Ọrụn Ndị-ozi 21:2 - Ika

² Ẹnyi a hụn ụgbọ-mirin jẹnkọ Finishịa, ẹnyi nọ banye, jẹnmẹ.

Ọrụn Ndị-ozi 21:2 ပူးပေါင်းရင်းမြစ်များ

Jona 1:3

Kanị Jona nọ buli n'ọ gbashi alị Tashishi, gbapụnị Osolobuẹ. O shi Jọpa, nọ ebẹhụ chọrị ụgbọ mirin jẹnkọ alị Tashishi. Ọ kụ ụgwọ, banye, n'o sọn wẹ shi alị Tashishi, pụnị Osolobuẹ.

Ọrụn Ndị-ozi 11:19

Ndị ụka hụn gbayịya makẹ ukpokpo oku Stivini buhẹni ụka gbarukwọrị Finishịa, Saịprọsụ lẹ Antịọkụ, zikọ oziọma; kanị ndị Ju sụọ kẹ imẹrinmẹ wẹ zi oziọma.

Ọrụn Ndị-ozi 15:3

Ndị ụka e zipụ wẹ, wẹ nọ buli, kụyesọnmẹ alị Finishịa lẹ alị Sameria, a gwa wẹ kẹ ndị alị ndị ọzọ rị ichẹn-ichẹn wụlẹni ndị Ju dọn rị e hutọ e sọnmẹ Jesu; ozi wẹ hụ e mẹ ndị kwerini a ghọghọ ọda-ọda.

Ọrụn Ndị-ozi 21:3

Ẹnyi e ru ebe ẹnyi nọ leghama alị Saịprọsụ, ẹnyi nọ nu ẹ ye azụụn ẹka-ekpẹn, nyanshi Ẹgbẹrẹ Siria; ẹnyi e ru ẹ, ẹnyi nọ kụsị imẹ alị Taya, makẹni ebẹhụ kẹ ụgbọ ahụn jẹnkọ d'a nọ butu ibu.

Ọrụn Ndị-ozi 27:6

Ebẹhụ kẹ onyẹ-isi ndị agha hụ nọ hụn ụgbọ-mirin gha Alẹzandrịa jẹnkọ Itali, ya ọ nọ bu ẹnyi ile che imẹ ẹ.