Ọrụn Ndị-ozi 16:9 - Ika

⁹ Uhinhin hụ, Pọlụ nọ hụn ọhụn, hụn kẹ okẹnnyẹ ohu wụ onyẹ Masẹdonia turu, a rịọ a, “Dodo, bịa Masẹdonia d'e yeni ẹnyi ẹka!”

Ọrụn Ndị-ozi 16:9 ပူးပေါင်းရင်းမြစ်များ

Ọrụn Ndị-ozi 10:3

Ihiẹn nọkẹ ọkụrọkụ ẹtọ efinnaị, ọ nọ hụn ọhụn, hụn kẹ mmọn-ozi Osolobuẹ banhan, hị a, “Kọnẹlusu!”

Ọrụn Ndị-ozi 10:30

Kọnẹlusu nọ za a, sị, “Nwẹnẹ mgbeni taịnnọ, m rị iwe m e mẹ ekpere, ihiẹn nọ kẹ ọkụrọkụ ẹtọ efinnaị. Idẹnmizi, okẹnnyẹ ohu yi ẹwuru rị e gbukeni nọ wuzo m ihun.

Ọrụn Ndị-ozi 16:10

Ọ hụngụ ọhụn hụ, ẹnyi nọ kwademẹ ozigbo-ozigbo nị ẹnyi shi Masẹdonia, makẹni ẹnyi gi ẹ dọn nị Osolobuẹ sị ẹnyi d'e zi ndị rị ebẹhụ oziọma.

Ọrụn Ndị-ozi 16:12

Ẹnyi nọ gha ebẹhụ shi Filipi, obodo rị mkpa imẹ Ẹgbẹrẹ Masẹdonia. Ndị Rom kẹti-kẹti bi obodo Filipi. Ẹnyi nọdị ebẹhụ akpọhịn ole-lẹ-ole.

Ọrụn Ndị-ozi 18:5

Ogẹn Saịlasị lẹ Timoti gi gha Masẹdonia bịa, Pọlụ nọ gi ogẹn ẹ ile e ku oku-Chuku, a kọwanị ndị Ju nị Jesu wụ Kraịstị.

Ọrụn Ndị-ozi 19:21

Ogẹn ihiẹn ndịnị gi mẹgụ, Pọlụ nọ kwademẹ obi ẹ ghahanị Mmọn-nsọ n'o k'e ru Masẹdonia lẹ Akaya rị ụzọ o jẹnkọnị Jerusalẹm. Ọ nọzị sị, “M jẹngụ Jerusalẹm, m k'e ruzirịrị Rom.”

Ọrụn Ndị-ozi 19:22

Ya ọ nọ zi madụ ẹbụọ imẹ ndị rị e yen'ẹ ẹka — Timoti lẹ Ẹrastọsụ — shi Ẹgbẹrẹ Masẹdonia, ya nwẹn a nọdịzị imẹ Eshịa ẹkẹrẹ.

Ọrụn Ndị-ozi 19:29

Ya obodo hụ nọ susuhu: wẹ ile a zụnpụha, dọkpụnrụn Gayọsụ lẹ Arịstakusu, ndị Masẹdonia wẹ lẹ Pọlụ wị e jẹn alị ichẹn-ichẹn d'a rụn ọrụn oziọma, kpụnrụn wẹ shi ebe ndị alị a nọ e zu iko ichẹn-ichẹn.

Ọrụn Ndị-ozi 20:1

Ogẹn isusu hụ gi kụsịgụ, Pọlụ nọ kpọkikomẹ ndị e sọn Ụzọ-Jesu; ọ gbagụ wẹ umẹ, sịgụ wẹ nọdị ọhụnma, ọ nọ shi Masẹdonia.

Ọrụn Ndị-ozi 20:3

ọ nọ nọdị Grisi ebẹhụ ifọn ẹtọ. Ogẹn o gi nwan chọ n'o gi ụgbọ-mirin lakin Ẹgbẹrẹ Siria, ọ nọ marịn nị ndị Ju zun'ẹ eje-umẹ, ọ nọ gwarị sị n'ọ ghashi Masẹdonia lakin Siria.

Ọrụn Ndị-ozi 27:2

Ẹnyi ile nọ banye ụgbọ-mirin gha Adramitum bịa, hụn rị a kwademẹ n'o jẹn alị rị ichẹn-ichẹn rị mkpẹnrẹn Ohimin imẹ Ẹgbẹrẹ Eshịa hụn wẹ nọ a banye ụgbọ-mirin. Ụgbọ hụ nọ buru ẹnyi. Ẹnyi lẹ Arịstakusu onyẹ Tẹsalonika Ẹgbẹrẹ Masẹdonia wị.

Ọrụn Ndị-ozi 9:38

Lida nọkunmẹ Jọpa; ndị nsọnmazụụn Jesu a nụ nị Pita rị Lida, wẹ nọ zi ikẹnnyẹ ẹbụọ d'a rịọ a, sị, “Dodo, bịa obodo ẹnyi ozigbo!”

Ndị Rom 15:26

makẹni ọ sụọ ndị nke Kraịstị rịsọnmẹ Ẹgbẹrẹ Masẹdonia lẹ Akaya nị wẹ tụnị ndị igbẹnnyẹ rị imẹ ndị nke Osolobuẹ rị Jerusalẹm ihiẹnni m wejẹnkọnị wẹ.

Ndị Kọrẹntị Nke Ẹbụọ 11:9

Kẹ m rị imẹ igunrun ụnụ, ogẹn m gi nwọn mkpa, onwọnni onyẹ m buye ibu, makẹni umunẹ ẹnyi gha Masẹdonia bịa wẹhẹni m ihiẹn ile rị m mkpa. Ya wụ, mmẹ sị n'a wụkọ m ụnụ ibu olu. Ẹrịra k'o jẹnkọ d'a rịsọnmẹ: awụkọ nị m ụnụ ibu kaka!

Ndị Kọrẹntị Nke Ẹbụọ 12:7

Ihiẹn ndịnị m hụn a pụkakwọ ichẹn. Kanị, makẹ m gha e gi ihiẹn ndị hụ m hụn pachemẹ, Osolobuẹ nọ bu nsọngbu che m ẹhụ — rịkẹ ogun wẹ kpọye ịhịan ẹhụ. Nsọngbuni wụ onyẹ-ozi Ekwensụ. O bu ẹ che m ẹhụ n'ọ hụn ụzọ a lụ m, amamgbe m'a pachemẹ.

Ndị Kọrẹntị Nke Ẹbụọ 7:5

Makẹni, kẹ ogẹn ẹnyi gi rudẹ Masẹdonia, ẹnyi ezuni ikẹn kaka; wẹ kpokpo ẹnyi azụụn ile: oku-lẹ-ụka fihunmẹ ẹnyi, egun e jun ẹnyi obi.

Ndị Kọrẹntị Nke Ẹbụọ 8:1

Umunẹ, ẹnyi chọ nwan nị ụnụ marịn ẹfọma Osolobuẹ mẹni ụka rịsọnmẹ Ẹgbẹrẹ Masẹdonia:

Ndị Kọrẹntị Nke Ẹbụọ 9:2

makẹni a marịnghọ m n'ọ rịka ụnụ obi, e gigụọdẹ m ụnụ nyannị ndị Masẹdonia isi, sị wẹ nị “Ndị Akaya a kwademẹgụọlẹ kete akan-ahụn!” Oku ụnụ wẹ nụ a kpọtiẹngụọ imẹrinmẹ wẹ.

Ditrọnọmi 30:13

Ẹlẹ ọ rị nfetu Ohimin, hụn ụnụ e gi jụma, “Onyẹ k'e fetu ohimin d'e wẹhẹ ẹ d'a gwa ẹnyi, kẹni ẹnyi mẹ ẹ?”

Ndị Tẹsalonika Ibuzọ 4:10

Ezioku-ezioku, ụnụ hụ e nwọn ihiẹn-ọsụsụọ ndị ile kwerini rị Ẹgbẹrẹ Masẹdonia, kanị, ẹnyi rị a rịọ ụnụ, umunẹ, nị ụnụ e mẹkẹnmẹ ẹ,