Ọrụn Ndị-ozi 14:4 - Ika

⁴ Kanị ndị obodo hụ kebe ekebe: ndịnị a nọyeni ndị Ju, ndịnị a nọyeni ndị-ozi hụ pụ-ichẹn wụ Banabasị lẹ Pọlụ.

Ọrụn Ndị-ozi 14:4 ပူးပေါင်းရင်းမြစ်များ

Maịka 7:6

Makẹni, okẹnnyẹ rị nwan e legberi nẹdi ẹ; okpoho rị e bu a nụmanị nnẹ mụn'a; nwunyẹ-nwa rị e bu a nụmanị nnẹ-di ẹ; ndị rị ikpụlọ ịhịan wụ nwan ndị iṅẹnrẹn ẹ.

Luku 2:34

Simiọnụ nọ gọzi wẹ; ya k'ọ nọ sị nnẹ ẹ wụ Meri, “Gọn ntịn, wẹ tumẹ nwatanị n'ọ wụrụ onyẹ wẹ sikọ d'e gi budan ndị bu ọda imẹ Izrẹlụ, bushi ndị bu ọda elu, lẹzi n'ọ wụrụ ahịma wẹ k'a jụ;

Jọnụ 7:43

Oku onyẹ Jizọsị wụ nọ kebe igunrun ahụn.

Ọrụn Ndị-ozi 13:2

Ebe wẹ zu e fe Di-nwọnni-ẹnyi, e bu ọnụ, Mmọn-nsọ nọ sị, “Wepụha nị nị m Banabasị lẹ Sọlụ, nị wẹ hụn ụzọ d'a rụn ọrụn m kpọ wẹ d'a rụn.”

Ọrụn Ndị-ozi 13:45

Kanị ndị Ju a hụn igunrun hụ, ẹnya nọ fụma wẹ; Pọlụ ku, a kagbu wẹ; a kparimẹ wẹ Pọlụ.

Ọrụn Ndị-ozi 13:50

Ya ndị Ju nọ kpasu ikpoho wẹ marịn amarịn wụlẹni ndị Ju, hụn e sọn ndị Ju e fe Osolobuẹ, uwẹ lẹ ikẹnnyẹ wẹ marịn amarịn obodo hụ, wẹ ile nọ kpokpomẹ Pọlụ lẹ Banabasị, chụpụ wẹ ẹgbẹrẹ wẹ.

Ọrụn Ndị-ozi 14:14

Kanị ogẹn ndị-ozi hụ pụ-ichẹn wụ Banabasị lẹ Pọlụ gi nụ ihiẹnni, wẹ nọ dọka ẹwuru ye enwẹn wẹ olu, gbaban imẹ igunrun hụ, e yi,

Ọrụn Ndị-ozi 14:19

Kanị o nwọn ndị Ju gha Antịọkụ lẹ Ikoniọm bịa Listra. A dọrịgụ wẹ igunrun hụ ye azụụn nke wẹ, ya wẹ nọ weri Pọlụ mama ọmụma, dọkpụnpụ a imẹ obodo hụ, e ro n'ọ nwụnhụngụọ.

Ọrụn Ndị-ozi 14:2

Kanị ndị Ju kwerilẹni nọ kpasu ndị wụlẹni ndị Ju, wiwi obi wẹ, wẹ nọ bunụmanị ndị kwerini.

Ọrụn Ndị-ozi 14:5

Ogẹn ndị Ju lẹ ndị wụlẹni ndị Ju lẹ ndị-isi alị gi chọ nị wẹ mẹshi ndị-ozi hụ pụ-ichẹn ikẹn, gi ọmụma magbu wẹ,

Ọrụn Ndị-ozi 19:9

Kanị ogẹn ụfọdụ rị ebẹhụ gi gbama isi-akwanran, jụ n'e kwerikọ wẹ, kujama oku Ụzọ-Jesu idẹnya ịhịan ile imẹ ụlọ-ofufe hụ, Pọlụ nọ la wẹ tọ. O weri ndị kwerini pụ d'a kuzimẹ wẹ ụhụọhịn ile imẹ ụlọ-ẹkụkwọ onyẹ w'a kpọ Taịranọsụ.

Ọrụn Ndị-ozi 28:24

Ụfọdụ nọ kweri ihiẹn o ku, kanị ụfọdụ ekwerini.

Ndị Kọrẹntị Ibuzọ 9:5

Ẹnyi eruni ndị wẹ lẹ inyẹnmẹ wẹ kwerini Jesu a wịhunmẹ nọkẹ ndị-ozi pụ-ichẹn ibe ẹnyi lẹ umunẹ Onyẹ-nwọnni-ẹnyi lẹ Kẹfasị wụ Pita?

Ndị Tẹsalonika Ibuzọ 2:14

Umunẹ, ihiẹn kunrunni ụnụ nọ kẹ hụn kunrun ụka Osolobuẹ imẹ Kraịstị Jizọsị ndị rịsọnmẹ Ẹgbẹrẹ Judia, makẹni, afụnfụn ohu hụ ụnụ ta ẹka ndị alị ụnụ kẹ wẹ nwẹn tazị ẹka umunẹ wẹ wụ ndị Ju.