Ọrụn Ndị-ozi 16:1 - Ika

¹ Pọlụ nọzị bịa Debẹ lẹ Listra. Imẹ Listra, o nwọn onyẹ ohu kwerini Jesu w'a kpọ Timoti; nnẹ ẹ wụ onyẹ Ju kwerini Jesu; kanị nẹdi ẹ wụ onyẹ Griki.

Ọrụn Ndị-ozi 16:1 ပူးပေါင်းရင်းမြစ်များ

Ẹzra 9:2

A lụrụgụọdẹ wẹ ikpoho wẹ, lụyezikwọ ụmụ wẹ ikẹnnyẹ — gwọgbama ebọnni rị nsọ lẹ alị ndị ọzọ. Hụn kadẹ njọ wụ nị ndị-ndu lẹ ndị gi ọkwa kadẹ e mẹ eje-ihiẹnni.”

Ọrụn Ndị-ozi 14:1

Ihiẹn mẹ imẹ Antịọkụ rị Pisidia mẹzikwọ imẹ Ikoniọm. Pọlụ lẹ Banabasị banye imẹ ụlọ-ofufe ndị Ju rị ebẹhụ, ku oku-Chuku, nke wụ nị ndị bu ọda nọ kwerini Jesu, kẹ ndị Ju kẹ ndị wụlẹni ndị Ju.

Ọrụn Ndị-ozi 14:21

Ogẹn wẹ gi zigụ oziọma imẹ Debẹ, kpọhagụnị Jesu ndị bu ọda, wẹ nọ kin azụụn, shizi obodo Listra, gha ebẹhụ shizi Ikoniọm, gha Ikoniọm shizi Antịọkụ rị Pisidia:

Ọrụn Ndị-ozi 14:6

ndị-ozi ahụn a nụ a, ya wẹ nọ gbashi Likonịa. Wẹ nọ jẹnsọnmẹ obodo ndị rị ebẹhụ, kẹ Listra kẹ Debẹ kẹ alị ndị nọhunmẹ ni wẹ,

Ọrụn Ndị-ozi 17:14

Ndị rị ebẹhụ kwerini nọ weri Pọlụ pụ ozigbo-ozigbo, sị a jẹnmẹ mkpẹnrẹn Ohimin; kanị Saịlasị lẹ Timoti nọ nọdịgụ Bẹrịa ebẹhụ.

Ọrụn Ndị-ozi 18:5

Ogẹn Saịlasị lẹ Timoti gi gha Masẹdonia bịa, Pọlụ nọ gi ogẹn ẹ ile e ku oku-Chuku, a kọwanị ndị Ju nị Jesu wụ Kraịstị.

Ọrụn Ndị-ozi 19:22

Ya ọ nọ zi madụ ẹbụọ imẹ ndị rị e yen'ẹ ẹka — Timoti lẹ Ẹrastọsụ — shi Ẹgbẹrẹ Masẹdonia, ya nwẹn a nọdịzị imẹ Eshịa ẹkẹrẹ.

Ndị Rom 16:21

Timoti mmẹ lẹ ya wị a rụn ọrụn e zi ekele ụnụ, ya lẹ Lushiọsụ lẹ Jasịnị lẹ Sosipata ndị Ju ibe m.

Ndị Kọrẹntị Ibuzọ 16:10

Omẹni Timoti a bịaghọ, mẹkwọ nị obi ru ẹ alị imẹ igunrun ụnụ, makẹni ọrụn Di-nwọnni-ẹnyi ahụn m rị a rụn kẹ ya nwẹn rị a rụn.

Ndị Kọrẹntị Ibuzọ 4:17

Ya haịn m gi zilanị ụnụ Timoti, ezi nwa m, hụn m gi e dọn ẹnya imẹ Onyẹ-nwọnni-ẹnyi. O k'a nyanhan nị ụnụ kẹ m'e mẹ ihiẹn imẹ Kraịstị Jizọsị, nyanhan nị ụnụ ya kẹ m'a kuzi ẹ imẹ ụka ile rị ebe ile.

Ndị Kọrẹntị Ibuzọ 7:14

Makẹni di kwerilẹni ni Kraịstị a rịọlẹ nsọ ghahanị nwunyẹ ẹ hụn kwerini Kraịstị; nwunyẹ kwerilẹni a rịọlẹ nsọ ghahanị di ẹ hụn kwerini. Omẹni ẹlẹ ẹrịra, ụmụ ụnụ arịkọ nsọ, kanị wẹ rị nwan nsọ.

Ndị Kọrẹntị Nke Ẹbụọ 1:1

Mmẹ wụ Pọlụ de Ẹkụkwọ-ozini. M wụ onyẹ-ozi pụ-ichẹn Kraịstị Jizọsị ghahanị uche Osolobuẹ. Mmẹ lẹ Timoti nwẹnẹ ẹnyi gba de Ẹkụkwọ-ozini. Ndị ụka Osolobuẹ rị alị Kọrẹntị kẹ ẹnyi rị e dejẹnn'ẹ, uwẹ lẹ ndị nsọ ile wẹ ile gba rị Ẹgbẹrẹ Akaya.

Ndị Kọrẹntị Nke Ẹbụọ 1:19

Makẹni Nwa Osolobuẹ wụ Jesu Kristi hụn mmẹ lẹ Sivanọsụ wụ Saịlasị lẹ Timoti zi ụnụ ozi ẹ ẹlẹ onyẹ a sị “ẹghẹẹ,” a sị “Mba;” ihiẹn rị imẹ ẹ ogẹn ile wụ “ẹghẹẹ.”

Ndị Filipi 1:1

Pọlụ lẹ Timoti de ẹkụkwọ-ozini. Ẹnyi wụ igbọn Kraịstị wụ Jizọsị. Ẹnyi rị e dejẹnni ndị ile rị imẹ Kraịstị wụ Jizọsị, ndị nsọ Osolobuẹ, hụn rị Filipi, uwẹ lẹ ndị-isi wẹ lẹ ndị-ọrụn ụka wẹ.

Ndị Filipi 2:19

M rị e lee ẹnya nị Di-nwọnni-ẹnyi wụ Jizọsị k'a nị m zihẹni ụnụ Timoti ẹgwa, kẹni m nụ ozi ụnụ, ndụn a ban m.

Ndị Kolosị 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị wụ Jizọsị, makẹni uche Osolobuẹ rọ. Mmẹ lẹ Timoti nwẹnẹ ẹnyi gba de ẹ.

Ndị Tẹsalonika Ibuzọ 1:1

Pọlụ lẹ Sivanọsụ lẹ Timoti de ẹkụkwọ-ozini. Ụka Osolobuẹ Nẹdi ẹnyi lẹ Di-nwọnni-ẹnyi Jesu Kristi rị imẹ Tẹsalonika kẹ ẹnyi rị e dejẹnni ẹ. Ẹfọma lẹ udọn ya rịnị ụnụ.

Ndị Tẹsalonika Ibuzọ 3:2

ẹnyi nọ zihẹni ụnụ Timoti nwẹnẹ ẹnyi hụn ẹnyi lẹ ịya gba a rụnnị Osolobuẹ ọrụn izisọnmẹ oziọma Kraịstị, sị a d'a dụ ẹjan ye ụnụ ukun, gba ụnụ umẹ nị ụnụ kwọnkẹnmẹ okukwe ụnụ —

Ndị Tẹsalonika Ibuzọ 3:6

Hụnnị Timoti ghagụ nwan azụụn nke ụnụ lụaha, wẹhẹni ẹnyi ozi rị mma, nị okukwe ụnụ lẹ ihiẹn-ọsụsụọ ụnụ hụ mma; nị ụnụ hụ a nyanhan ẹnyi ọhụnma-ọhụnma ogẹn ile lẹ ni ẹnyi hụ a da ụnụ kẹ ụnụ dọn rị a da ẹnyi;

Ndị Tẹsalonika Nke Ẹbụọ 1:1

Pọlụ lẹ Sivanọsụ lẹ Timoti de ẹkụkwọ-ozini. Ẹnyi rị e dejẹnni ụka Tẹsalonika hụn rị imẹ Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi ya.

Timoti Ibuzọ 1:18

Timoti nwa m, m rị e ye i iwu ndịnị makẹ amụma ndị hụ wẹ bu banyen'i ogẹn mbụ, kẹni ị saẹka gi wẹ lụ ọgụn ahụn rị mma,

Timoti Ibuzọ 1:2

M rị e dejẹnni Timoti wụ ezigbo nwa m imẹ okukwe. Ẹfọma lẹ omikẹn lẹ udọn Chuku-Nẹdi lẹ Kraịstị wụ Jizọsị Di-nwọnni-ẹnyi ya rịnị ị.

Timoti Nke Ẹbụọ 1:2

M rị e dejẹnni ezi nwa m wụ Timoti: ẹfọma, omikẹn lẹ udọn hụn gha ẹka Chuku Nẹdi lẹ Kraịstị wụ Jizọsị Di-nwọnni-ẹnyi bịa ya rịnị ị.

Timoti Nke Ẹbụọ 1:5

M hụ a nyanhan okukwe i hụn gha akpakalị obi i pụha; okukwe ohu hụ bu ụzọ rị imẹ nnẹ i kanị wụ Lọịsị lẹ nnẹ i wụ Yunisi, hụn m marịn n'ọ rịzịkwọ nwan imẹ i.

Timoti Nke Ẹbụọ 3:11

ukpokpo ile wẹ kpokpo m lẹ afụnfụn ile m rị a ta. Y'a marịnghọ ihiẹn ile m hụn imẹ Antịọkụ, imẹ Ikoniọm lẹ imẹ Listra. Y'a marịnghọ okẹn ukpokpo m din, kanị Di-nwọnni-ẹnyi nọ gbapụhachanrịn m imẹ wẹ ile.

Filemọnụ 1:1

Mmẹ wụ Pọlụ de ẹkụkwọ-ozini. M rị ngan makẹ ufiri Jizọs Kraịstị. Mmẹ lẹ Timoti nwẹnẹ ẹnyi gba de ẹkụkwọ-ozini. Ịyụ wụ Filemọnụ ezigbo onyẹ-ọrụn ibe ẹnyi kẹ ẹnyi rị e dejẹnn'ẹ, ịyụ

Hibru 13:23

M chọ nị ụnụ marịn nị a hatugụọ wẹ Timoti nwẹnẹ ẹnyi. Mmẹ lẹ ịya jẹnkọ d'a wị m lalanị d'a hụn ụnụ, omẹni ọ bịaghọ ẹgwa.