Ọrụn Ndị-ozi 2:20 - Ika

²⁰ Ẹnyanwụn jẹnkọ d'a gba ishi, ifọn e nwunmẹ ẹdeke-ẹdeke, Ụhụọhịn Di-nwọnni-ẹnyi kebe ru, okẹn ụhụọhịn ahụn pụ ichẹn.

Ọrụn Ndị-ozi 2:20 ပူးပေါင်းရင်းမြစ်များ

Azaya 13:10

Kokisẹ rị igwere lẹ ọkụdụ wẹ etikọ; anwụn rị a wanị k'a gba ishi, ifọn etikọ.

Azaya 13:15

Wẹ nwụn ịhịan ụhụọkịn hụ, e gi wẹ ọpịa zugbu ẹ; ọpịa-agha kẹ wẹ k'e gi gbu ndị ile ẹka wẹ dụ.

Azaya 13:9

Lee ẹ, Ụhụọhịn Osolobuẹ lala — ụhụọkịn jọgbu enwẹn ẹ, ụhụọkịn hụn ọnụma lẹ olulu k'a kpọ — hụn k'e mẹ alịnị gba okpokoro, tikpọ ndị-njọ rịn'a.

Azaya 24:23

Ifẹnrẹn anịkọ ifọn ti, ụya anịkọ anwụn mụ; makẹni Osolobuẹ nwọn ikẹn ile k'a rị a kị; Ugu-Zayọnụ, imẹ Jerusalẹm, k'o k'a nọ kị ọkịkị hụn k'a ghọsị ọghọ a idẹnya ndị-isi Jerusalẹm.

Azaya 34:8

Makẹni Osolobuẹ a kayegụọ ụhụọhịn o k'e mẹgwarị; ọ kayegụọ ahụa o k'e gi mẹshi alị Ẹdọm ikẹn, makẹ ufiri Zayọnụ rị alị Izrẹlụ.

Jerimaya 4:23

E lee m ẹnya ụwa, onwọnni k'ọ nọ, ọ gbachanrịn okpokoro; E lee m ẹnya igwere, onwọnzini ukpẹ rịn'a.

Juwẹlụ 2:1

Gbu ni opi elu ugu Zayọnụ! Nọ nị elu Ugu nsọ m hị ndị alị! Ndị ile bi alị Juda wẹ mẹhunmẹ makẹni ụhụọhịn Osolobuẹ e d'e ru.

Juwẹlụ 2:31

ẹnyanwụn k'a gba ishi; ifọn k'e nwunmẹ ẹdeke-ẹdeke, o kebe ru okẹn ụhụọhịn Osolobuẹ ahụn rị egun.

Juwẹlụ 3:14

Lee igunrun-igunrun jun Ọdanmgbugbu okinkin-ikpe e che, makẹni o rumẹgụọ ụhụọhịn Osolobuẹ k'e mẹ ịhịan ihiẹn imẹ Ọdanmgbugbu okinkin-ikpe —

Emọsụ 8:9

Di-nwọnni-ẹnyi wụ Osolobuẹ sị, “O ru ogẹn hụ, m k'e mẹ anwụn dan ogẹn efinaị, mẹ ọhịhị gba elu-ụwa ebe eki rị elu.

Malakaị 4:5

M k'e zihẹni ụnụ Ẹlaịja onyẹ-amụma Ụhụọhịn Osolobuẹ gini d'e ru, okẹn ụhụọhịn hụ a tụ egun;

Matiu 24:29

“Hụn nsọngbu ogẹn hụ gihụ ghafegụ, ẹnyanwụn jẹnkọ d'a gba ishi, ifọn etikọzị; kokisẹ rị igwere k'a dantusọnmẹ, ikẹn ndị rị igwere k'e mẹhunmẹ.

Matiu 27:45

Efinnaị hụ, ọkịkị nọ gba alị hụ ile gha ọkụrọkụ mmẹbụọ ẹnya anwụn gi a rị isi d'e ru ọkụrọkụ ẹtọ.

Makị 13:24

“Ogẹn hụ, ogẹn afụnfụn hụ ghafegụhụ, ẹnyanwụn jẹnkọ d'a gba ishi, ifọn etibehi;

Luku 21:25

“Wẹ jẹnkọ d'a hụn ihiẹn ahịma ihun ẹnyanwụn lẹ ifọn lẹ kokisẹ rị igwere. Imẹ ụwa, alị ichẹn-ichẹn jẹnkọ d'a rị imẹ nsọngbu, makẹ okẹn ụzụn ohimin rị a zụn lẹ k'o dọn rị e mẹhunmẹ ọda-ọda; o sikọ d'a gba wẹ ngharị-ẹnya.

Ọrụn Ndị-ozi 2:19

M k'a ghọsịsọnmẹ ihiẹn atụmẹnya elu-igwere, ghọsịsọnmẹ ahịma elu-ụwa — kẹ ẹdeke kẹ ọkụn kẹ ẹnwụnrụn.

Ọrụn Ndị-ozi 2:21

Ogẹn hụ, onyẹ ọwụlẹ hụn k'a kpọku ẹfan Di-nwọnni-ẹnyi k'e nwọn nzụọpụha.” ’

Ndị Kọrẹntị Ibuzọ 5:5

ụnụ e bu onyẹni che ẹka Ekwensụ nị wẹ hụn ụzọ tikpọ ẹhụ a, kẹni mmọn a hụn ụzọ nwọn nzụọpụha Ụhụọhịn Di-nwọnni-ẹnyi Jesu Kristi.

Ndị Tẹsalonika Ibuzọ 5:2

Makẹni, ụnụ lẹ enwẹn ụnụ a marịngụọ ọhụnma-ọhụnma nị Ụhụọhịn hụ Di-nwọnni-ẹnyi k'e gi bịa, o k'a bịa idẹnmizi kẹ ohin dọn a bịa imẹ abalị.

Pita Nke Ẹbụọ 3:10

Kanị Ụhụọhịn Di-nwọnni-ẹnyi lala idẹnmizi nọkẹ ohin. O ru, igwere sikọ d'e gi okẹn ụzụn fopụ, ọkụn a rịnranpụ ihiẹn ile; ụwa lẹ ihiẹn ile ịhịan nọ imẹ ẹ mẹ a pụha ifọn.

Pita Nke Ẹbụọ 3:7

Nke igwere lẹ ụwa rị ogẹnni, Osolobuẹ e gigụọzị oku-ọnụ a hụ bu wẹ dọnmẹ n'o k'a dụn wẹ ọkụn; ọ rị e che Ụhụọhịn ahụn o k'e kin ndị-njọ ikpe, tikpọ wẹ.

Rẹvẹleshọnụ 16:8

Mmọn-ozi nke ẹnọ nọ hu ihiẹn rị afẹrẹ a ye ẹnyanwụn, mẹ anwụn ma ịhịan ọda-ọda.

Rẹvẹleshọnụ 6:12

Ogẹn Nwa-ebulu hụ gi tọpụ eriri nke isin, e lee m ẹnya, m nọ hụn kẹ alị zinzin ọda-ọda, ẹnyanwụn nọ gimẹ kẹ ẹṅẹnrẹn ewu ogi; ifọn shịagụnị nọ nwunhutọ, nwunmẹ ẹdeke-ẹdeke.