Ọrụn Ndị-ozi 13:52 - Ika

⁵² Ịghọghọ lẹ Mmọn-nsọ e jun imẹ ndị hụn e sọn Jesu hụn rị Antịọkụ Pisidia.

Ọrụn Ndị-ozi 13:52 ပူးပေါင်းရင်းမြစ်များ

Matiu 5:12

Ghọghọ nị; ẹfọ ya sụọ ụnụ ụsụọ — makẹni ụgwọ-ọrụn ụnụ hi-ogbe imẹ elu-igwee! Ẹrịra kẹ wẹ kpokpozi ndị-amụma buni ụnụ ụzọ.

Ọrụn Ndị-ozi 11:29

Ndị e sọn ụzọ Jesu nọ kwerigbama nị onyẹ-onyẹ jẹnkọ d'e wẹhẹ kẹ ẹka a han, nị wẹ zijẹnni ndị Ju kwerini Jesu hụn bi imẹ Judia.

Ọrụn Ndị-ozi 2:4

Mmọn-nsọ nọ jun imẹ wẹ ile, wẹ nọ gi asụsụ alị ndị ọzọ kumẹ, e kushi ikẹn kẹ Mmọn-nsọ dọn ye onyẹ onyẹ.

Ọrụn Ndị-ozi 2:46

Wẹ hụ e gi obi ohu e zu imẹ Ụlọ-nsọ ụhụọhịn-ụhụọhịn; e ri Oriri-nsọ ụlọ-ụlọ; e gi ịghọghọ lẹ ịshịapụ-ẹfọ e rigbama ihiẹn-oriri iwe wẹ,

Ọrụn Ndị-ozi 4:31

E mẹgụ wẹ ekpereni, ebẹhụ wẹ nọ zu nọ mẹhunmẹ, Mmọn-nsọ nọ jun wẹ ile, wẹ hụ e kushi oku Osolobuẹ ikẹn.

Ọrụn Ndị-ozi 5:41

Ya kẹ ndị-ozi ahụn pụ-ichẹn nọ gha Ọgwa Ndị-isi Nkịkwama hụ pụha, a ghọghọ nị Osolobuẹ weri wẹ kẹ ndị furuni ebe ọ nọ nị wẹ narịn ifẹnrẹn makẹ Ẹfan Jesu.

Ndị Rom 14:17

makẹni Alị-eze Osolobuẹ ẹlẹ oku ihiẹn-oriri lẹ ihiẹn-ọrịra kanị ezi-omumẹ, udọn lẹ ịghọghọ Mmọn-nsọ.

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Rom 5:3

Ẹlẹdẹ ọhụn sụọ, ẹnyi a ṅanzị nị ẹnyi rị a hụn nsọngbu ẹnyi rị a hụn, makẹni ẹnyi a marịnghọ nị nsọngbu e wẹhẹ ndidin;

Ndị Kọrẹntị Nke Ẹbụọ 8:2

ọsụọn'a nị wẹ rị imẹ okẹn nsọngbu cheni ogbẹnnyẹ mgbeleke wẹ wụ, okẹn ịghọghọ wẹ nwọn imẹ Di-nwọnni-ẹnyi anịnị ụya wẹ rị imẹ ẹ gbọndọn wẹ, wẹ nọ ye, ye ọda-ọda!

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Tẹsalonika Ibuzọ 1:6

Ya kẹ ụnụ ile nọ leri ẹnyi lẹ Onyẹ-nwọnni-ẹnyi, gi ịghọghọ Mmọn-nsọ nabanhan oku-Chuku, ọ sụọn'a n'o wẹhẹni ụnụ afụnfụn ọda-ọda,

Jemisi 1:2

Umunẹ m, e nwọnni ezigbo ịghọghọ ogẹn ọwụlẹ ọnwụnwan ichẹn-ichẹn gi bịanị ụnụ —

Pita Ibuzọ 4:13

Ka ghọghọma nị, makẹni ụnụ rị e sọn Kraịstị a ta afụnfụn a; kẹni ụnụ hụn ụzọ ghọghọ, ghọghọ ọhụnma-ọhụnma, mgbe ọghọ a k'a pụhachanrịn ifọn.