Ọrụn Ndị-ozi 20:3 - Ika

³ ọ nọ nọdị Grisi ebẹhụ ifọn ẹtọ. Ogẹn o gi nwan chọ n'o gi ụgbọ-mirin lakin Ẹgbẹrẹ Siria, ọ nọ marịn nị ndị Ju zun'ẹ eje-umẹ, ọ nọ gwarị sị n'ọ ghashi Masẹdonia lakin Siria.

Ọrụn Ndị-ozi 20:3 ပူးပေါင်းရင်းမြစ်များ

Ẹzra 8:31

Nke akpọhịn mmẹbụọ imẹ ifọn ibuzọ, ẹnyi nọ gha Ote-mirin Ahava hụ buli, jẹnmẹ Jerusalẹm. Chuku ẹnyi nọyeni ẹnyi anọyeni, o chemẹ ẹnyi, onwọnni ihiẹn ndị-iṅẹnrẹn mọbụ ndị ohin mẹ ẹnyi ụzọ.

Itẹn 1:11

Wẹ sị ị, “Sọnmẹ ẹnyi; nị ẹnyi d'a warị che onyẹ ẹnyi k'e gbu, nị ẹnyi d'e che wẹ gbu — ọsụọn'a nị onwọnni ihiẹn wẹ mẹ;

Jerimaya 5:26

Ndị eje-ịhịan hụ imẹ ndị nke m, ndị a warị e che ịhịan nọkẹ onyẹ a kpọtọnị nnụnụ ọnyan; wẹ hụ a kpọtọ ọnyan a nwụn ịhịan.

Matiu 4:24

Ya kẹ otiti ẹ nọ kpọgbarị alị Siria ile; wẹ hụ e wẹhẹn'ẹ ndị ile emu rị a kụ, ndị bu ọrịa ichẹn-ichẹn lẹ ndị ihiẹn rị a tụrụ, ndị eje-mmọn rị e ye nsọngbu, ndị ibobo (odudu) lẹ ndị ọrọ, ọ nọ zụọ wẹ.

Ọrụn Ndị-ozi 16:12

Ẹnyi nọ gha ebẹhụ shi Filipi, obodo rị mkpa imẹ Ẹgbẹrẹ Masẹdonia. Ndị Rom kẹti-kẹti bi obodo Filipi. Ẹnyi nọdị ebẹhụ akpọhịn ole-lẹ-ole.

Ọrụn Ndị-ozi 16:9

Uhinhin hụ, Pọlụ nọ hụn ọhụn, hụn kẹ okẹnnyẹ ohu wụ onyẹ Masẹdonia turu, a rịọ a, “Dodo, bịa Masẹdonia d'e yeni ẹnyi ẹka!”

Ọrụn Ndị-ozi 18:18

Ogẹn Pọlụ gi nọbiegụ Kọrẹntị, ọ nọ sị ndị kwerini Jesu rị ebẹhụ nọdị ọhụnma, ọ nọ banye ụgbọ-mirin, shi alị Siria. Ịya lẹ Prisilia lẹ Akwila wị. E ru wẹ obodo Sẹnkrẹ, ọ nọ kọ ntutu makẹni o nwọn nkwa o kwe.

Ọrụn Ndị-ozi 19:21

Ogẹn ihiẹn ndịnị gi mẹgụ, Pọlụ nọ kwademẹ obi ẹ ghahanị Mmọn-nsọ n'o k'e ru Masẹdonia lẹ Akaya rị ụzọ o jẹnkọnị Jerusalẹm. Ọ nọzị sị, “M jẹngụ Jerusalẹm, m k'e ruzirịrị Rom.”

Ọrụn Ndị-ozi 20:1

Ogẹn isusu hụ gi kụsịgụ, Pọlụ nọ kpọkikomẹ ndị e sọn Ụzọ-Jesu; ọ gbagụ wẹ umẹ, sịgụ wẹ nọdị ọhụnma, ọ nọ shi Masẹdonia.

Ọrụn Ndị-ozi 20:19

kẹ m dọn welụachanrịn enwẹn m alị, gi ẹnya-mirin fe Di-nwọnni-ẹnyi, e dingbuchanrịn nsọngbu ile bịanịnị m yeni eje-umẹ ndị Ju zuni m;

Ọrụn Ndị-ozi 20:2

Ọ ghagbarịgụ ẹgbẹrẹ hụ ile, kugụ ihiẹn bu ọda gi gba ndị kwerini Jesu azụụn hụ umẹ, ọ nọ shi alị Grisi;

Ọrụn Ndị-ozi 21:3

Ẹnyi e ru ebe ẹnyi nọ leghama alị Saịprọsụ, ẹnyi nọ nu ẹ ye azụụn ẹka-ekpẹn, nyanshi Ẹgbẹrẹ Siria; ẹnyi e ru ẹ, ẹnyi nọ kụsị imẹ alị Taya, makẹni ebẹhụ kẹ ụgbọ ahụn jẹnkọ d'a nọ butu ibu.

Ọrụn Ndị-ozi 25:3

n'o mẹ ọhụnma zihẹni wẹ Pọlụ Jerusalẹm. E zugụọ wẹ eje-umẹ wẹ e gi gbu Pọlụ ụzọ ọ lalanị.

Ndị Kọrẹntị Nke Ẹbụọ 1:15

Ọhụn we m ẹnya haịn m te gi sị m k'a bịagụzị d'a hụn ụnụ, kẹni ọ wụrụnị ụnụ ngọzi nke mgbe ẹbụọ.

Ndị Kọrẹntị Nke Ẹbụọ 11:26

Ogẹn ile kẹ m gi a rị ụzọ-ijẹn; amarịn m ihiẹn k'e kunrun m elu iyi, ama m ebe m k'e ru kunrun ndị ohin; ndị alị m hụ a chọ isi m, ndị alị ọzọ hụzị a chọ isi m; nsọngbu a kpọsọnmẹ m ihun imẹ obodo lẹ imẹ atụ lẹ elu ohimin; nsọngbu ndị kpọ enwẹn wẹ ndị kwerini.

Ndị Kọrẹntị Nke Ẹbụọ 7:5

Makẹni, kẹ ogẹn ẹnyi gi rudẹ Masẹdonia, ẹnyi ezuni ikẹn kaka; wẹ kpokpo ẹnyi azụụn ile: oku-lẹ-ụka fihunmẹ ẹnyi, egun e jun ẹnyi obi.

Ndị Galeshịa 1:21

Omẹgụ, m nọ jẹn Ẹgbẹrẹ Siria lẹ Silisia.