Ọrụn Ndị-ozi 2:43 - Ika

⁴³ Onyẹ-onyẹ hụ e gi egun Osolobuẹ e bi, Osolobuẹ hụ e gi ndị-ozi hụ pụ-ichẹn a rụn ọrụn-atụmẹnya lẹ ihiẹn-nghọsị bu ọda.

Ọrụn Ndị-ozi 2:43 ပူးပေါင်းရင်းမြစ်များ

Ẹsta 8:17

Imẹ Ẹgbẹrẹ ọwụlẹ lẹ obodo ọwụlẹ, ebe ọwụlẹ iwu eze ru, ndị Ju rịn'a hụ a ghọghọ, ẹfọ hụ a sụọ wẹ ụsụọ, wẹ hụ e ri oriri, e mẹ mmẹmmẹ. Ndị bu ọda wụ ndị alị ọzọ nọ họnrin ndị Ju, makẹni egun ndị Ju rị a tụ wẹ.

Jerimaya 33:9

M k'e gi obodoni nwọnrinzi ẹfan, ịghọghọ, ịja-mma lẹ ọghọ ẹnya ndị alị ile rị elu ụwa — ndị ile hụn k'a nụ ihiẹn-ọma ile m k'e mẹni obodoni. Egun k'a tụ ndị alị ile rị elu ụwa wẹ hụn ihiẹn-ọma m k'e mẹni ndị alịnị.’ ”

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Makị 16:17

Ahịma ndịnị k'e sọn ndị kwerini: wẹ k'e gi ẹfan m chụpụ eje-mmọn; wẹ k'a sụ asụsụ ndị ọzọ;

Luku 7:16

Egun nọ tụ wẹ ile; wẹ nọ ja Osolobuẹ mma, sị, “Okẹn onyẹ-amụma a pụhagụọ imẹ ẹnyi! Osolobuẹ a bịagụọ d'e mẹni ndị nke ẹ ọhụnma!”

Luku 8:37

Ya ndị Gadara lẹ ẹgbẹrẹ ahụn ile nọ sị Jizọsị ya pụnị wẹ, makẹni egun rị a tụ wẹ ọda-ọda. Ya Jizọsị nọ banyezi ụgbọ mirin hụ, kin azụụn.

Jọnụ 14:12

Ezioku kẹ m rị a gwa ụnụ, onyẹ kwerinini m sikọ d'a rụn ọrụn ndị m rị a rụn. O jẹnkọ d'a rụnkarịdẹ ndịnị m rị a rụn, makẹlẹ m laburukọ Chuku-Nẹdi.

Ọrụn Ndị-ozi 2:22

“Ndị Izrẹlụ, gọn ni ntịn ihiẹn m rị e ku! Jizọsị onyẹ Nazarẹtị wụ okẹnnyẹ hụn Osolobuẹ ghọsịchanrịn ụnụ ọhụnma-ọhụnma nị ya zihẹ ẹ — ghahanị ọrụn-atụmẹnya lẹ ahụnlele lẹ ihiẹn-nghọsị bu ọda o gi ẹ rụn imẹ igunrun ụnụ, hụn ụnụ marịn.

Ọrụn Ndị-ozi 4:33

Ndị-ozi hụ pụ-ichẹn hụ a rụn okẹn ihiẹn wẹ gi a ghọsịchanrịn nị Di-nwọnni-ẹnyi wụ Jesu a ghagụọ ọnwụn lihi nke-esi; Osolobuẹ hụ e yeni wẹ ẹka ọhụnma-ọhụnma.

Ọrụn Ndị-ozi 5:5

Ananayasị a nụ hụ ihiẹnni, ọ nọ dan alị, nwụnhụn. Okẹn egun tụ ndị ile nụn'a.

Ọrụn Ndị-ozi 9:34

Pita nọ sị a, “Ẹnasị, Jesu Kristi a zụọgụọ ị; lihi, heri ute i!” Ya ọ nọ lihi ọtọ ozigbo!

Ọrụn Ndị-ozi 9:40

Pita nọ sị wẹ ile pụ; ọ nọ gbu osekpu, mẹ ekpere. Ya ọ nọ gbehutọ, bu ihun zimẹ ozun hụ, sị, “Tabita, lihi.” Ya Tabita nọ shịapụ ẹnya; ọ hụn Pita, ọ nọ nọdị alị.