Ọrụn Ndị-ozi 2:42 - Ika

⁴² Ndịnị ile nọ bu enwẹn wẹ che nkuzi ndị-ozi hụ pụ-ichẹn, izu iko ofufe, iri Oriri-nsọ lẹ imẹ-ekpere.

Ọrụn Ndị-ozi 2:42 ပူးပေါင်းရင်းမြစ်များ

Luku 24:30

Ogẹn ya lẹ wẹ gi nọdị alị nị wẹ ri ihiẹn-oriri, ọ nọ weri brẹdi ahụn wẹ jẹnkọ d'e ri, kpanmịn Osolobuẹ; ọ nọ bebe ẹ, we ẹ ye wẹ.

Luku 24:35

Wẹ ẹbụbụọ nọ nwan gwa wẹ ihiẹn mẹ ụzọ lẹ kẹ wẹ dọn ghọha nị ya rọ ogẹn o gi bebe brẹdi.

Ọrụn Ndị-ozi 1:14

Ndịnị ile gi obi ohu e bu enwẹn wẹ e che imẹ ekpere, uwẹ lẹ ikpoho ndị ọzọ lẹ Meri nnẹ Jizọsị lẹzi umunẹ Jizọs ikẹnnyẹ.

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ọrụn Ndị-ozi 2:46

Wẹ hụ e gi obi ohu e zu imẹ Ụlọ-nsọ ụhụọhịn-ụhụọhịn; e ri Oriri-nsọ ụlọ-ụlọ; e gi ịghọghọ lẹ ịshịapụ-ẹfọ e rigbama ihiẹn-oriri iwe wẹ,

Ọrụn Ndị-ozi 20:11

Ya Pọlụ nọ shizi ibe-elu hụ ẹnyi nọ e zu. O bebegụ brẹdi Oriri-nsọ yegụ ẹnyi ri, ọ nọ gwabiezi wẹ oku eki e we fọn; ya kẹ ọ nọ jẹnmẹ.

Ọrụn Ndị-ozi 20:7

O ru ụhụọhịn ibuzọ imẹ izuka (hụn wụ nwan Sọnde), ogẹn ẹnyi gi nọgbama nị ẹnyi ri Oriri-nsọ, Pọlụ nọ gwama wẹ oku; ebe o mẹ ni eki fọnhụ, ọ lama, ọ nọ kusọnmẹ oku hụ d'e ru imẹ abalị.

Ọrụn Ndị-ozi 4:23

Ogẹn wẹ gi hatugụ wẹ, wẹ nọ laburu ndị itu-Kraịstị ibe wẹ. Wẹ nọ gwa wẹ ihiẹn ile ndị-isi nchụn-ẹjan lẹ ndị-isi gwa wẹ.

Ọrụn Ndị-ozi 4:31

E mẹgụ wẹ ekpereni, ebẹhụ wẹ nọ zu nọ mẹhunmẹ, Mmọn-nsọ nọ jun wẹ ile, wẹ hụ e kushi oku Osolobuẹ ikẹn.

Ọrụn Ndị-ozi 6:4

ẹnyi nwẹn jẹnkọ d'e bu enwẹn ẹnyi che ekpere lẹ iku oku-Chuku.”

Ndị Rom 12:12

A ghọghọ nị makẹ olilẹnya ụnụ nwọn; e nwọn ni ndidin imẹ nsọngbu ụnụ; e mẹ ni ekpere ogẹn ile.

Ndị Kọrẹntị Ibuzọ 10:21

Ụnụ asakọ ẹka rị a rarị ihiẹn rị mkpu Di-nwọnni-ẹnyi, a rarịzị nke eje-mmọn; ụnụ asakọ ẹka rị e ri ihiẹn-oriri teburu Di-nwọnni-ẹnyi, e rizi nke eje-mmọn.

Ndị Kọrẹntị Ibuzọ 11:2

M rị a ja ụnụ mma ụnụ gi a nyanhan m imẹ ihiẹn ile, e kwọnkẹnmẹ omẹnalị ụka kẹ m dọn kuzi ụnụ ya.

Ndị Kọrẹntị Ibuzọ 14:6

Umunẹ m, lee n'ẹ nwan: m bịa ebe ụnụ rị, nị a sụma m asụsụ ọzọ, nanị o dọn bannị ụnụ erere? Mmanị m gwapụ ụnụ ihiẹn Osolobuẹ ghọsị m mọbụ ihiẹn ụnụ marịnlẹni mọbụ zi ụnụ ozi Osolobuẹ zi mọbụ kuzi ụnụ ihiẹn?

Ndị Galeshịa 1:6

Ọ tụka m ẹnya nị o ke mẹ emẹ ụnụ a latọma onyẹ ahụn gi ufiri ẹfọma Kraịstị kpọ ụnụ, nabanhanma “oziọma ọzọ;”

Ndị Ẹfẹsọsụ 2:20

Osolobuẹ a tụngụọ ụnụ nọkẹ ụlọ ye elu iyetọ ahụn wụ ndị-ozi pụ-ichẹn lẹ ndị-amụma. Ọmụma gi ụlọ ahụn wụ Jesu Kristi lẹ enwẹn ẹ.

Ndị Ẹfẹsọsụ 6:18

E gi ni ekpere lẹ ịrịọ-Osolobuẹ e sọn ihiẹn ile, e mẹ ekpere ogẹn ile kẹ Mmọn-nsọ dọn chọ; mụnrụn nị ẹnya ebe ekpere rị, anịlẹ ni ndụn gụ ụnụ; e mẹni ni ndị nke Osolobuẹ ile ekpere.

Ndị Filipi 1:5

makẹni ụnụ hụ e yeni m ẹka imẹ ọrụn oziọma ghakwọrị ụhụọhịn ibuzọ hụ ụnụ nụ oziọma d'e rukwọ nwan ogẹnni.

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Ndị Kolosị 4:2

E mẹ ni ekpere ogẹn ile, e we ẹnya e ru alị e mẹ ẹ, a kpanmịn Osolobuẹ ụnụ gha e mẹ ekpere.

Timoti Nke Ẹbụọ 3:14

Kanị ịyụ nwẹn, mẹsọnmẹ ihiẹn hụn ị mụ, hụn i kweri ọhụnma-ọhụnma, makẹni y'a marịnghọ onyẹ ị mụnarịn a;

Hibru 10:25

Ẹlẹ hụn ẹnyi e gi e sọnbehi ibe ẹnyi e zu kẹ ụfọdụ dọn e mẹ. Kama, nị ẹnyi a kasị ibe ẹnyi obi, tụmadụ hụnnị ẹnyi rị a hụn kẹ ụhụọhịn Di-nwọnni-ẹnyi rị a rịwaye nsue.

Hibru 10:39

Kanị, ẹnyi arị ndị e seri isi wẹ, gi ẹrịra tuhu, kanị ndị e kwerisọnmẹni d'e ru ni e nwọnhẹn wẹ nzụọpụha.

Jọnụ Ibuzọ 1:3

Ẹnyi rị nwan a gwa ụnụ ihiẹn ẹnyi hụn lẹ ihiẹn ẹnyi nụ, kẹni ụnụ hụn ụzọ bannị ẹnyi — makẹni Nẹdi ẹnyi lẹ Nwa a wụ Jesu Kristi kẹ ẹnyi lẹ wẹ rị.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Jọnụ Ibuzọ 2:19

Ezioku rọ nị imẹ igunrun ẹnyi kẹ ndịnị gha pụ, kanị, ẹlẹ wẹ ndị nke ẹnyi. Makẹni, omẹni wẹ wụ ndị nke ẹnyi, nkẹ e sọn wẹ ẹnyi nọdị. Kanị, ọpụpụ wẹ pụ imẹ igunrun ẹnyi k'o gi wechanrịn ẹnya nị ẹlẹ wẹ ndị nke ẹnyi.

Judu 1:20

Nke ụnụ ezi umunẹ m, e sue ni imẹ Okukwe ahụn rịchanrịn nsọ ụnụ rị e sọn; e mẹ ni ekpere kẹ Mmọn-nsọ dọn chọ.