“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.
“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.
Kanị, Osolobuẹ ihiẹn ile rị okpuru ẹ, ịyụ hụn a han ezigbo eṅẹn, e lelezikwọ obi ịhịan lẹ iroro ẹ, nị m nwan gi ẹnya m hụn ebe ị nọ mẹgwarị wẹ, makẹni e bugụọ m oku m che i ẹka.
Euu, Osolobuẹ ihiẹn ile rị okpuru ẹ, hụn e lele ndị ezi-omumẹ, e nyọnchan obi lẹ iroro ịhịan! Nị m hụn kẹ ị rị e mẹgwarị wẹ — makẹni e bugụọ m oku m che i ẹka.
Jesu nọ jụzị a ya hụn mẹ ẹ mgbe ẹtọ, “Saịmọnụ nwa Jọnụ, ihiẹn m a sụọghọ ị?” Ọ nọ fụ Pita nị Jesu jụ a mgbe ẹtọ, “Ihiẹn m a sụọghọ ị?” Pita nọ sị a, “Di-nwọnni-ẹnyi, y'a marịnghọ ihiẹn ile; y'a marịnghọ nị ihiẹn i a sụọghọ m.” Jesu nọ sị a, “Lepụ atụnrụn m ẹnya.
Wẹ nọbie ebẹhụ, e zini Di-nwọnni-ẹnyi ozi e zishi ẹ ikẹn. Di-nwọnni-ẹnyi hụ e gi wẹ a rụn ihiẹn-nghọsị lẹ ọrụn-atụmẹnya bu ọda o gi kwadọn ozi ẹfọma a.