Ọrụn Ndị-ozi 15:5 - Ika

⁵ Kanị ụfọdụ ndị kwerini rị itu Farisi nọ lihi ọtọ, sị, “Wẹ k'a gwarịrị ndị alị ọzọ wụlẹni ndị Ju nị wẹ k'a kwarịrị ugun, dọnmẹrịrị Iwu Mozizi.”

Ọrụn Ndị-ozi 15:5 ပူးပေါင်းရင်းမြစ်များ

Matiu 3:7

Kanị, ogẹn o gi hụn kẹ ndị bu ọda imẹ ndị itu-Farisi lẹ ndị itu-Sadusi rị a bịa n'o mẹ wẹ mirin-Chuku, ọ nọ sị wẹ, “Igunrun agwọ! Onyẹ sị ụnụ gba nị iwe lẹ ọnụma Osolobuẹ lalanị ọsọ?!

Ọrụn Ndị-ozi 15:1

Ogẹn ahụn, o nwọn ndị gha Judia bịa Antịọkụ, a kuzi ndị ụka, a sị, “Mmanị ụnụ kwa ugun iwu Mozizi chọ, ụnụ as'ẹka nwọn nzụọpụha.”

Ọrụn Ndị-ozi 15:24

“Ẹnyi a nụgụọ n'o nwọn ndị gha imẹ ẹnyi bịa d'e kunrun ụnụ, e gi ihiẹn wẹ rị e ku e sọngbu ụnụ, e mẹ obi e kọnrin ụnụ elu, bụ ẹnyi ezini wẹ.

Ọrụn Ndị-ozi 21:20

A nụgụ w'a, wẹ nọ ja Osolobuẹ mma. Ya wẹ nọ sị a, “Pọlụ nwẹnẹ ẹnyi, y'a hụnọlẹ nwan ndị Ju madụ nnụ ole-lẹ-ole kwerini Jesu. Wẹ ile rị e mẹ oku Iwu Mozizi.

Ọrụn Ndị-ozi 24:14

Kanị m k'a saẹka gwa ị nị Ụzọ hụ wẹ rị e ye eje-ẹfan kẹ m gha e fe Osolobuẹ ndị nẹdi ẹnyi kanị; m kweri ihiẹn ile Iwu Mozizi ku lẹ ihiẹn ile wẹ de imẹ ẹkụkwọ ndị-amụma.

Ọrụn Ndị-ozi 24:5

“Ẹnyi a hụngụọ a nị okẹnnyẹni e ye nsọngbu ọda-ọda. Isusu-isusu k'o seni ndị Ju rị elu ụwa ile. Ọ rị ndị-ndu itu Onyẹ Nazarẹtị ahụn.

Ọrụn Ndị-ozi 28:22

Kanị, ẹnyi chọ nị ẹnyi nụ ọnụ ị, makẹni, o mẹ nke itu Jizọsị onyẹ Nazarẹtịnị, ihiẹn ẹnyi marịn wụ nị wẹ rị e kuja oku ẹ ụzọ ile.”

Ọrụn Ndị-ozi 5:17

Ya kẹ onyẹ-isi nchụn-ẹjan nọ sị ọ gbakọ nkịtịn, ya lẹ ndị ile rị e sọnn'ẹ, ndị itu Sadusi ibe ẹ; wẹ nọ gi ẹnya-ụfụ sọn wẹ:

Ndị Kọrẹntị Ibuzọ 7:18

Omẹni ịhịan a kwagụọ ugun nị Osolobuẹ d'a kpọbanhan a imẹ Kraịstị, y'a chọlẹ n'o wepụ apa ugun ọ kwa; omẹni ịhịan akwanị ugun nị Osolobuẹ d'a kpọbanhan a imẹ Kraịstị, y'a kwalẹ ugun.

Ndị Galeshịa 2:11

Ogẹn Kẹfasị wụ Pita gi bịa Antịọkụ, m jụgbọ a elee-m, elee-i, makẹni o mẹfie hụn wẹ hụn ẹnya ogẹn ahụn.

Ndị Galeshịa 2:14

Ogẹn m gi hụn a nị ihiẹn wẹ rị e mẹ lẹ ezioku rị oziọma a dangbamanị, m nọ nọ idẹnya wẹ ile sị Pita, “Onyẹ Ju k'ị wụ, kanị ị rị e bi kẹ ndị wụlẹni ndị Ju, y'a rị e bi kẹ ndị Ju. Kị ị rị nwan a gwanị ndị wụlẹni ndị Ju nị wẹ k'e birịrị kẹ ndị Ju?”