Ọrụn Ndị-ozi 18:12 - Ika

¹² Kanị ogẹn Galio gi wụ Gọvanọ rị a kịnị ndị Rom Ẹgbẹrẹ Akaya, ndị Ju nọ kpọngbama, maye Pọlụ, w'ẹ jẹn ọgwa Gọvanọ.

Ọrụn Ndị-ozi 18:12 ပူးပေါင်းရင်းမြစ်များ

Matiu 27:19

Ogẹn Paịleti gi nọdị alị elu Ocho okinkin-ikpe, nwunyẹ ẹ nọ zi wẹ d'a sị a, “Wepụkwọ ẹka oku onyẹ ezi-omumẹ hụ, makẹni e gigụọkwọ m'a rọ eje-nrọ tannị.”

Jọnụ 19:13

Ya kẹ Paịleti nọ gi ufiri oku ndịnị wepụha Jizọsị ihun-ezi, nọdị alị elu Oche Okinkin-ikpe elu Mgbankpo w'a kpọ “Mgbankpo Ọmụma.” (“Gabata” kẹ w'a kpọ a ọnụ Hibru, asụsụ ndị Ju).

Ọrụn Ndị-ozi 13:12

Ogẹn Gọvanọ hụ gi hụn ihiẹn mẹni, ọ nọ kwerini Di-nwọnni-ẹnyi, makẹni nkuzi Di-nwọnni-ẹnyi ri ẹ ọnụ.

Ọrụn Ndị-ozi 13:50

Ya ndị Ju nọ kpasu ikpoho wẹ marịn amarịn wụlẹni ndị Ju, hụn e sọn ndị Ju e fe Osolobuẹ, uwẹ lẹ ikẹnnyẹ wẹ marịn amarịn obodo hụ, wẹ ile nọ kpokpomẹ Pọlụ lẹ Banabasị, chụpụ wẹ ẹgbẹrẹ wẹ.

Ọrụn Ndị-ozi 13:7

Ya lẹ gọvanọ wụ Sẹjọsụ Pọlọsụ rị. Sẹjọsụ Pọlọsụnị nwọn uche, o zi wẹ kpọhan'a Banabasị lẹ Sọlụ, makẹni ọ chọ n'ọ nụ oku Chuku.

Ọrụn Ndị-ozi 13:8

Kanị okẹnnyẹ ahụn gi ikẹn ọzọ a rụn, hụn ẹfan Griki ẹ wụ Ẹlimasị, anịnị wẹ kuye; ọ hụ e mẹ n'o wiwi obi Gọvanọ, amamgbe o kwerini Jizọsị.

Ọrụn Ndị-ozi 14:19

Kanị o nwọn ndị Ju gha Antịọkụ lẹ Ikoniọm bịa Listra. A dọrịgụ wẹ igunrun hụ ye azụụn nke wẹ, ya wẹ nọ weri Pọlụ mama ọmụma, dọkpụnpụ a imẹ obodo hụ, e ro n'ọ nwụnhụngụọ.

Ọrụn Ndị-ozi 14:2

Kanị ndị Ju kwerilẹni nọ kpasu ndị wụlẹni ndị Ju, wiwi obi wẹ, wẹ nọ bunụmanị ndị kwerini.

Ọrụn Ndị-ozi 17:13

Kanị, ogẹn ndị Ju rị Tẹsalonika gi marịn nị Pọlụ e kuọlẹ oku Chuku imẹ Bẹrịa, wẹ nọzị bịa ebẹhụ d'a kpasu ndị rị ebẹhụ.

Ọrụn Ndị-ozi 17:5

Makẹni ẹnya rị a fụ ndị Ju, wẹ nọ chọrị ndị isi-mgbaka imẹ afịa, wẹ nọ bu isusu che obodo hụ. A zụnbanhan wẹ iwe Jasịnị d'a chọ Pọlụ lẹ Saịlasị, kẹni wẹ wepụha wẹ weye ndị alị.

Ọrụn Ndị-ozi 18:11

Ya ọ nọ nọdị ebẹhụ ahụa ohu lẹ ifọn isin, a kuzi wẹ oku Osolobuẹ.

Ọrụn Ndị-ozi 18:27

Ogẹn Apolọsụ gi chọ n'o fetu shi Ẹgbẹrẹ Akaya, ndị kwerini Jesu nọ kwadọn ẹ, de ẹkụkwọ jẹnni ndị kwerini rị Akaya, sị wẹ nabanhan a. Ogẹn o gi ru Akaya, o yekẹnmẹkẹni ndị rị ebẹhụ ẹka, ndị Osolobuẹ yeni ẹka kwerini Jesu.

Ọrụn Ndị-ozi 19:21

Ogẹn ihiẹn ndịnị gi mẹgụ, Pọlụ nọ kwademẹ obi ẹ ghahanị Mmọn-nsọ n'o k'e ru Masẹdonia lẹ Akaya rị ụzọ o jẹnkọnị Jerusalẹm. Ọ nọzị sị, “M jẹngụ Jerusalẹm, m k'e ruzirịrị Rom.”

Ọrụn Ndị-ozi 25:10

Pọlụ nọ sị, “Ọgwa eze-kanị wụ Siza tumẹ kẹ m rị hụnnị, ebe furu wẹ k'a nọ kin m ikpe. Onwọnni eje-ihiẹn m mẹ ndị Ju kaka, yụ nwẹn a marịngụọ ọhụnma-ọhụnma.

Ndị Rom 15:26

makẹni ọ sụọ ndị nke Kraịstị rịsọnmẹ Ẹgbẹrẹ Masẹdonia lẹ Akaya nị wẹ tụnị ndị igbẹnnyẹ rị imẹ ndị nke Osolobuẹ rị Jerusalẹm ihiẹnni m wejẹnkọnị wẹ.

Ndị Rom 16:5

Kelezi ni ụka hụn a nọ iwe wẹ e zu. Kele ni ezi ọwụ m wụ Ẹpẹnẹtọsụ. Ịya wụ onyẹ ibuzọ kwerini Kraịstị Ẹgbẹrẹ Eshịa.

Ndị Kọrẹntị Ibuzọ 16:15

Umunẹ m, dodo ni, makẹni ụnụ a marịnghọ nị ikpụlọ Stẹfanasị wụ ndị ibuzọ kwerini Jesu Ẹgbẹrẹ Akaya lẹni e wepụhagụọ wẹ enwẹn wẹ nị w'e yeni ndị nke Osolobuẹ ẹka,

Ndị Kọrẹntị Nke Ẹbụọ 1:1

Mmẹ wụ Pọlụ de Ẹkụkwọ-ozini. M wụ onyẹ-ozi pụ-ichẹn Kraịstị Jizọsị ghahanị uche Osolobuẹ. Mmẹ lẹ Timoti nwẹnẹ ẹnyi gba de Ẹkụkwọ-ozini. Ndị ụka Osolobuẹ rị alị Kọrẹntị kẹ ẹnyi rị e dejẹnn'ẹ, uwẹ lẹ ndị nsọ ile wẹ ile gba rị Ẹgbẹrẹ Akaya.

Ndị Kọrẹntị Nke Ẹbụọ 11:10

Onwọnni ihiẹn jẹnkọ d'a saẹka napụ m ihiẹnni m gi a nyan isi imẹ Ẹgbẹrẹ Akaya ile, mmanị ezioku Kraịstị arịzị imẹ m!

Ndị Kọrẹntị Nke Ẹbụọ 11:26

Ogẹn ile kẹ m gi a rị ụzọ-ijẹn; amarịn m ihiẹn k'e kunrun m elu iyi, ama m ebe m k'e ru kunrun ndị ohin; ndị alị m hụ a chọ isi m, ndị alị ọzọ hụzị a chọ isi m; nsọngbu a kpọsọnmẹ m ihun imẹ obodo lẹ imẹ atụ lẹ elu ohimin; nsọngbu ndị kpọ enwẹn wẹ ndị kwerini.

Ndị Kọrẹntị Nke Ẹbụọ 9:2

makẹni a marịnghọ m n'ọ rịka ụnụ obi, e gigụọdẹ m ụnụ nyannị ndị Masẹdonia isi, sị wẹ nị “Ndị Akaya a kwademẹgụọlẹ kete akan-ahụn!” Oku ụnụ wẹ nụ a kpọtiẹngụọ imẹrinmẹ wẹ.

Ndị Tẹsalonika Ibuzọ 2:14

Umunẹ, ihiẹn kunrunni ụnụ nọ kẹ hụn kunrun ụka Osolobuẹ imẹ Kraịstị Jizọsị ndị rịsọnmẹ Ẹgbẹrẹ Judia, makẹni, afụnfụn ohu hụ ụnụ ta ẹka ndị alị ụnụ kẹ wẹ nwẹn tazị ẹka umunẹ wẹ wụ ndị Ju.

Ndị Tẹsalonika Ibuzọ 2:16

e gbọndọn ẹnyi ezilẹ ndị alị ọzọ ozi wẹ k'e gi nwọn nzụọpụha! Ẹrịra kẹ w'e mẹ ogẹn ile hụn wẹ gi e mẹjun mkpu njọ wẹ ile. Kanị, iwe-lẹ-ọnụma Osolobuẹ e kunrungụọ wẹ nwan ikpanzụụnnị.

Jemisi 2:6

Bụ ụnụ hụ e legberi ndị-igbẹnnyẹ! Ẹlẹ ndị-ịdanfịn a bịangbu ụnụ? Ẹlẹ wẹ a dọjẹn ụnụ ọgwa?