Ọrụn Ndị-ozi 13:17 - Ika

¹⁷ Chuku ndị Izrẹlụ họrị ndị nẹdi ẹnyi kanị kẹ wẹ rị alị Ijiptu, o mẹ wẹ wụrụ okẹn alị; o mẹgụ, ọ nọ kpa ikẹn hi-ogbe wepụha wẹ alị Ijiptu.

Ọrụn Ndị-ozi 13:17 ပူးပေါင်းရင်းမြစ်များ

Ẹbụ-ọma 135:4

Makẹni Osolobuẹ a họrịgụọ Jekọpụ n'ọ wụrụ nke ẹ; ọ họrịgụọ Izrẹlụ n'ọ wụrụ ihiẹn ẹ pụ-ichẹn.

Ọpụpụ 12:51

Ụhụọhịn ohu ahụn kẹ Osolobuẹ gha alị Ijiptu wepụha ebọn ile rị Izrẹlụ.

Ọpụpụ 13:14

“Ihun, nwa ị jụma ị, sị, ‘Kị wụ ọdịnalịnị?’ Y'a sị a, ‘Osolobuẹ gi ikẹn hi-ogbe wepụha ẹnyi alị Ijiptu, alị hụ ẹnyi te nọ wụ igbọn.

Ọpụpụ 13:16

Ọdịnalịnị jẹnkọ d'a wụ ahịma ụnụ yi ẹka lẹ ihiẹn i kẹnmẹye ezimezi ihun, hụn y'e gi a nyanhan nị Osolobuẹ gi ikẹn ẹ hi-ogbe wepụha ẹnyi alị Ijiptu.”

Ọpụpụ 14:8

Osolobuẹ nọ kpọkin Fẹro eze Ijiptu obi, ọ nọ chụma ndị Izrẹlụ hụn pụkọ kẹ ndị mẹri agha.

Ọpụpụ 18:11

A marịngụọ m nwan nị Osolobuẹ ka mmọn ile w'e fe efee, makẹni imẹ ihiẹn ndị ahụn te rị e bu wẹ isi k'ọ nọ nwan karị wẹ ẹka.”

Azaya 44:1

Ka gọn nwan ntịn, yụ wụ odibo m Jekọpụ, Izrẹlụ, hụn m họrị!

Emọsụ 2:10

Mmẹ wepụhazịkwọ ụnụ imẹ alị Ijiptu, du ụnụ imẹ atụ ahụa ọgụnnaị, we alị ndị Amọ ye ụnụ weri.

Maịka 6:4

Mmẹ gha alị Ijiptu wepụha ụnụ, mmẹ gbapụha ụnụ imẹ ụlọ igbọn hụ: mmẹ zi Mozizi lẹ Ẹrọnụ lẹ Miriam d'e du ụnụ.

Ditrọnọmi 10:22

Ndị nẹdi ụnụ rịhụ madụ iri kwasị ọgụn ẹtọ sụọ kẹ wẹ shi alị Ijiptu, kanị Osolobuẹ wụ Chuku ụnụ e mẹgụọ nwan ụnụ bu ọda kẹ kokisẹ rị elu-igwere.

Ditrọnọmi 14:2

makẹni ụnụ wụ ndị Osolobuẹ wụ Chuku ụnụ họpụha, dọn ụnụ nsọ. Imẹ alị ile rị ichẹn-ichẹn rị elu-ụwa, Osolobuẹ a họrịgụọ ụnụ nị ụnụ wụrụ ndị nke ẹ pụ-ichẹn.

Ditrọnọmi 4:20

Ka nyanhan nị nị Osolobuẹ gha alị Ijiptu, okẹn ọkụn ọkpụ-ụzụn hụ, wepụha ụnụ, nị ụnụ wụrụ ndị nke ẹ, kẹ ụnụ dọn nwan wụ.

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?

Ditrọnọmi 4:37

Ufiri ni o nwọn ihiẹn-ọsụsụọ ndị nẹdi ụnụ kanị, ọ nọ họrị ụnụ ụmụ wẹ, gi ịnọyeni ụnụ lẹ okẹn-ikẹn ọ kpa gha alị Ijiptu wepụha ụnụ,

Ditrọnọmi 7:19

Ụnụ e gighọ ẹnya ụnụ hụn okẹn nlele lẹ ihiẹn-nghọsị lẹ ahụnlele ndị ahụn a tụ ẹnya lẹ ẹka-ikẹn lẹ ịkpa-ikẹn hụn Osolobuẹ wụ Chuku ụnụ gi wepụha ụnụ. Ẹrịra kẹ Osolobuẹ wụ Chuku ụnụ k'e mẹzi ndị alị ndị ahụn ile ụnụ rị nwan a tụ egun wẹ.

Ditrọnọmi 9:5

Ẹlẹ nị ụnụ wụ ndị ezi-omumẹ mọbụ nị ụnụ kụrụ ọtọ kẹ ụnụ gi bankọ d'e weri alị wẹ: kama, ufiri njọ ndị alị ndịnị wẹ kẹ Osolobuẹ wụ Chuku ụnụ k'e gi chụpụ wẹ, kẹn'o mẹzu ihiẹn ahụn o gi ufiri ẹ kun enwẹn ẹ kwe ndị nẹdi ụnụ kanị wụ Ebraham, Aziki lẹ Jekọpụ nkwa.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Samuẹlụ Nke Ibuzọ 4:8

Nke ẹnyi a gụ! Onyẹ sikọ d'a gbapụha ẹnyi ẹka okẹn-mmọn ndịnị? Uwẹ wụ mmọn ndị hụn gi eje-nsọngbu ile rị ichẹn-ichẹn sọn ndị Ijiptu imẹ atụ.