Ọrụn Ndị-ozi 17:23 - Ika

²³ Makẹni, kẹ m ghakọ imẹ obodo ụnụ, m hụ e lekpọ ihiẹn ndị ụnụ e fe; a hụnghọdẹ m ụlọ-mmọn wẹ de: ‘Ọnwan wụ nke mmọn hụ ẹnyi marịnlẹni.’ Ihiẹn ahụn ụnụ rị e fe ụnụ marịnlẹni, ịya kẹ m rị nwan a gwa ụnụ oku ẹ.

Ọrụn Ndị-ozi 17:23 ပူးပေါင်းရင်းမြစ်များ

Ẹbụ-ọma 147:20

Onwọnni alị ọzọ o mẹni ihiẹnni; amarịn wẹ uhi ẹ. Ja nị Osolobuẹ mma!

Ẹbụ-ọma 50:21

Ụnụ hụ e mẹ ihiẹn ndịnị ile, a gba m ụnụ nkịtịn, ụnụ hụ e ro nị m nọhụ kẹ ụnụ. Kanị m rị nwan a jụgbọ ụnụ, m rị nwan a gwapụ ụnụ ihiẹn ụnụ mẹ.

Azaya 45:4

Ufiri odibo m hụn wụ ebọn Jekọpụ — ufiri Izrẹlụ hụn m họrị, m rị nwan a kpọ ị ẹfan e tumẹ; m rịzịkwọ e ye i nzere — ọsụọn'a nị y'a marịn m.

Matiu 15:9

Wẹ rị e fe m mmaka; ọdịnalị ịhịan tumẹ kẹ w'a kuzi nọkẹ sị Iwu Osolobuẹ rọ.’ ”

Jọnụ 17:25

“Euu Baba, Onyẹ ezi-omumẹ, ọsụọn'a nị ụwa amarịn ị, mmẹ nwẹn a marịnghọ ị; ndịnị wẹ a marịnzịghọ nị ịyụ zihẹ m.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 4:22

Ụnụ amarịn onyẹ ụnụ rị e fe; kanị, ẹnyi nwẹn a marịnghọ onyẹ ẹnyi rị e fe, makẹni ẹka ndị Ju kẹ nzụọpụha gha lala.

Jọnụ 8:54

Jizọsị nọ sị, “M ye enwẹn m ọghọ, ọghọ hụ la iwi. Nẹdi m wụ hụn e ye m ọghọ, onyẹ nwẹn ụnụ sị ‘Ịya wụ Chuku ẹnyi’,

Ọrụn Ndị-ozi 17:30

Osolobuẹ e fepụghọ ẹnya ogẹn mbụ ịhịan marịnlẹn'a. Kanị, ọ sị nwan ịhịan ile rị ebe ile wẹ rogharị.

Ndị Rom 1:28

Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,

Ndị Kọrẹntị Ibuzọ 1:21

Makẹni ụwa asanị ẹka gi amamihiẹn marịn Osolobuẹ ebe ọ nọ e gi amamihiẹn ẹ e mẹ ihiẹn, ọ sụọ Osolobuẹ n'o gi “nzuzu” rị ozi ẹnyi rị e zi zụọpụha ndị hụn k'e kwerini.

Ndị Kọrẹntị Ibuzọ 8:5

Ikẹnkwọ o nwọnghọ ihiẹn ndị w'e fe nọkẹ sị wẹ wụ Chuku, kẹ ndị rị elu-igwee kẹ ndị rị elu ụwa. Ezioku-ezioku, mmọn w'e fe barahị abarahị; ndị w'a kpọ “nna” barahịzịkwọ a barahị.

Ndị Ẹfẹsọsụ 2:12

nyanhan nị nị, ụnụ arị imẹ Kraịstị ogẹn ahụn; ụnụ arị ebọn Izrẹlụ; ụnụ arị nkwerigbama Osolobuẹ lẹ nkwa o kwe, elu ụwa ụnụ rị, ụnụ enwọn olilẹnya, ụnụ enwọn Osolobuẹ.

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.