Ọrụn Ndị-ozi 2:40 - Ika

⁴⁰ Pita a gwazịghọ wẹ ihiẹn bu ọda, gi ẹ dọ wẹ ẹka-ntịn, a sị wẹ, “Zụọpụha nị enwẹn ụnụ imẹ agbọnị zinlẹni!”

Ọrụn Ndị-ozi 2:40 ပူးပေါင်းရင်းမြစ်များ

Itẹn 9:6

Hapụ nị nzuzu ụnụ kẹni ọnụ rị ndụn; ghama nị ụzọ nghọta.

Jerimaya 51:45

“Ndị nke m, gha nị imẹ ẹ pụha! Onyẹ ọwụlẹ zụọrịkwọ isi ẹ! Gbapụkwọ nị makẹ okẹn olulu Osolobuẹ,

Matiu 12:34

Igunrun agwọ! Nanị ụnụ a dọn ku ihiẹn rị mma ebe ụnụ wụ ndị-njọ? Ihiẹn jun ịhịan obi ya kẹ ọnụ a e ku.

Matiu 16:4

Eje-agbọ ẹnya rịlẹni ụzọ ohu rị a chọ ahịma. Kanị, onwọnni ahịma wẹ jẹnkọ d'a ghọsị wẹ wezụka ihiẹn mẹ Jona onyẹ-amụma.” Ọ nọ la wẹ tọ, gha ebẹhụ pụ.

Matiu 17:17

Jesu nọ sị, “Heuu, agbọ nwọnlẹni okukwe! Agbọ zinlẹni! Nanị mmẹ lẹ ụnụ k'a nọhan? Nanị m'e dihannị ụnụ?! Wẹhẹ ni ni m'ẹ.”

Matiu 23:33

Agwọ kẹ ụnụ wụ! Igunrun ẹjụ-alị! Nanị ụnụ e dọn wanahịn afụnfụn ọkụn-mmọn?

Makị 8:38

Onyẹ mẹ ifẹnrẹn mmẹ lẹ oku m imẹ eje-agbọnị ẹnya rịlẹni ụzọ ohu, mmẹ wụ Nwa nke Ịhịan sikọ d'e mẹ ifẹnrẹn ẹ ogẹn m k'e gi gi ọghọ Nẹdi m bịa, mmẹ lẹ ndị mmọn-ozi rị nsọ.”

Luku 16:28

makẹni m nwọn umunẹ ikẹnnyẹ isẹn. Ya jẹn d'a gwashi wẹ oku ikẹn makẹ wẹ gha a bịa ebeni afụnfụn rị.’

Luku 21:36

We ni nwan ẹnya ru alị ogẹn ile; e mẹ ni ekpere nị Osolobuẹ mẹ ụnụ saẹka wanahịn ihiẹn ndịnị ile jẹnkọ d'e mẹni, lẹni ụnụ sazịkwọ ẹka turu ihun Nwa nke Ịhịan.”

Jọnụ 21:25

O nwọnzighọ ihiẹn bu ọda Jesu mẹ. Omẹni wẹ dechanrịn wẹ ile ohu-ohu, e roghọ m'a nị ụwa ile erugụkọ ẹkụkwọ wẹ sikọ d'e gi de wẹ.

Ọrụn Ndị-ozi 10:42

Ọ nọzị sị ẹnyi hụnkwọ a nị ẹnyi zi ịhịan ile ozini, gwa wẹ nị ịya wụ Onyẹ hụn Osolobuẹ tumẹ hụn jẹnkọ d'e kin ndị rị ndụn lẹ ndị nwụnhụnnị ikpe.

Ọrụn Ndị-ozi 15:32

Judasị lẹ Saịlasị wụzị ndị-amụma; ya wẹ nọ kuzi ihiẹn bu ọda gi kasị ndị kwerini obi, mẹ wẹ kwerikẹnmẹ.

Ọrụn Ndị-ozi 20:11

Ya Pọlụ nọ shizi ibe-elu hụ ẹnyi nọ e zu. O bebegụ brẹdi Oriri-nsọ yegụ ẹnyi ri, ọ nọ gwabiezi wẹ oku eki e we fọn; ya kẹ ọ nọ jẹnmẹ.

Ọrụn Ndị-ozi 20:2

Ọ ghagbarịgụ ẹgbẹrẹ hụ ile, kugụ ihiẹn bu ọda gi gba ndị kwerini Jesu azụụn hụ umẹ, ọ nọ shi alị Grisi;

Ọrụn Ndị-ozi 20:21

a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 20:9

Okorọbịa ohu ẹfan a wụ Yutikọsụ nọdị alị elu windo. Ogẹn Pọlụ gi kube oku, ezigbo ụran nọ tụma Yutikọsụ; ọ tụbe ẹ, ọ nọ buru ẹ. Ọ nọ gha windo ụlọ hụ mẹ wẹ agba ẹtọ dan; a bịa wẹ d'e weli ẹ, wẹ nọ hụn n'ọ nwụnhụngụọ.

Ọrụn Ndị-ozi 28:23

Ya wẹ nọ kaye ụhụọhịn. O ru ụhụọhịn hụ, e ruhẹ wẹ ebẹhụ ọ rị. Gha ụtụntụn d'e ru ẹnyasị ọ hụ a gwa wẹ oku Alị-eze Osolobuẹ, a kọwa, e gi Iwu Mozizi lẹ ihiẹn ndị-amụma ku a lịlịma n'o mẹ wẹ kwerini Jesu.

Ọrụn Ndị-ozi 4:36

Josẹfụ hụn ndị-ozi ahụn pụ-ichẹn tu “Banabasị” (hụn wụ, “Onyẹ nkasị-obi”) e mẹghọ ẹrịra. Josẹfụ wụ onyẹ ebọn Livaị alị Izrẹlụ, kanị alị Saịprọsụ kẹ wẹ nọ mụ a.

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Kọrẹntị Nke Ẹbụọ 6:17

Di-nwọnni-ẹnyi sị, “Gha nị nwan imẹ igunrun wẹ pụha, ụnụ a rị ichẹn; emẹtụkwọlẹ ni ihiẹn rụnị ẹka: ogẹn ahụn kẹ m'e gi nabanhan ụnụ;

Ndị Galeshịa 5:3

M rị a gwazị okẹnnyẹ ọwụlẹ hụn k'a nị wẹ kwa a ugun ya kwademẹkwọ n'o dọnmẹchanrịn Iwu ile.

Ndị Ẹfẹsọsụ 4:17

M rị nwan e gi ẹfan Di-nwọnni-ẹnyi a gba ụnụ mkpịnsịn ẹka, a gbashi ụnụ ya ikẹn: ebizilẹ ni kẹ ndị ghalẹni e fe Osolobuẹ, ndị iroro wẹ nwọnlẹni isi.

Ditrọnọmi 32:5

Kanị, ndị nke ẹ e mẹgụọ a arụ, ifẹnrẹn ya mẹgbu wẹ makẹni ẹlẹ wẹ ezigbo ụmụ a; agbọ rụnị, zinlẹni kẹ wẹ wụ.

Ndị Filipi 2:15

kẹni ụnụ wụrụ ndị nwọnlẹni nkọrịanị, ndị ẹka wẹ rị ọchan; ụmụ Osolobuẹ obibi wẹ nwọnlẹni ntụpọ hụn bi imẹ eje-agbọ zinrinlẹni, e nwun, e ke, imẹ ụwanị kẹ kokisẹ.

Ndị Tẹsalonika Ibuzọ 2:11

Ụnụ a marịnghọ nị ẹnyi gi ẹka nẹdi gi e sọn ụmụ a sọn onyẹ-onyẹ imẹ ụnụ:

Timoti Ibuzọ 4:16

E leban enwẹn i lẹ nkuzi i ẹnya — mẹsọnmẹ ẹ, makẹni ịya kẹ y'e gi zụọpụha kẹ enwẹn i kẹ ndị rị e gọn i ntịn.

Pita Ibuzọ 5:12

Sivanọsụ yeni m ẹka de ẹkụkwọ-ozini mẹ ẹkẹrẹ; nwẹnẹ ẹnyi hụn m weri n'o furu wẹ gi e dọn ẹnya k'ọ wụ. M de ẹkụkwọ-ozini kẹni m gi ẹ gba ụnụ umẹ, gizi ẹ ku nị ụzọ-Kraịstị wụ ezigbo ẹfọma ahụn Osolobuẹ mẹni ịhịan; turukẹnmẹ ni nwan imẹ ẹ.