Ọrụn Ndị-ozi 20:7 - Ika

⁷ O ru ụhụọhịn ibuzọ imẹ izuka (hụn wụ nwan Sọnde), ogẹn ẹnyi gi nọgbama nị ẹnyi ri Oriri-nsọ, Pọlụ nọ gwama wẹ oku; ebe o mẹ ni eki fọnhụ, ọ lama, ọ nọ kusọnmẹ oku hụ d'e ru imẹ abalị.

Ọrụn Ndị-ozi 20:7 ပူးပေါင်းရင်းမြစ်များ

Nehemiah 8:3

Ọ gụnshi ẹ elu hụn w'a nụ, gha ụzụtụntụn d'e ru ogẹn anwụn gi ru isi. O bu ihun zinmẹ igunrun hụ rị ebe ndị alị nọ e zu, ihun Ọnụ-mgbọn Mirin — idẹnya ikẹnnyẹ lẹ ikpoho lẹ ndị hụ ile a saẹka a ghọta. Ndị hụ ile gọnchanrịn ntịn Ẹkụkwọ-Iwu hụ wẹ rị a gụnnị wẹ.

Nehemiah 9:3

Ebẹhụ wẹ wuzokwọ, a gha wẹ imẹ Ẹkụkwọ Iwu Osolobuẹ wụ Chuku wẹ gụnpụhanị wẹ Iwu ndị ahụn. Wẹ kebe ụhụọhịn ụzọ ẹnọ, gi ụzọ ohu gụn Ẹkụkwọ Iwu hụ, gizi ụzọ ohu kupụhasọnmẹ njọ wẹ, e fe Osolobuẹ wụ Chuku wẹ ofufe.

Makị 16:9

[Ụtụntụn ụhụọhịn ibuzọ imẹ izuka, ogẹn Jesu gi ghagụ ọnwụn lihi, Meri onyẹ Magidala k'o buzọ nwọnpụha n'ọ hụn a, Meri hụn ọ chụpụ eje-mmọn ẹsa imẹ ẹ.

Luku 22:19

Ya ọ nọ weri ogbe brẹdi, ọ kpanmịn Osolobuẹ, bebe ẹ, we ẹ ye wẹ, sị, “Ọnwan wụ ẹhụ m, hụn wẹ rị e gi ufiri ụnụ e ye. E mẹ ni ihiẹnni e gi a nyanhan m.”

Luku 24:35

Wẹ ẹbụbụọ nọ nwan gwa wẹ ihiẹn mẹ ụzọ lẹ kẹ wẹ dọn ghọha nị ya rọ ogẹn o gi bebe brẹdi.

Jọnụ 20:1

Ụzụtụntụn biribiri ụhụọhịn ibuzọ imẹ izuka, Meri onyẹ Magidala nọ jẹn ili hụ. Ya k'ọ nọ hụn nị e nupụgụọ wẹ ọmụma wẹ te gi nukin ọnụ ili hụ.

Jọnụ 20:19

Ẹnyasị ụhụọhịn ahụn wụ ụhụọhịn ibuzọ imẹ izuka, ndị nsọnmazụụn Jesu gi egun ndị-ndu ndị Ju kpọkin enwẹn wẹ ye mmụlọ wẹ rị. Ya Jesu nọ nwọnpụha idẹnmizi, turu imẹ igunrun wẹ, sị, “Udọn ya rịnị ụnụ!”

Jọnụ 20:26

Hụn mẹ ẹ izuka, ebe ndị nsọnmazụụn Jesu rịzị imẹ ụlọ wẹ lẹ Tamọsị; ụzọ kpọkin akpọkin kanị Jesu nọzị nwọnpụha, turu imẹ igunrun wẹ, sị, “Udọn ya rịnị ụnụ.”

Ọrụn Ndị-ozi 16:10

Ọ hụngụ ọhụn hụ, ẹnyi nọ kwademẹ ozigbo-ozigbo nị ẹnyi shi Masẹdonia, makẹni ẹnyi gi ẹ dọn nị Osolobuẹ sị ẹnyi d'e zi ndị rị ebẹhụ oziọma.

Ọrụn Ndị-ozi 2:42

Ndịnị ile nọ bu enwẹn wẹ che nkuzi ndị-ozi hụ pụ-ichẹn, izu iko ofufe, iri Oriri-nsọ lẹ imẹ-ekpere.

Ọrụn Ndị-ozi 2:46

Wẹ hụ e gi obi ohu e zu imẹ Ụlọ-nsọ ụhụọhịn-ụhụọhịn; e ri Oriri-nsọ ụlọ-ụlọ; e gi ịghọghọ lẹ ịshịapụ-ẹfọ e rigbama ihiẹn-oriri iwe wẹ,

Ọrụn Ndị-ozi 20:11

Ya Pọlụ nọ shizi ibe-elu hụ ẹnyi nọ e zu. O bebegụ brẹdi Oriri-nsọ yegụ ẹnyi ri, ọ nọ gwabiezi wẹ oku eki e we fọn; ya kẹ ọ nọ jẹnmẹ.

Ọrụn Ndị-ozi 20:31

We ni nwan ẹnya ru alị; nyanhan nị nị ezuni m ikẹn ọrọgbọ ahụa ẹtọ, kẹ uhinhin kẹ efinnaị, ebe m rị e gi ẹnya-mirin a dọ onyẹ ọwụlẹ ẹka-ntịn.

Ọrụn Ndị-ozi 20:5

Wẹ nọ bu ụzọ jẹnmẹ Trasị d'e cheri ẹnyi lẹ Pọlụ.

Ọrụn Ndị-ozi 20:9

Okorọbịa ohu ẹfan a wụ Yutikọsụ nọdị alị elu windo. Ogẹn Pọlụ gi kube oku, ezigbo ụran nọ tụma Yutikọsụ; ọ tụbe ẹ, ọ nọ buru ẹ. Ọ nọ gha windo ụlọ hụ mẹ wẹ agba ẹtọ dan; a bịa wẹ d'e weli ẹ, wẹ nọ hụn n'ọ nwụnhụngụọ.

Ọrụn Ndị-ozi 28:23

Ya wẹ nọ kaye ụhụọhịn. O ru ụhụọhịn hụ, e ruhẹ wẹ ebẹhụ ọ rị. Gha ụtụntụn d'e ru ẹnyasị ọ hụ a gwa wẹ oku Alị-eze Osolobuẹ, a kọwa, e gi Iwu Mozizi lẹ ihiẹn ndị-amụma ku a lịlịma n'o mẹ wẹ kwerini Jesu.

Ndị Kọrẹntị Ibuzọ 10:16

Mkpu ohu ahụn ẹnyi e ye Osolobuẹ ekele a rarịsọnmẹ, ẹlẹ mmẹkọ kẹ ẹnyi ile lẹ ẹdeke Kraịstị gi ẹ e mẹkọ? Brẹdi ahụn ẹnyi e ye Osolobuẹ ekele e keri, ẹlẹ mmẹkọ kẹ ẹnyi ile lẹ ẹhụ Kraịstị gi ẹ e mẹkọ?

Ndị Kọrẹntị Ibuzọ 15:10

Kanị, m wụ nwan ihiẹn m wụ ghahanị ẹfọma Osolobuẹ; bụ ẹfọma hụ o mẹni m alanị nwan iwi. Kaka! Mmẹ rụnkarịdẹ wẹ ile. Kanị, ẹlẹ mmẹ rụn a, ẹka Osolobuẹ hụn rị imẹ ndụn m rụn a.

Ndị Kọrẹntị Ibuzọ 16:2

ụhụọhịn ibuzọ imẹ izuka, onyẹ-onyẹ imẹ ụnụ y'a gha ihiẹn Osolobuẹ ye ẹ e wepụha, e dọnmẹ — amamgbe m'a bịa ụnụ a tụma ihiẹn.

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.

Rẹvẹleshọnụ 1:10

O ru ụhụọhịn ohu, Ụhụọhịn Di-nwọnni-ẹnyi, ebe m rị imẹ-mmọn, m nọ nụ okẹn olu nọ kẹ opi azụụn m.