Ọrụn Ndị-ozi 19:9 - Ika

⁹ Kanị ogẹn ụfọdụ rị ebẹhụ gi gbama isi-akwanran, jụ n'e kwerikọ wẹ, kujama oku Ụzọ-Jesu idẹnya ịhịan ile imẹ ụlọ-ofufe hụ, Pọlụ nọ la wẹ tọ. O weri ndị kwerini pụ d'a kuzimẹ wẹ ụhụọhịn ile imẹ ụlọ-ẹkụkwọ onyẹ w'a kpọ Taịranọsụ.

Ọrụn Ndị-ozi 19:9 ပူးပေါင်းရင်းမြစ်များ

Ndị-nze Nke Ẹbụọ 17:14

Kanị Izrẹlụ Ẹbamịn ugu lẹ Juda egọnni ntịn; e busọnmẹ wẹ isi-ikẹn nọkẹ ndị nẹdi wẹ, hụn gilẹni Osolobuẹ wụ Chuku wẹ dọn ẹnya.

Ihiẹn Mẹni Nke Ẹbụọ 30:8

Ebukwọlẹ ni isi-ikẹn nọkẹ ndị nẹdi ụnụ; humẹni ni Osolobuẹ isi. Bịa nị Ụnọ-nsọ hụn o dọn nsọ jẹnrin ejẹn. Fe ni Osolobuẹ wụ Chuku ụnụ, kẹni olulu ọkụn ọ rị e busọn ụnụ rọ.

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Ẹbụ-ọma 95:8

agbakwọlẹ ni isi-akwanran kẹ ụnụ dọn mẹ imẹ Mẹriba, kẹ ụnụ dọn mẹ ụhụọhịn ahụn imẹ Masa hụn rị imẹ atụ —

Itẹn 8:34

O jẹnkọ d'a rịnị onyẹ hụn e gọn m ntịn mma, onyẹ hụn e che m ọnụ-mgbọn iwe m ụhụọhịn-ụhụọhịn n'ọ hụn m, e rudẹ ọnụmụzọ iwe m d'e che m.

Azaya 8:14

o k'a wụ ebe rị nsọ w'a gbaban; kanị, ọmụma ịhịan a kpọgburu lẹ nkumẹ e mẹ wẹ a dan k'o k'a wụrụnị azụụn ẹbụbụọ rị Izrẹlụ. Nke ndị bi imẹ Jerusalẹm, ọnyan lẹ ihiẹn w'e gi kwọndọn wẹ k'o k'a wụrụnị wẹ.

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Matiu 16:4

Eje-agbọ ẹnya rịlẹni ụzọ ohu rị a chọ ahịma. Kanị, onwọnni ahịma wẹ jẹnkọ d'a ghọsị wẹ wezụka ihiẹn mẹ Jona onyẹ-amụma.” Ọ nọ la wẹ tọ, gha ebẹhụ pụ.

Matiu 26:55

Ogẹn hụ kẹ Jizọsị gi sị igunrun hụ, “M wụdẹ nwan onyẹ-ohin ra — ụnụ gi bu ọpịa-agha lẹ ẹgbe d'a nwụnrụn m? Ụhụọhịn ile kẹ m'a nọdị alị imẹ Ụlọ-nsọ a kuzi, ụnụ anwụnrụnnị m.

Jọnụ 12:40

“Chuku e mẹgụọ ẹnya kpu wẹ ishi, mẹ obi tikin wẹ — amamgbe wẹ e gi ẹnya wẹ legha ụzọ, gi obi wẹ ghọta, e gbehutọ wẹ d'e kunrun m; a zụọ m wẹ. Ya kẹ Chuku ku.”

Ọrụn Ndị-ozi 11:26

Ọ hụn a, ọ nọ wẹhẹ ẹ Antịọkụ. Uwẹ lẹ ndị ụka ahụn hụ e zu, wẹ hụ a kuzi igwerigwe, ọrọgbọ ahụa. Imẹ Antịọkụ kẹ wẹ nọ kpọma ndị nsọnmazụụn Kraịstị “Kristiansị,” ya wụ, “Ndị Nke Kraịstị.”

Ọrụn Ndị-ozi 14:4

Kanị ndị obodo hụ kebe ekebe: ndịnị a nọyeni ndị Ju, ndịnị a nọyeni ndị-ozi hụ pụ-ichẹn wụ Banabasị lẹ Pọlụ.

Ọrụn Ndị-ozi 17:4

Ụfọdụ nọ kweri, ya wẹ nọ sọnmẹ Pọlụ lẹ Saịlasị. Ndị alị ọzọ bu ọda hụn e fe ofufe ndị Ju lẹ ikpoho wẹ marịn amarịn bu ọda e kwerizighọ.

Ọrụn Ndị-ozi 19:23

Ogẹn hụ kẹ okẹn nsọngbu gi pụha imẹ Ẹfẹsọsụ makẹ Ụzọ-Jesu:

Ọrụn Ndị-ozi 19:30

Pọlụ te chọ n'o jẹn imẹ ọgbọ hụ, kanị ndị nsọnmazụụn Jizọsị anịn'a;

Ọrụn Ndị-ozi 20:31

We ni nwan ẹnya ru alị; nyanhan nị nị ezuni m ikẹn ọrọgbọ ahụa ẹtọ, kẹ uhinhin kẹ efinnaị, ebe m rị e gi ẹnya-mirin a dọ onyẹ ọwụlẹ ẹka-ntịn.

Ọrụn Ndị-ozi 22:4

E kpokpoghọ m ndị rị e sọn Ụzọnị, kpokpo wẹ ru ọnwụn. M'a kpọma kẹ ikẹnnyẹ kẹ ikpoho ẹgan, a tụ wẹ ngan.

Ọrụn Ndị-ozi 24:21

mmanị oro ohuni m yi kẹ m wuzo ihun wẹ: ‘Ụnụ rị e kinkwọ m ikpe tannị makẹni m kweri nị ndị nwụnhụnnị jẹnkọ d'e lihi!’ ”

Ọrụn Ndị-ozi 28:22

Kanị, ẹnyi chọ nị ẹnyi nụ ọnụ ị, makẹni, o mẹ nke itu Jizọsị onyẹ Nazarẹtịnị, ihiẹn ẹnyi marịn wụ nị wẹ rị e kuja oku ẹ ụzọ ile.”

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ọrụn Ndị-ozi 9:2

sị a deye ẹ ẹkụkwọ-ozi jẹnni ụlọ-ofufe ndị Ju ile rịkwọrị Damaskọsụ, kẹni, ọ hụn onyẹ ọwụlẹ rị e sọn Ụzọ-Jesu ebẹhụ, o kẹnmẹhẹn wẹ Jerusalẹm, ọsụọn'a okẹnnyẹ mọbụ okpoho.

Ndị Rom 11:7

Ya wụ nwan nị ndị Izrẹlụ ahụnnị ihiẹn wẹ rị a lụgbuni enwẹn wẹ, ndị ahụn Osolobuẹ họrị sụọ hụn a, Osolobuẹ a kpọkin ndị họdụnị obi:

Ndị Rom 9:18

Ya wụ, ọ chọ n'o mẹ omikẹn ịhịan o mẹ omikẹn ẹ; ọ chọ n'ọ kpọkin ịhịan obi ọ kpọkin ẹ obi.

Ndị Kọrẹntị Ibuzọ 16:9

makẹni ezigbo oghere m'e gi rụnpụha ihiẹn a pụhagụọnị m, ọsụọn'a nị ndị rị e mẹ ịhịan uke bu ọda.

Timoti Ibuzọ 6:5

lẹ ịdọ-ndọndọ ndị uche wẹ rịlẹni mma a dọ, ndị ezioku nahịngụ, ndị weri ife-Osolobuẹ kẹ ihiẹn wẹ gi e hi ọdanfịn. [Esọnkwọlẹ ndị nọ ẹrịra].

Timoti Nke Ẹbụọ 1:15

Y'a marịnghọ nị ndị ile rị Ẹgbẹrẹ Eshịa a gbakitọgụọ m azụụn — kẹ Figelọsụ kẹ Homojinisi.

Timoti Nke Ẹbụọ 3:5

Wẹ k'a wụ ndị e mẹchanrịn omẹnalị rị ofufe Osolobuẹ, kanị ikẹn w'e gi bi obibi rịn'a a rị imẹ ndụn wẹ. La ndị nọ ẹrịra tọ.

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.

Hibru 3:13

Kama, e gi ni oku-Chuku a kasị ibe ụnụ obi ụhụọhịn-ụhụọhịn, hụnnị “tannị” ahụn wẹ ku oku ẹ imẹ Ẹkụkwọ-nsọ kelẹni ghafe, amamgbe ọ gha e nwọn onyẹ njọ dufie, mẹ ẹ kpọkin obi.

Pita Nke Ẹbụọ 2:12

Kanị ndịnị nọ kẹ anụ-ọfịa nwọnlẹni uche, anụmanụ ghalẹni e leban ihiẹn ẹnya — hụn wẹ mụhụ nị wẹ nwụnrụn gbu. W'e kuja oku ihiẹn wẹ ghọtalẹni. Wẹ k'a la ntikpọ kẹ anụ-ọfịa dọn a la ntikpọ —

Pita Nke Ẹbụọ 2:2

Ndị bu ọda jẹnkọ d'e sọn wẹ bimẹ eje-obibi ifẹnrẹn ahụn wẹ rị e bi, ịhịan e gi ufiri wẹ kujama oku Ụzọ-ezioku.

Judu 1:10

Kanị ndịnị e kuja oku ihiẹn ọwụlẹ wẹ ghọtalẹni; wẹ rị e mẹ kẹ anụmanụ, a ghọta ihiẹn k'ọ rị wẹ, e gi ẹ a la iwi.