Ọrụn Ndị-ozi 13:1 - Ika

¹ O nwọn ndị amụma lẹ ndị-nkuzi rị ụka rị Antịọkụ. Ndịnị wụ: Banabasị lẹ Simiọnụ w'a kpọ Onyẹ-ogi lẹ Lushiọsụ onyẹ alị Saịrini lẹ Manẹni hụn ya lẹ Hẹrọdụ nọ ụlọ ohu sue lẹzi Sọlụ.

Ọrụn Ndị-ozi 13:1 ပူးပေါင်းရင်းမြစ်များ

Matiu 27:32

Ebe wẹ jẹnkọ, wẹ nọ kunrun onyẹ Saịrini ohu w'a kpọ Saịmọnụ, wẹ nọ w'a y'ẹ olu buru obe Jizọsị.

Luku 3:1

Ọ rị nwan ahụa mmisẹn eze-kanị wụ Siza Taịberiasị kịma alị ile rị okpuru ndị Rom. Pọntius Paịleti wụ Gọvanọ rị a kịnị Rom alị Judia. Imẹ Judia, Hẹrọdụ hụ a kị Galili hụn wụ azụụn ohu; Filipu nwẹnẹ ẹ hụ a kị azụụn ẹbụọ — Ituria lẹ Trakọnitisi; Lisanịasị hụ a kị Abilẹni hụn mẹ wẹ azụụn ẹnọ.

Ọrụn Ndị-ozi 11:30

Ya wẹ nọ nwan tụ ihiẹn kẹ wẹ dọn ku, we ihiẹn wẹ tụ ye Banabasị lẹ Sọlụ jẹnni ndị-isi ụka rị Jerusalẹm.

Ọrụn Ndị-ozi 12:25

Ogẹn Banabasị lẹ Sọlụ gi rụngụ ihiẹn ahụn wẹ bịa Jerusalẹm d'a rụn, wẹ nọ kinhẹn Antịọkụ. Wẹ kinkọ, wẹ nọ weri Jọnụ hụn w'a kpọzị Makị.

Ọrụn Ndị-ozi 13:9

Kanị Sọlụ hụn wụzị Pọlụ hụn Mmọn-nsọ jun imẹ ẹ nọ bu ẹnya zinmẹ okẹnnyẹ hụ:

Ọrụn Ndị-ozi 15:32

Judasị lẹ Saịlasị wụzị ndị-amụma; ya wẹ nọ kuzi ihiẹn bu ọda gi kasị ndị kwerini obi, mẹ wẹ kwerikẹnmẹ.

Ọrụn Ndị-ozi 15:35

Kanị Pọlụ lẹ Banabasị a nọdị imẹ Antịọkụ, wẹ lẹ ndị bu ọda hụ a kuzi, e zi ozi Di-nwọnni-ẹnyi.

Ọrụn Ndị-ozi 19:6

Ogẹn Pọlụ gi bu ẹka kwasị wẹ, Mmọn-nsọ nọ hidankwasị wẹ, wẹ nọ sụma asụsụ ndị ọzọ rị ichẹn-ichẹn, bumẹ amụma.

Ọrụn Ndị-ozi 21:9

Ụmụ Filipu ịgbagba ẹnọ e bu amụma.

Ọrụn Ndị-ozi 4:36

Josẹfụ hụn ndị-ozi ahụn pụ-ichẹn tu “Banabasị” (hụn wụ, “Onyẹ nkasị-obi”) e mẹghọ ẹrịra. Josẹfụ wụ onyẹ ebọn Livaị alị Izrẹlụ, kanị alị Saịprọsụ kẹ wẹ nọ mụ a.

Ọrụn Ndị-ozi 9:1

Kanị Sọlụ nkẹ hụkwọ a ban mban n'o k'e gbuchanrịn ndị ile e sọn Ụzọ Di-nwọnni-ẹnyi. O jẹnburu onyẹ-isi nchụn-ẹjan,

Ndị Rom 16:21

Timoti mmẹ lẹ ya wị a rụn ọrụn e zi ekele ụnụ, ya lẹ Lushiọsụ lẹ Jasịnị lẹ Sosipata ndị Ju ibe m.

Ndị Kọrẹntị Ibuzọ 11:4

Okẹnnyẹ ọwụlẹ kpumẹ isi ẹ e mẹ ekpere mọbụ e zi ozi Osolobuẹ rị e budan onyẹ-isi ẹ.

Ndị Kọrẹntị Ibuzọ 13:2

O mẹdẹ ni m nwọn oyiye m gi e bu amụma e zi ozi Osolobuẹ, nwọnzikwọ oyiye m gi a ghọta ihiẹn ile mini lẹ hụn m gi a marịnchanrịn ihiẹn ile; ọsụọn'a nị m nwọn okukwe ile, nwọndẹ hụn m gi a saẹka e bupụ ugu ọnọdị a bụ enwọn m ihiẹn-ọsụsụọ, onwọnni ihiẹn m wụ!

Ndị Kọrẹntị Ibuzọ 13:8

Ihiẹn-ọsụsụọ k'a rị jẹnrin ejẹn. Kanị, o mẹ nke ibu-amụma lẹ izini Osolobuẹ ozi, nị wẹ bighọ; o mẹ nke asụsụ ichẹn-ichẹn, wẹ k'e bi; o mẹ nke amamihiẹn, o k'e bi.

Ndị Kọrẹntị Ibuzọ 14:29

Madụ ẹbụọ mọbụ ẹtọ wẹ zi ụka ozi Osolobuẹ zi wẹ: ndị họdụnị wẹ gọn ntịn, e lele ihiẹn wẹ rị e ku.

Ndị Kọrẹntị Ibuzọ 14:32

Ọzọzị, mmọn onyẹ amụma e zini Osolobuẹ ozi rị okpuru hụnyẹ — ọ k'a saẹka gba nkịtịn.

Ndị Kọrẹntị Ibuzọ 9:6

Ra mmẹ lẹ Banabasị sụọ rulẹni ndị a latọ ọrụn-ẹka nị wẹ e ye ẹnyi ihiẹn ẹnyi gi e bi?

Ndị Galeshịa 2:13

Ndị Ju ibe ẹ rị ebẹhụ nọ sọn ẹ mẹmẹ ihunnaị ahụn, nke wụ nị Banabasị lẹ enwẹn ẹ nọzị mẹmẹ ihiẹn nwẹn!

Ndị Galeshịa 2:9

Ogẹn Jemisi lẹ Pita lẹ Jọnụ, ndị wẹ weri kẹ ndị-isi, gi hụn nị ẹka Osolobuẹ rị imẹ m, wẹ nọ na mmẹ lẹ Banabasị ẹka, nị ẹnyi lẹ wẹ wụ ohu, nị ẹnyi gha a rụn imẹ ndị wụlẹni ndị Ju, hụn wụ ndị kwalẹni ugun, wẹ nwẹn hụ a rụn imẹ ndị Ju, hụn wụ ndị kwa ugun.

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Ndị Filipi 4:22

Ndị-nsọ ile e zi ekele, tụmadụ ndị rị obi-eze Siza.

Ndị Tẹsalonika Ibuzọ 5:20

Elelịalẹ ni ibu-amụma lẹ ozi ịhịan gi ẹfan Osolobuẹ zi —