Ọrụn Ndị-ozi 13:26 - Ika

²⁶ “Umunẹ m ndị ebọn Ebraham lẹ ndị a tụ egun Osolobuẹ imẹ ụnụ, e zihẹgụọnị wẹ ẹnyi oziọma nzụọpụhanị.

Ọrụn Ndị-ozi 13:26 ပူးပေါင်းရင်းမြစ်များ

Ihiẹn Mẹni Nke Ẹbụọ 20:7

“Euu, Chuku ẹnyi, ẹlẹ ịyụ chụpụ ndịnị te bi alịnị makẹ ndị nke i wụ Izrẹlụ, ị nọ we alịnị ye Izrẹlụ, ụmụ ọwụ ị wụ Ebraham, nị wẹ weri jẹnrin ejẹn?

Ẹbụ-ọma 105:6

ụnụ ụmụ Ebraham odibo ẹ, ụmụ Jekọpụ, onyẹ ahụn ọ họrị.

Azaya 41:8

“Kanị, Izrẹlụ hụn wụ odibo m, ebọn Jekọpụ hụn m họrị, ẹbozo Ebraham ọwụ m,

Azaya 46:13

M wela nwan ihiẹn ahụn rị mma; ọ rịgụọ nsue; nzụọpụha m rọ, o biekọ d'a bịa. M k'e ye Zayọnụ nzụọpụha; bu ọghọ m che Izrẹlụ ẹhụ.

Azaya 48:1

Ebọn Jekọpụ, gọn ni ntịn, ụnụ ndị w'a kpọ Izrẹlụ, ụnụ ndị ẹbozo Juda; ụnụ ndị e kun ẹfan Osolobuẹ, a kpọku Chuku Izrẹlụ — kanị ụnụ ara gi ezioku lẹ ezi-omumẹ mẹ ẹ;

Matiu 10:6

Ka jẹnmẹ ni d'e kunrun atụnrụn Izrẹlụ huni.

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Luku 1:69

O wepụhagụọnị ẹnyi Mpịn k'a zụọpụha ẹnyi, onyẹ ikpụlọ odibo ẹ wụ Defidi.

Luku 1:77

i jẹnkọ d'e mẹ ndị nke ẹ marịn kẹ w'e dọn nwọnhẹn nzụọpụha ghahanị inwọnhẹn mgbagharị njọ.

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Jọnụ 6:68

Saịmọnụ wụ Pita nọ za a, sị, “Di-nwọnni-ẹnyi, onyẹ kẹ ẹnyi burukọ? Ịyụ e ku oku ndị e ye ndụn itẹbitẹ.

Ọrụn Ndị-ozi 10:2

Okẹnnyẹni e feshi Osolobuẹ ikẹn, a tụ egun Osolobuẹ, ya lẹ ezi-lẹ-ụlọ a ile. O yesọnmẹ ndị igbẹnnyẹ rị alị hụ ihiẹn. Ọ kpọku Osolobuẹ ogẹn ile.

Ọrụn Ndị-ozi 10:35

Kama, ọ nabanhan onyẹ ọwụlẹ a tụ egun ẹ, e mẹ ihiẹn rị mma; ara tu alị onyẹ gha bịa.

Ọrụn Ndị-ozi 13:43

Ogẹn wẹ gi gbashịagụ, ndị Ju bu ọda lẹ ndị ọzọ e fe ofufe ndị Ju nọ sọnmẹ Pọlụ lẹ Banabasị. Pọlụ lẹ Banabasị nọ gba wẹ umẹ, sị wẹ turusọnmẹ imẹ ẹfọma Osolobuẹ mẹni ẹnyi.

Ọrụn Ndị-ozi 13:46

Kanị Pọlụ lẹ Banabasị hụ e ku e kushi ẹ ikẹn, a sị, “O te rị mkpa nị wẹ gwagụ ụnụ ndị Ju oku Osolobuẹ. Kanị, ebe o mẹ ni ụnụ a jụgụọ a, gi ẹ sị ụnụ efuruni ndị e nwọn ndụn itẹbitẹ, lee n'ẹ, ẹnyi wejẹnkọnị nwan ndị wụlẹni ndị Ju ya.

Ọrụn Ndị-ozi 16:17

Nwa-agbọnị hụ e sọnhunmẹ ẹnyi lẹ Pọlụ. Ọ nọbe, ọ dọbepụ oro, sị, “Ndịnị wụ idibo Chuku Kachanrịnnị! Wẹ rị a gwa ụnụ kẹ ụnụ a dọn nwọn nzụọpụha.”

Ọrụn Ndị-ozi 22:5

Onyẹ-isi nchụn-ẹjan lẹ ndị-isi k'a saẹka shịanị m ẹri. A narịnghọdẹ m wẹ ẹkụkwọ m wekọnị ndị Ju rị Damaskọsụ kẹni m d'a kpọma ndị rị ebẹhụ rị e sọn Ụzọnị ẹgan, wẹhẹ wẹ Jerusalẹm d'e ye afụnfụn.

Ọrụn Ndị-ozi 28:28

Marịn nị nwan n'e zigụọ wẹ ndị alị ọzọ ozi nzụọpụhanị gha ẹka Osolobuẹ bịa: nị wẹ gọnghọ ntịn!”

Ọrụn Ndị-ozi 3:26

Ogẹn Osolobuẹ gi wepụha odibo ẹ, ọ nọ bu ụzọ zihẹni ụnụ ya, n'ọ gọzi ụnụ, ghahanị imẹ onyẹ-onyẹ imẹ ụnụ pụha imẹ njọ a.”

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Ọrụn Ndị-ozi 5:20

“Jẹn ni Ụlọ-nsọ, ụnụ e wuzo ebẹhụ gwachanrịn ịhịan ile oku ndụn ọhụnnị.”

Ndị Rom 1:16

Ifẹnrẹn oziọma arị e mẹ m, makẹni ya wụ ikẹn Osolobuẹ gi a zụọpụha onyẹ ọwụlẹ kwerini, ndị Ju wụ ibuzọ, o sọn ndị wụlẹni ndị Ju.

Ndị Ẹfẹsọsụ 1:13

Ụnụ nwẹn e họnrinzighọ ndị nke Kraịstị kẹ ụnụ nụ oku hụ wụ ezioku, kweri — oziọma ahụn ụnụ gi nwọnrin nzụọpụha. Ụnụ e kwerigụnị Jesu, Osolobuẹ nọ bu Mmọn-nsọ o kwe nkwa a che imẹ ndụn ụnụ, gi ẹ yi ụnụ ahịma a,

Ndị Kolosị 1:5

ufiri nị ụnụ rị e lee ẹnya ihiẹn hụ Osolobuẹ dọnmẹni ụnụ elu-igwee, hụn ụnụ nụ ogẹn wẹ gi zi ụnụ ozi hụ wụ ezioku, hụn wụ oziọma.