọ jẹnmẹ nke ẹ: Banabasị e weri Makị, e gi wẹ ụgbọ-mirin shi Saịprọsụ.

Ọrụn Ndị-ozi 15:41

Ọ nọ ghagbarị Siria lẹ Silisia, e mẹ ndị ụka rị ebẹhụ e kẹnrẹn.

Ọrụn Ndị-ozi 18:18

Ogẹn Pọlụ gi nọbiegụ Kọrẹntị, ọ nọ sị ndị kwerini Jesu rị ebẹhụ nọdị ọhụnma, ọ nọ banye ụgbọ-mirin, shi alị Siria. Ịya lẹ Prisilia lẹ Akwila wị. E ru wẹ obodo Sẹnkrẹ, ọ nọ kọ ntutu makẹni o nwọn nkwa o kwe.

Ọrụn Ndị-ozi 21:16

O nwọn ndị rị e sọn Ụzọ-Jesu gha Sizaria sọnmẹ ẹnyi, we ẹnyi shi ebe ẹnyi jẹnkọ d'a nọdị, iwe Mnasịnị onyẹ Saịprọsụ, onyẹ ohu imẹ ndị ibuzọ kwerini.

Ọrụn Ndị-ozi 21:2

Ẹnyi a hụn ụgbọ-mirin jẹnkọ Finishịa, ẹnyi nọ banye, jẹnmẹ.

Ọrụn Ndị-ozi 21:7

Ẹnyi nọ gha Taya bulizi, pụha Tọlemaịsị; ẹnyi nọ kele umunẹ ẹnyi imẹ Kraịstị rị ebẹhụ, sọn wẹ nọdị akpọhịn ohu.

Ọrụn Ndị-ozi 27:4

Ẹnyi nọ gha ebẹhụ buli, ghasọnmẹ mkpẹnrẹn alị Saịprọsụ makẹni ufere ẹnyi kunrun rị e bukin ẹnyi azụụn, ọ nịnị ẹnyi gbasọnmẹ ahanmahan ohimin.

Ọrụn Ndị-ozi 4:36

Josẹfụ hụn ndị-ozi ahụn pụ-ichẹn tu “Banabasị” (hụn wụ, “Onyẹ nkasị-obi”) e mẹghọ ẹrịra. Josẹfụ wụ onyẹ ebọn Livaị alị Izrẹlụ, kanị alị Saịprọsụ kẹ wẹ nọ mụ a.

Ndị Han Eṅẹn 10:6

Omẹgụ, ndị Izrẹlụ nọzị mẹ eje-ihiẹn ẹnya Osolobuẹ, femẹ mmọn Baalụ lẹ mmọn Ash'ta lẹ mmọn-lẹ-iyi ndị Aram, ndị Sidọnụ, ndị Mụabụ, ndị Amọnụ lẹ ndị Filistia. Makẹni wẹ gbakitọ Osolobuẹ azụụn, efezini wẹ ẹ,