Ọrụn Ndị-ozi 2:2 - Ika

² Idẹnmizi, ụzụn nọ kẹ okẹn ufere rị a kpọnị nọ gha elu-igwee bịa, jun mmụlọ wẹ nọdị.

Ọrụn Ndị-ozi 2:2 ပူးပေါင်းရင်းမြစ်များ

Ndị-nze Nke Ibuzọ 19:11

Osolobuẹ nọ sị a, “Pụha imẹ okporoni d'e wuzo elu-uguni ihun Osolobuẹ.” Osolobuẹ nọ ghafe: okẹn ufere nọ buruni Osolobuẹ ụzọ, e tiwa ugu hụ, e tikpọsọnmẹ ọmụma, kanị Osolobuẹ arị imẹ ufere hụ; ufere a kpọgụ, alị nọ mẹhunmẹ, kanị Osolobuẹ arịkwọ alị-ọmahihie hụ;

Ẹbụ-ọma 18:10

Chẹrobu k'o nyin, fehẹ, ufere buhẹ ẹ ozigbo-ozigbo lekẹ ẹka-nku.

Ẹbụ Solomọnụ 4:16

Ufere ẹbamịn-ugu, tẹnhin! Ufere ẹbamịn-ndịdan, fehẹzịkwọ! D'e fe ugbo-obobo m, kẹni o kungbarị. Nke-m ya banhan nwan ugbo-obobo ẹ d'e ri ezigbo mkpụrụ ọ mị.

Azaya 65:24

Wẹ gini d'a kpọku m, a za m wẹ; wẹ gini d'a rịọgụ, a nụgụọ m ekpere wẹ.

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Luku 2:13

Idẹnmizi, igunrun ndị mmọn-ozi elu-igwee nọ nwọnpụha cheni mmọn-ozi ibuzọ hụ, a ja Chuku mma, a sị,

Jọnụ 3:8

Ufere e feshi ebe ọ chọ, ụnụ a nụ ụzụn a, kanị ụnụ ara marịn ebe ọ gha fela mọbụ ebe o fekọ. Ẹrịra kẹ onyẹ ọwụlẹ Mmọn Osolobuẹ mụ rị.”

Ọrụn Ndị-ozi 2:3

Wẹ nọ hụn ihiẹn nọ kẹ ire ọkụn pụhasọnmẹni, nọkwasị onyẹ-onyẹ imẹ wẹ.

Ọrụn Ndị-ozi 2:6

Ogẹn wẹ gi nụ ụzụnnị, igunrun ịhịan nọ gbakikomẹ. Ọ tụ wẹ ẹnya, makẹni onyẹ-onyẹ hụ a nụ kẹ wẹ rị a sụ asụsụ alị ọ gha bịa.

Ọrụn Ndị-ozi 4:31

E mẹgụ wẹ ekpereni, ebẹhụ wẹ nọ zu nọ mẹhunmẹ, Mmọn-nsọ nọ jun wẹ ile, wẹ hụ e kushi oku Osolobuẹ ikẹn.

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!