Ọrụn Ndị-ozi 13:23 - Ika

²³ Chuku e mẹgụọ ihiẹn o kwe nkwa a: ọ ghagụọ ebọn okẹnnyẹni wụ Defidi wepụhanị ndị Izrẹlụ Onyẹ-nzụọpụha wụ Jizọsị.

Ọrụn Ndị-ozi 13:23 ပူးပေါင်းရင်းမြစ်များ

Samuẹlụ Nke Ẹbụọ 7:12

Ogẹn i zugụ, ị nwụnhụngụ, laburu ndị nẹdi i wẹ d'e zu ikẹn, m k'e wepụha nwa ị n'o rikin i eze, nwa ị hụn k'a gha ẹhụ ị pụha; m k'e mẹ alị-eze ẹ kẹnrẹn.

Ẹbụ-ọma 132:11

Osolobuẹ kunni Defidi enwẹn ẹ, kwe ẹ nkwa wụ ezioku; o kuhutọkọ ọnụ; ọ sị: “Nwa ẹfọ ị kẹ m jẹnkọ d'e ye ukpo-eze i.

Azaya 11:1

Mkpọgụn Jese họdụ alị k'a gbọrị, mkpọgụn a họdụ alị k'a gbọrị, wapụha agalaba; agalaba hụ k'a mị mkpụrụ.

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 43:11

Mmẹ wụ Osolobuẹ, mmẹ lẹ enwẹn m, wezụka m, onyẹ-nzụọpụha ọzọ arịa.

Azaya 45:21

Gwalele ni m nwan ihiẹn k'e mẹ ihun, ku n'ẹ nwan! Wẹ tụgbama iroro kin ihiẹn wẹ k'e kin! Onyẹ kutọ oku ihiẹn ndịnị rị e mẹ kikẹnni? Onyẹ ku oku wẹ mbụ-mbụ — karị mmẹ wụ Osolobuẹ? Onwọnzikwọnị Chuku ọzọ rịnị wezụka m — Chuku hụn rị ọchan, hụn a zụọpụhanị; ọzọ arịa wezụka mmẹ.

Azaya 7:13

Ya Azaya nọ sị, “Gọn ni ntịn, ụnụ ndị ikpụlọ Defidi! Ebe ụnụ chọru ihiẹn rị ịhịan ọnụ eke hi? Ụnụ k'a chọmazị ihiẹn rị Chuku m ọnụ?

Jerimaya 30:9

“Osolobuẹ wụ Chuku wẹ kẹ wẹ k'e femẹ, ya lẹ eze wẹ onyẹ ẹbozo Defidi hụn m k'e wepụhanị wẹ.

Emọsụ 9:11

“O ru ogẹn hụ, m jẹnkọ d'e weli ụlọ Defidi dannị, tụnkinchanrịn ebe ile oghe rị; a rụndọnzi m ebe ile tikpọnị, a tụn m'a, ọ rịzị k'ọ rị mbụ,

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Matiu 1:1

Ọnwan wụ ẹkụkwọ banyeni Jizọsị wụ Kraịstị hụn wụ nwa Defidi, nwa Ebraham.

Matiu 1:21

O k'a mụ okẹnnyẹ. I jẹnkọ d'a gụn nwa hụ Jesu (Jizọsị) makẹni ịya jẹnkọ d'a zụọpụha ndị nke ẹ imẹ njọ wẹ.”

Matiu 21:9

Igunrun hụ rị a ihun lẹ ndị sọnkọn'a hụ e yi oro, a sị, “Ọjịja-mma ya rịnị Nwa Defidi! Ngọzi ya rịnị Onyẹ hụ gi ẹfan Di-nwọnni-ẹnyi lala! Ọjịja-mma ya rị nị Osolobuẹ imẹ ebẹhụ kachanrịn elu-igwee.”

Matiu 22:42

sị, “Ẹlẹ ẹnya kẹ ụnụ gi e lee Onyẹ nzụọpụha ahụn Osolobuẹ tumẹ? Nwa onyẹ k'ọ wụ?” Wẹ nọ sị a, “Nwa Defidi.”

Luku 1:69

O wepụhagụọnị ẹnyi Mpịn k'a zụọpụha ẹnyi, onyẹ ikpụlọ odibo ẹ wụ Defidi.

Jọnụ 4:42

Wẹ nọ sị okpoho hụ, “Ẹlẹzi ihiẹn i ku sụọ kẹ ẹnyi gi kweri, makẹlẹ ẹnyi lẹ enwẹn ẹnyi a nụọlẹ ọnụ a, marịn nị ọnwan wụ Onyẹ-nzụọpụha ụwa nke-esi.”

Jọnụ 7:42

Ẹkụkwọ-nsọ e kugụọn'a nị Kraịstị k'a wụ onyẹ ebọn Defidi, n'o sikọ d'a wụ onyẹ Bẹtilẹhẹm, obodo Defidi?”

Ọrụn Ndị-ozi 13:32

“Ẹnyi wẹhẹni nwan ụnụ oziọma, hụn wụ nị: nkwa hụ Osolobuẹ kwe ndị nẹdi ẹnyi kanị,

Ọrụn Ndị-ozi 2:30

Kanị makẹni Defidi wụ onyẹ-amụma lẹni Defidi a marịngụọ nị Osolobuẹ kwe ẹ nkwa, kun enwẹn ẹ, n'o jẹnkọ d'e tumẹ nwa Defidi eze elu ukpo ẹ,

Ọrụn Ndị-ozi 3:26

Ogẹn Osolobuẹ gi wepụha odibo ẹ, ọ nọ bu ụzọ zihẹni ụnụ ya, n'ọ gọzi ụnụ, ghahanị imẹ onyẹ-onyẹ imẹ ụnụ pụha imẹ njọ a.”

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Ndị Rom 1:3

Oziọmanị rị e ku oku Nwa Osolobuẹ hụn gha ebọn Defidi bịa kẹ ịhịan.

Ndị Rom 11:26

Ya wụ, ndị Izrẹlụ ile jẹnkọ d'e nwọn nzụọpụha, nọkẹ kẹ Ẹkụkwọ-nsọ dọn ku, sị, “Onyẹ-nzụọpụha k'a gha obodo Zayọnụ bịa; o k'e wepụ eje-obibi imẹ igunrun ụmụ Jekọpụ.”

Taịtọsụ 1:4

M rị e dejẹnni Taịtọsụ, hụn wụ ezigbo nwa m imẹ okukwe ẹnyi. Ẹfọma lẹ udọn, hụn gha ẹka Osolobuẹ Nẹdi ẹnyi lẹ Kraịstị wụ Jizọsị Onyẹ-nzụọpụha ẹnyi a bịa, ya rịn'ị.

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Pita Nke Ẹbụọ 1:11

Ụnụ jẹnkọ d'e gi ẹ ru ogo ndị wẹ k'a nabanhan ọhụnma-ọhụnma imẹ Alị-eze itẹbitẹ Jesu Kristi, Di-nwọnni-ẹnyi lẹ Onyẹ-nzụọpụha ẹnyi.

Pita Nke Ẹbụọ 2:20

Ẹghẹẹ, makẹni, wẹ gigụ ịmarịn Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi wanahịngụ ihiẹn ndị e mẹrụ ịhịan ụwanị, nị a nịzị wẹ ihiẹn ndị hụ kịma wẹ, ọnọdị ikpanzụụn wẹ a kagụọ njọ karị nke ibuzọ.

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Pita Nke Ẹbụọ 3:2

sị ụnụ nyanhankwọ oku ndị-amụma nsọ Osolobuẹ ku ogẹn mbụ lẹ iwu Di-nwọnni-ẹnyi wụ Onyẹ-nzụọpụha ẹnyi ye ghahanị ndị-ozi pụ-ichẹn o zihẹni ụnụ.

Jọnụ Ibuzọ 4:14

Ẹnyi a hụngụọ a, ku ẹ, nị Chuku-Nẹdi e zihẹgụọ Nwa a d'a wụ Onyẹ-nzụọpụha ụwa.

Judu 1:25

Onyẹ ahụn ịya sụọ wụ Chuku, Onyẹ nzụọpụha ẹnyi, ọjịja-mma ya rịn'a ghahanị Jizọs Kraịstị Di-nwọnni-ẹnyi — ọjịja-mma lẹ ikpẹn lẹ ikẹn lẹ ọkịkị ya rịn'a: k'ọ rịn'a nị ogẹn d'e bidọn, ya rịn'a kikẹnni, rịn'a jẹnrin ejẹn! Isẹẹ.

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”