Ọrụn Ndị-ozi 15:10 - Ika

¹⁰ Kị ụnụ rị nwan e buni okẹn ibu e che ndị kwerini olu a chọ ihiẹn rị Osolobuẹ ọnụ, ibu hụn o mẹni kẹ ẹnyi kẹ ndị nẹdi ẹnyi kanị asanị ẹka bu?”

Ọrụn Ndị-ozi 15:10 ပူးပေါင်းရင်းမြစ်များ

Ndị Galeshịa 5:1

Kraịstị gbapụha ẹnyi kẹni ẹnyi wụrụ ndị nwọn enwẹn wẹ. Wuzokẹnmẹ ni nwan kẹ ndị werigụ enwẹn wẹ! Anịkwọlẹ ni wẹ kpọmazị ụnụ ẹgan igbọn!

Matiu 23:4

“W'e kẹnmẹ ibu nyịnnị hụn a fụ ọrụn obubu e che ịhịan isi-uvun, kanị w'a ra kweri tịnpụdẹ mkpịnsịn-ẹka ohu bu wẹ.

Ndị Galeshịa 4:9

Kanị hụnnị ụnụ marịngụ Osolobuẹ, mba, hụnnị Osolobuẹ marịngụ ụnụ, kị ụnụ burukọzịnị mmọn lẹ iwu lẹ ihiẹn ndị ahụn nwọnlẹni isi ndụn rịlẹni hụn ịhịan mmaka gi e dọn ẹnya nị ụnụ d'e họnrinzi igbọn wẹ?

Hibru 9:9

Wẹ gi ihiẹnni a kọwa ogẹnni ẹnyi rị imẹ ẹ. Ọnwan rị a ghọsị nị oyiye w'e yesọnmẹ lẹ ẹjan ile w'a chụnyeni Osolobuẹ imẹ ofufe mbụ ahụn asanị ẹka mẹ obi ndị rị e fe ofufe ahụn rị ọchan.

Azaya 7:12

Kanị, Ahazị nọ sị, “Egun anịkọkwọ m jụ a; anwankọkwọ m Osolobuẹ.”

Hibru 3:9

Ndị nẹdi ụnụ nọ nọ ebẹhụ nwan m, chọ ihiẹn rị m ọnụ, m nọ ghọsị wẹ ikẹn m ọrọgbọ ahụa ọgụnnaị.

Matiu 4:7

Jizọsị nọ sị a, “E degụọzị w'a imẹ Ẹkụkwọ-nsọ, sị, ‘Elelekwọlẹ Di-nwọnni-ẹnyi wụ Chuku i ọnụ.’ ”

Ọpụpụ 17:2

Wẹ nọ sọn Mozizi kpemẹ, sị, “Yekwọ ẹnyi mirin ra!” Mozizi nọ za wẹ, sị, “Kị ụnụ rị e duni m e kpe? Kị ụnụ rị a chọnị ihiẹn rị Osolobuẹ ọnụ?”

Ọrụn Ndị-ozi 5:9

Ya Pita nọ sị a, “Kị haịn ụnụ gi kweri nị ụnụ d'a chọ ihiẹn rị Mmọn-nsọ Di-nwọnni-ẹnyi ọnụ? Lee ẹ, ikorọbịa li di i lala: ụkụ wẹ e rugụọdẹ ọnụmụzọ; wẹ jẹnkọ d'e bupụzị yụ nwẹn!”