Ọrụn Ndị-ozi 18:7 - Ika

⁷ Ọ nọ gha ebẹhụ pụ, shi iwe okẹnnyẹ ohu w'a kpọ Taịtiọsụ Jọstusu, hụn wụlẹni onyẹ Ju kanị o fe Chuku kẹ ndị Ju dọn e fe. Iwe Taịtiọsụ rị e sọn ụlọ-ofufe hụ.

Ọrụn Ndị-ozi 18:7 ပူးပေါင်းရင်းမြစ်များ

Jọnụ 9:31

Ẹnyi a marịnghọ nị Osolobuẹ ara gọn onyẹ-njọ ntịn, nị onyẹ e fen'ẹ lẹ onyẹ e mẹ uche ẹ k'o gọn ntịn.

Ọrụn Ndị-ozi 10:2

Okẹnnyẹni e feshi Osolobuẹ ikẹn, a tụ egun Osolobuẹ, ya lẹ ezi-lẹ-ụlọ a ile. O yesọnmẹ ndị igbẹnnyẹ rị alị hụ ihiẹn. Ọ kpọku Osolobuẹ ogẹn ile.

Ọrụn Ndị-ozi 10:22

Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ọrụn Ndị-ozi 13:42

Ogẹn Pọlụ lẹ Banabasị gi pụkọ, wẹ nọ rịọ wẹ nị wẹ gwazị wẹ ihiẹn ndịnị Ụhụọhịn Ezumikẹn lalanị.

Ọrụn Ndị-ozi 13:43

Ogẹn wẹ gi gbashịagụ, ndị Ju bu ọda lẹ ndị ọzọ e fe ofufe ndị Ju nọ sọnmẹ Pọlụ lẹ Banabasị. Pọlụ lẹ Banabasị nọ gba wẹ umẹ, sị wẹ turusọnmẹ imẹ ẹfọma Osolobuẹ mẹni ẹnyi.

Ọrụn Ndị-ozi 13:50

Ya ndị Ju nọ kpasu ikpoho wẹ marịn amarịn wụlẹni ndị Ju, hụn e sọn ndị Ju e fe Osolobuẹ, uwẹ lẹ ikẹnnyẹ wẹ marịn amarịn obodo hụ, wẹ ile nọ kpokpomẹ Pọlụ lẹ Banabasị, chụpụ wẹ ẹgbẹrẹ wẹ.

Ọrụn Ndị-ozi 16:14

Okpoho ohu w'a kpọ Lidia hụ e gọn ntịn; onyẹ obodo Tịatira rọ; o re ẹkwa a ṅanrannị; o sọn ndị Ju e fe Osolobuẹ. Di-nwọnni-ẹnyi shịapụ a obi, ọ nọ gi ihiẹn Pọlụ rị e ku dọn.

Ọrụn Ndị-ozi 17:4

Ụfọdụ nọ kweri, ya wẹ nọ sọnmẹ Pọlụ lẹ Saịlasị. Ndị alị ọzọ bu ọda hụn e fe ofufe ndị Ju lẹ ikpoho wẹ marịn amarịn bu ọda e kwerizighọ.

Ndị Kolosị 4:11

Jizọsị hụn w'a kpọzị Jọstusu, e kelezi ụnụ. Mmadụ ẹtọnị sụọ wụ ndị Ju, ndị kwa ugun, imẹ ndị mmẹ lẹ wẹ wị a rụn ọrụn Alị-eze Osolobuẹ; e yekẹni wẹ m ẹka.