Ọrụn Ndị-ozi 15:9 - Ika

⁹ Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ọrụn Ndị-ozi 15:9 ပူးပေါင်းရင်းမြစ်များ

Ẹbụ-ọma 51:10

Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.

Izikẹlụ 47:22

Keri n'ẹ — kẹ ụnụ kẹ abịamabịa bi imẹ igunrun ụnụ hụn mụgụ mmụ imẹ igunrun ụnụ. Ụnụ k'e weri wẹ kẹ ụmụ-di-alị Izrẹlụ; wẹ k'e keri alị imẹ ebọn ichẹn-ichẹn rị Izrẹlụ.

Ọrụn Ndị-ozi 10:15

Olu hụ nọ gwazị a oku nke mgbe ẹbụọ, sị, “Akpọkwọlẹ ihiẹn Osolobuẹ mẹgụ n'ọ rị ọchan ihiẹn w'a sọ.”

Ọrụn Ndị-ozi 10:28

Ọ nọ sị wẹ, “Ụnụ lẹ enwẹn ụnụ a marịnghọ nị Iwu kwọndọn onyẹ Ju sọn onyẹ alị ọzọ mẹkọ mọbụ jẹn iwe ẹ. Kanị Osolobuẹ a ghọsịgụọ m m'a kpọlẹ onyẹ ọwụlẹ ‘onyẹ w'a sọ’ mọbụ ‘onyẹ wẹ ghalẹni a nọkunmẹ’.

Ọrụn Ndị-ozi 10:34

Ya kẹ Pita nọ gwama wẹ oku, sị, “A hụngụọ m'a nwan nị Osolobuẹ ara tu onyẹ ịhịan wụ.

Ọrụn Ndị-ozi 11:12

Ya Mmọn-nsọ nọ sị m sọnmẹ wẹ, m'e tulẹ. Mmẹ lẹ ikẹnnyẹ isinni wụ umunẹ ẹnyi imẹ Kraịstị wị jẹn, ẹnyi nọ banye iwe okẹnnyẹ hụ.

Ọrụn Ndị-ozi 14:1

Ihiẹn mẹ imẹ Antịọkụ rị Pisidia mẹzikwọ imẹ Ikoniọm. Pọlụ lẹ Banabasị banye imẹ ụlọ-ofufe ndị Ju rị ebẹhụ, ku oku-Chuku, nke wụ nị ndị bu ọda nọ kwerini Jesu, kẹ ndị Ju kẹ ndị wụlẹni ndị Ju.

Ọrụn Ndị-ozi 14:27

Ogẹn wẹ gi ru Antịọkụ rị Siria, wẹ nọ kpọgbama ndị ụka, gwa wẹ ihiẹn ile Osolobuẹ gi wẹ rụn lẹ k'o dọn kpọpụnị ndị alị ọzọ ụzọ okukwe.

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Rom 3:9

Kị mẹzi? Ẹnyi ndị Ju kadẹ nwan ndị ọzọ mma ra? Kaka akpohu! Ẹnyi e kugụọl'a nị njọ rị a kị ịhịan ile, kẹ ndị Ju kẹ ndị wụlẹni ndị Ju.

Ndị Rom 9:24

ya wụ ẹnyi ndị hụn ọ kpọ — kẹ ndị rị imẹ ẹnyi wụ ndị Ju ndị wụlẹni ndị Ju.

Ndị Kọrẹntị Ibuzọ 1:2

Ẹnyi rị e dejẹnni ndị ụka Osolobuẹ rị obodo Kọrẹntị, ndị ahụn Osolobuẹ dọn nsọ imẹ Kraịstị wụ Jizọsị, ndị ahụn wẹ kpọ d'a wụrụ ndị-nsọ. Ẹnyi rị e dejẹnni uwẹ lẹ ndị ile rị ebe ọwụlẹ hụn a kpọku ẹfan Di-nwọnni-ẹnyi wụ Jesu Kristi hụn Nwọn ẹnyi lẹ wẹ.

Ndị Kọrẹntị Ibuzọ 7:18

Omẹni ịhịan a kwagụọ ugun nị Osolobuẹ d'a kpọbanhan a imẹ Kraịstị, y'a chọlẹ n'o wepụ apa ugun ọ kwa; omẹni ịhịan akwanị ugun nị Osolobuẹ d'a kpọbanhan a imẹ Kraịstị, y'a kwalẹ ugun.

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Ẹfẹsọsụ 3:6

Ihiẹn nzuzueni wụ nị, ndị alị ndị ọzọ a bangụọzịnị ndị ihiẹn Osolobuẹ e ru ẹka makẹni wẹ gi oziọma dọn, wụrụ mkpamkpa imẹ ẹhụ ohu ahụn, wụrụzịkwọ ndị wẹ ile gba nwọn ihiẹn Osolobuẹ kwe nkwa n'o k'e mẹni ndị rị imẹ Kraịstị wụ Jizọsị.

Ndị Kolosị 3:11

Imẹ ndụn ọhụnnị, onwọnzini ihiẹn nọ kẹ ndị Ju lẹ ndị wụlẹni ndị Ju mọbụ ndị kwa ugun lẹ ndị kwalẹni mọbụ ndị rị imẹ ọfịa lẹ ndị walẹni ẹnya mọbụ igbọn lẹ onyẹ nwọn enwẹn ẹ. Kraịstị sụọ wụ ihiẹn ile; Kraịstị rị imẹ wẹ ile.

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —