Ọrụn Ndị-ozi 18:18 - Ika

¹⁸ Ogẹn Pọlụ gi nọbiegụ Kọrẹntị, ọ nọ sị ndị kwerini Jesu rị ebẹhụ nọdị ọhụnma, ọ nọ banye ụgbọ-mirin, shi alị Siria. Ịya lẹ Prisilia lẹ Akwila wị. E ru wẹ obodo Sẹnkrẹ, ọ nọ kọ ntutu makẹni o nwọn nkwa o kwe.

Ọrụn Ndị-ozi 18:18 ပူးပေါင်းရင်းမြစ်များ

Ọgụngụn 6:18

“Hụn we enwẹn ẹ kwanị Osolobuẹ ọkụkwanị pụ-ichẹn k'a nọ ọnụ-mgbọn Ọdụ-ozuzu ebahụn kpụnpụ ntutu hụ rị a isi o gi kwanị Osolobuẹ. O we ntutu hụ che ọkụn ahụn rị okpuru ẹjan-ekele ahụn.

Ọgụngụn 6:2

“Gwa ndị Izrẹlụ oku, sị wẹ: Okẹnnyẹ mọbụ okpoho kwe nkwa n'o k'e we enwẹn ẹ kwanị Osolobuẹ ọkwụkwa pụ-ichẹn, wụrụ Nazịraịtị,

Matiu 4:24

Ya kẹ otiti ẹ nọ kpọgbarị alị Siria ile; wẹ hụ e wẹhẹn'ẹ ndị ile emu rị a kụ, ndị bu ọrịa ichẹn-ichẹn lẹ ndị ihiẹn rị a tụrụ, ndị eje-mmọn rị e ye nsọngbu, ndị ibobo (odudu) lẹ ndị ọrọ, ọ nọ zụọ wẹ.

Makị 6:46

Ọ gbashịagụ wẹ, ọ nọ shi elu ugu d'e mẹ ekpere.

Ọrụn Ndị-ozi 1:15

Ogẹnni kẹ Pita gi lihi ọtọ imẹ igunrun ndị kwerini, gwama wẹ oku. Wẹ rị ihiẹn nọ kẹ mmadụ ọgụn-isin gbakikomẹ ebẹhụ. Ọ sị wẹ,

Ọrụn Ndị-ozi 15:23

Wẹ nọ de ẹkụkwọ-ozi ye wẹ. Ihiẹn wẹ de wụ: “Ẹnyi umunẹ ụnụ, kẹ ndị-ozi ahụn pụ-ichẹn kẹ ndị-isi, gba de ẹkụkwọ-ozini; ẹnyi rị e dejẹnni umunẹ ẹnyi wụlẹni ndị Ju, hụn rịsọnmẹ obodo Antịọkụ rị Siria lẹ Siria ile lẹ Silisia. Ẹnyi e kele ụnụ!

Ọrụn Ndị-ozi 15:41

Ọ nọ ghagbarị Siria lẹ Silisia, e mẹ ndị ụka rị ebẹhụ e kẹnrẹn.

Ọrụn Ndị-ozi 18:2

Ọ nọ hụn onyẹ Ju w'a kpọ Akwila hụn wẹ mụ Ẹgbẹrẹ Pọntusu, hụn ya lẹ nwunyẹ ẹ wụ Prisilia gba gha alị Itali bịa ebẹhụ nke ọhụn, makẹni eze-kanị wụ Klọdiọsụ Siza sị ndị Ju ile gha Rom pụ. Ya Pọlụ nọ jẹn d'a hụn wẹ.

Ọrụn Ndị-ozi 18:26

Ọ nọ kushimẹ oku-Chuku ikẹn imẹ ụlọ-ofufe ndị Ju. Kanị, ogẹn Prisilia lẹ Akwila gi nụ nkuzi ẹ, wẹ nọ weri ẹ shi ụsụọ d'a kọwan'a Ụzọ Osolobuẹ ọhụnma.

Ọrụn Ndị-ozi 18:27

Ogẹn Apolọsụ gi chọ n'o fetu shi Ẹgbẹrẹ Akaya, ndị kwerini Jesu nọ kwadọn ẹ, de ẹkụkwọ jẹnni ndị kwerini rị Akaya, sị wẹ nabanhan a. Ogẹn o gi ru Akaya, o yekẹnmẹkẹni ndị rị ebẹhụ ẹka, ndị Osolobuẹ yeni ẹka kwerini Jesu.

Ọrụn Ndị-ozi 21:23

Mẹ nwan ihiẹnni ẹnyi jẹnkọ d'a gwa ị: O nwọn ikẹnnyẹ ẹnọ rị ebeni gi ẹfan Osolobuẹ kwe nkwa imẹ ụlọ-nsọ.

Ọrụn Ndị-ozi 21:24

Weri ikẹnnyẹ ndịnị; yụ lẹ uwẹ wịrị jẹn d'e mẹzu ọdịnalị idọn-nsọ: y'a kụnị wẹ ụgwọ w'e gi kọpụ wẹ ntutu. Ịhịan ile sikọ d'e gi ẹ marịn nị ezioku arị ihiẹn wẹ nụ, kama, nị yụ lẹ enwẹn i e gidẹ Iwu Mozizi e bi.

Ọrụn Ndị-ozi 21:3

Ẹnyi e ru ebe ẹnyi nọ leghama alị Saịprọsụ, ẹnyi nọ nu ẹ ye azụụn ẹka-ekpẹn, nyanshi Ẹgbẹrẹ Siria; ẹnyi e ru ẹ, ẹnyi nọ kụsị imẹ alị Taya, makẹni ebẹhụ kẹ ụgbọ ahụn jẹnkọ d'a nọ butu ibu.

Ndị Rom 16:1

Obi ru m alị ebe Fibi nwẹnẹ ẹnyi okpoho rị. Fibi wụ onyẹ-ọrụn imẹ ụka rị Sẹnkrẹ.

Ndị Kọrẹntị Ibuzọ 9:20

M ru ebe ndị Ju rị, e bimẹ m kẹ onyẹ Ju, kẹni m wẹhẹ ndị Ju d'a marịn Kraịstị; m ru ebe ndị rị okpuru Iwu Mozizi rị, e họnrin m onyẹ rị okpuru Iwu — kanị ẹlẹkwọ nị mmẹ lẹ enwẹn m rị okpuru Iwu — m'e mẹ ẹ kẹni m wẹhẹ ndị rị okpuru Iwu d'a marịn Kraịstị.

Ndị Galeshịa 1:21

Omẹgụ, m nọ jẹn Ẹgbẹrẹ Siria lẹ Silisia.