Ọrụn Ndị-ozi 13:2 - Ika

² Ebe wẹ zu e fe Di-nwọnni-ẹnyi, e bu ọnụ, Mmọn-nsọ nọ sị, “Wepụha nị nị m Banabasị lẹ Sọlụ, nị wẹ hụn ụzọ d'a rụn ọrụn m kpọ wẹ d'a rụn.”

Ọrụn Ndị-ozi 13:2 ပူးပေါင်းရင်းမြစ်များ

Ihiẹn Mẹni Nke Ibuzọ 16:4

Ọ nọ tumẹ ndị Livaị jẹnkọ d'a gha a nọdị ihun Ẹkpẹti Osolobuẹ a rụn ọrụn, a rịọ Osolobuẹ, e ye ẹ ekele, a ja Osolobuẹ wụ Chuku Izrẹlụ mma:

Daniẹlụ 9:3

Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Matiu 17:21

Kanị ụdịnị ara pụ wezụka nị wẹ bu ọnụ, mẹ ekpere.”

Matiu 6:16

“Ụnụ gha e bu ọnụ, erọnmẹlẹ ni ihun kẹ ndị ihunnaị. W'e rọnmẹ ihun, kẹni ịhịan ile hụn nị wẹ rị e bu ọnụ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 9:38

Rịọ nị nwan Onyẹ nwọn ugbo n'o zihẹ ndị-ọrụn sikọ d'a ghọn'a ihiẹn-ugbo ẹ.”

Luku 10:1

Ọhụn e mẹgụ, Di-nwọnni-ẹnyi nọ họrị ikẹnnyẹ mmẹbụọ kwasị ọgụn-ẹtọ ndị ọzọ. Ọ nọ zipụ wẹ ẹbụọ-ẹbụọ, nị wẹ burun'ẹ ụzọ jẹn obodo ile lẹ ebe ile o sikọ d'e jẹn.

Luku 2:37

Ọnọdị ahụn k'ọ rịkwọ nwan d'e ru hụnnị ọ rị nwa ahụa ẹnọ kwasị ọgụn-ẹnọ. Ara gha Ụlọ-nsọ pụ; ọ hụ e fe Osolobuẹ ukinkin lẹ efinnaị, e bu ọnụ, e mẹ ekpere.

Ọrụn Ndị-ozi 10:19

Pita nkẹ hụkwọ e ro ihiẹn ọ hụn, Mmọn-nsọ nọ nwan sị a, “Lee ẹ, ikẹnnyẹ ẹtọ rị a chọ ị.

Ọrụn Ndị-ozi 10:30

Kọnẹlusu nọ za a, sị, “Nwẹnẹ mgbeni taịnnọ, m rị iwe m e mẹ ekpere, ihiẹn nọ kẹ ọkụrọkụ ẹtọ efinnaị. Idẹnmizi, okẹnnyẹ ohu yi ẹwuru rị e gbukeni nọ wuzo m ihun.

Ọrụn Ndị-ozi 13:3

E bugụ wẹ ọnụ, mẹgụ ekpere, bugụ ẹka kwasị Banabasị lẹ Sọlụ, wẹ nọ zipụ wẹ.

Ọrụn Ndị-ozi 13:4

Ogẹn Mmọn-nsọ gi nwan zipụ Banabasị lẹ Sọlụ, wẹ nọ shi Selusia, gi ụgbọ-mirin gha ebẹhụ shi alị Saịprọsụ ohimin nọhunmẹ.

Ọrụn Ndị-ozi 14:26

Ya wẹ nọ nwan gi ụgbọ-mirin gha Atalịa lakin Antịọkụ rị Siria ebe wẹ nọ bu wẹ che ẹka Osolobuẹ nị wẹ d'a rụnma ọrụnnị wẹ rụngụ nwan.

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 22:21

Ya ọ nọ sị m, ‘Jẹnmẹ! M zikọ ị ebe tegbu enwẹn ẹ d'e kunrun ndị alị ọzọ wụlẹni ndị Ju.’ ”

Ọrụn Ndị-ozi 4:36

Josẹfụ hụn ndị-ozi ahụn pụ-ichẹn tu “Banabasị” (hụn wụ, “Onyẹ nkasị-obi”) e mẹghọ ẹrịra. Josẹfụ wụ onyẹ ebọn Livaị alị Izrẹlụ, kanị alị Saịprọsụ kẹ wẹ nọ mụ a.

Ọrụn Ndị-ozi 6:4

ẹnyi nwẹn jẹnkọ d'e bu enwẹn ẹnyi che ekpere lẹ iku oku-Chuku.”

Ọrụn Ndị-ozi 8:29

Mmọn-nsọ nọ sị Filipu, “Jẹn d'a nọkunmẹchanrịn ụgbọ-anyịnyan hụ.”

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ndị Rom 1:1

Mmẹ wụ Pọlụ de ẹkụkwọ-ozini. M wụ igbọn Jizọsị Kraịstị. Osolobuẹ kpọ m, tumẹ m onyẹ-ozi pụ-ichẹn makẹ Oziọma Osolobuẹ.

Ndị Rom 10:15

Nanị w'a dọn ku oku ẹ omẹni e zijẹnni wẹ ndị-ozi? Ya kẹ Ẹkụkwọ-nsọ gi sị nị “Ụkụ ndị wẹhẹ oziọma a rịka mma!”

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Kọrẹntị Ibuzọ 12:11

Mmọn-nsọ ohu hụ, ịya e mẹ ihiẹn ndịnị ile; o yesọnmẹ onyẹ-onyẹ oyiye ọ chọ n'o ye ẹ.

Ndị Kọrẹntị Ibuzọ 7:5

Egilẹ ni ẹhụ ụnụ a jọ ibe ụnụ ẹfọ, mmanị omẹni ụnụ kwerigbama nị ụnụ ye efe ẹkẹrẹ kẹni ụnụ gi ẹ mẹ ekpere, omẹgụ ụnụ a nọgbamazị, amamgbe Ekwensụ a nwan ụnụ, makẹni ụnụ asaẹka kwọndọnsọnmẹ enwẹn ụnụ.

Ndị Kọrẹntị Nke Ẹbụọ 11:27

M'a rụngbu enwẹn m; m'a ta afụnfụn; m'e chusọnmẹ ụran; ụfọdụ ogẹn m'a ra hụn ri, m'a ra hụn ra; ihiẹn-oriri a kọsọnmẹ m; m'a rịsọnmẹ imẹ oyi; ẹkwa ara zu m ukun.

Ndị Kọrẹntị Nke Ẹbụọ 6:5

ghahanị ili lẹ mkpịnsịn wẹ e gbu ẹnyi; ghahanị ngan w'a tụ ẹnyi lẹ ọkpụkpụ w'a kpụ ẹnyi e gbu; ghahanị ọlụgbu ẹnyi a lụgbu enwẹn ẹnyi lẹ ụran ẹnyi e chu lẹ ẹgụn ẹnyi e din;

Ndị Galeshịa 1:15

Kanị, ogẹn o gi sụọ Osolobuẹ, hụn gi ẹfọma a họrị m kpọ m kẹ m rịdẹ ẹfọ nnẹ m,

Ndị Ẹfẹsọsụ 3:7

E họnringụọ m onyẹ-ọrụn oziọmanị ghahanị oyiye hụn Osolobuẹ mẹ ẹfọma ye m hụn ikẹn ẹ gi rị ọrụn imẹ ndụn m.

Ditrọnọmi 10:8

Ogẹn ahụn kẹ Osolobuẹ gi họpụha ndị Livaị nị wẹ bumẹ Ẹkpẹti Nkwerigbama Osolobuẹ, nị w'e wuzo ihun Osolobuẹ a rụn ọrụn a, e gi ẹfan a a gọzi ịhịan, kẹ wẹ dọnkwọ nwan e mẹ tannị.

Ndị Kolosị 4:17

Sị nị Akịpọsụ, “Hụnkwọ a n'ị rụnchanrịn ogbo wẹ keye i imẹ ọrụn Di-nwọnni-ẹnyi.”

Timoti Ibuzọ 2:7

Ịya haịn wẹ gi tumẹ m onyẹ e zisọnmẹ ozi ẹ lẹ onyẹ-ozi pụ-ichẹn (m rị e ku ezioku, arị m a tụ ntụ) lẹ onyẹ a kuzi ndị wụlẹni ndị Ju okukwe lẹ ezioku.

Timoti Nke Ẹbụọ 1:11

Ufiri oziọmanị k'o gi tumẹ m onyẹ e zisọnmẹ ozi, onyẹ-ozi pụ-ichẹn lẹ onyẹ-nkuzi;

Timoti Nke Ẹbụọ 2:2

Weri ihiẹn ndị hụ ị nụsọnmẹ ọnụ m idẹnya ndị bu ọda kuzi ndị furu wẹ gi e dọn ẹnya, ndị jẹnkọ d'a s'ẹka kuzizi ndị ọzọ ya.

Timoti Nke Ẹbụọ 4:11

Luku sụọ sọn m nọdị. Chọ Makị n'i wẹhẹ ẹ ị lalanị, makẹni o yeni m ẹka ọda-ọda.

Timoti Nke Ẹbụọ 4:5

Kanị, ịyụ nwẹn, dọnrin ẹnya e leban ihiẹn ile ẹnya; e dingbu afụnfụn; a rụn ọrụn onyẹ e zisọnmẹ oziọma. Mẹchanrịn ihiẹn ile ọrụn ị chọ.

Hibru 5:4

Ịhịan ara ye enwẹn ẹ ọkwanị. Osolobuẹ sụọ a kpọ ịhịan. Ẹrịra k'o dọn kpọ Ẹrọnụ.

Samuẹlụ Nke Ibuzọ 2:11

Ya kẹ Ẹl'kana lẹ Hana nọ lakin Rama. Nwata hụ nọ nọdị ebẹhụ rụnmanị Osolobuẹ ọrụn okpuru onyẹ nchụn-ẹjan wụ Ẹlaị.