Ọrụn Ndị-ozi 11:26 - Ika

²⁶ Ọ hụn a, ọ nọ wẹhẹ ẹ Antịọkụ. Uwẹ lẹ ndị ụka ahụn hụ e zu, wẹ hụ a kuzi igwerigwe, ọrọgbọ ahụa. Imẹ Antịọkụ kẹ wẹ nọ kpọma ndị nsọnmazụụn Kraịstị “Kristiansị,” ya wụ, “Ndị Nke Kraịstị.”

Ọrụn Ndị-ozi 11:26 ပူးပေါင်းရင်းမြစ်များ

Azaya 65:15

Ọnyanhan wẹ k'a nyanhan ẹfan ụnụ wụ nị ndị nke m k'a gha e gi ẹfan ụnụ a bụ ọnụ! Di-nwọnni-ẹnyi wụ Osolobuẹ k'e gbuchanrịn ụnụ, kanị o jẹnkọ d'e ye idibo ẹ ẹfan ọzọ.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Jọnụ 2:2

Wẹ kpọzịkwọ Jizọsị lẹ ndị nsọnmazụụn a agbamẹkụkwọ hụ.

Ọrụn Ndị-ozi 1:15

Ogẹnni kẹ Pita gi lihi ọtọ imẹ igunrun ndị kwerini, gwama wẹ oku. Wẹ rị ihiẹn nọ kẹ mmadụ ọgụn-isin gbakikomẹ ebẹhụ. Ọ sị wẹ,

Ọrụn Ndị-ozi 11:20

Kanị, o nwọnghọ ikẹnnyẹ gha alị Saịprọsụ lẹ Saịrini lụaha imẹ ndị ụka gbayiyanị hụn ru nwan Antịọkụ, gwama ndị wụlẹni ndị Ju oku-Chuku, e zi wẹ ozi Di-nwọnni-ẹnyi wụ Jesu Kristi.

Ọrụn Ndị-ozi 11:22

Ogẹn ndị ụka rị Jerusalẹm gi nụ a, wẹ nọ zi Banabasị Antịọkụ.

Ọrụn Ndị-ozi 11:27

Ogẹn ahụn, o nwọn ndị-amụma gha Jerusalẹm bịa Antịọkụ.

Ọrụn Ndị-ozi 11:29

Ndị e sọn ụzọ Jesu nọ kwerigbama nị onyẹ-onyẹ jẹnkọ d'e wẹhẹ kẹ ẹka a han, nị wẹ zijẹnni ndị Ju kwerini Jesu hụn bi imẹ Judia.

Ọrụn Ndị-ozi 14:20

Kanị, ogẹn ndị kwerini gi fihunmẹ ẹ, ọ nọ lihi ọtọ, banye imẹ obodo hụ. Eki e fọn, ya lẹ Banabasị nọ shi Debẹ.

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ọrụn Ndị-ozi 14:23

Ogẹn wẹ gi ghagbarịgụ ụka ndị rị ẹgbẹrẹ hụ, tumẹsọnmẹgụni wẹ ndị-isi, wẹ nọ gi ekpere lẹ ibu-ọnụ ha wẹ ye ẹka Di-nwọnni-ẹnyi hụn wẹ kwerini.

Ọrụn Ndị-ozi 14:27

Ogẹn wẹ gi ru Antịọkụ rị Siria, wẹ nọ kpọgbama ndị ụka, gwa wẹ ihiẹn ile Osolobuẹ gi wẹ rụn lẹ k'o dọn kpọpụnị ndị alị ọzọ ụzọ okukwe.

Ọrụn Ndị-ozi 14:28

Ya wẹ nọ sọn ndị kwerini nọbie ebẹhụ.

Ọrụn Ndị-ozi 18:27

Ogẹn Apolọsụ gi chọ n'o fetu shi Ẹgbẹrẹ Akaya, ndị kwerini Jesu nọ kwadọn ẹ, de ẹkụkwọ jẹnni ndị kwerini rị Akaya, sị wẹ nabanhan a. Ogẹn o gi ru Akaya, o yekẹnmẹkẹni ndị rị ebẹhụ ẹka, ndị Osolobuẹ yeni ẹka kwerini Jesu.

Ọrụn Ndị-ozi 19:9

Kanị ogẹn ụfọdụ rị ebẹhụ gi gbama isi-akwanran, jụ n'e kwerikọ wẹ, kujama oku Ụzọ-Jesu idẹnya ịhịan ile imẹ ụlọ-ofufe hụ, Pọlụ nọ la wẹ tọ. O weri ndị kwerini pụ d'a kuzimẹ wẹ ụhụọhịn ile imẹ ụlọ-ẹkụkwọ onyẹ w'a kpọ Taịranọsụ.

Ọrụn Ndị-ozi 20:1

Ogẹn isusu hụ gi kụsịgụ, Pọlụ nọ kpọkikomẹ ndị e sọn Ụzọ-Jesu; ọ gbagụ wẹ umẹ, sịgụ wẹ nọdị ọhụnma, ọ nọ shi Masẹdonia.

Ọrụn Ndị-ozi 20:30

Ụfọdụ imẹ ụnụ jẹnkọ d'a fịma ezioku kẹni wẹ dọrị ndị nsọnmazụụn Jizọsị.

Ọrụn Ndị-ozi 21:4

Ẹnyi nọ chọrị ndị rị e sọn Ụzọ-Jesu ebẹhụ, sọn wẹ nọdị izuka ohu. Ghahanị ikẹn Mmọn-nsọ wẹ nọ sị Pọlụ ya ejẹnlẹ Jerusalẹm.

Ọrụn Ndị-ozi 26:28

Agripa nọ sị Pọlụ, “Ị chọ n'i mẹ m wụrụ onyẹ nke Kraịstị ozigbo-ozigbo?”

Ọrụn Ndị-ozi 6:1

Ogẹn ndị rị e sọn Kraịstị gi rị e buwaye ọda, ndị Ju gha obodo ebo lụaha hụn rị imẹ igunrun wẹ nọ kpemẹ nị ndị rị ụlọ arị e keye ikpoho wẹ di wẹ nwụnhụn ihiẹn-oriri w'e ke ụhụọhịn-ụhụọhịn.

Ọrụn Ndị-ozi 6:5

Okuni sụọ ndị ụka ile ụsụọ; wẹ nọ họpụha Stivini, okẹnnyẹ hụn nwọn okukwe ọda-ọda, Mmọn-nsọ jun imẹ ẹ; ịya lẹ Filipu lẹ Prokorọsụ lẹ Nikanọ lẹ Timọnụ lẹ Pamẹnasị lẹ Nikọlasị onyẹ Antịọkụ, onyẹ alị ọzọ te e fe ofufe ndị Ju.

Ọrụn Ndị-ozi 9:19

O ri ihiẹn-oriri, ndụn nọ ban a. Ya lẹ ndị nsọnmazụụn Kraịstị rị Damaskọsụ nọ nọdị akpọhịn ole-lẹ-ole.

Ọrụn Ndị-ozi 9:38

Lida nọkunmẹ Jọpa; ndị nsọnmazụụn Jesu a nụ nị Pita rị Lida, wẹ nọ zi ikẹnnyẹ ẹbụọ d'a rịọ a, sị, “Dodo, bịa obodo ẹnyi ozigbo!”

Ndị Kọrẹntị Ibuzọ 11:18

Nke ibuzọ, a nụgụọ m nị ụnụ gha e zu ozuzu ụka, nị nkebe a rịsọnmẹ imẹ ụnụ. O nwọnghọ kẹ m dọn gi ẹ dọn.

Ndị Kọrẹntị Ibuzọ 12:12

Ẹhụ ohu nwọn mkpamkpa ẹhụ bu ọda, kanị mkpamkpa ndị hụ ile bu ọda wụhụ ẹhụ ohu. Ẹrịra k'ọ rịzị ẹhụ Kraịstị.

Ndị Kọrẹntị Ibuzọ 14:23

O mẹ nwan nị ụka ile zu, nị ịhịan ile a sụma asụsụ ichẹn-ichẹn, onyẹ marịnlẹni ẹnya ihiẹn ndịnị mọbụ onyẹ kwerilẹni banhan, o kukọ nị ẹra rị a pụ ụnụ?!

Ndị Kọrẹntị Ibuzọ 4:17

Ya haịn m gi zilanị ụnụ Timoti, ezi nwa m, hụn m gi e dọn ẹnya imẹ Onyẹ-nwọnni-ẹnyi. O k'a nyanhan nị ụnụ kẹ m'e mẹ ihiẹn imẹ Kraịstị Jizọsị, nyanhan nị ụnụ ya kẹ m'a kuzi ẹ imẹ ụka ile rị ebe ile.

Ndị Ẹfẹsọsụ 3:15

onyẹ hụn ezi-lẹ-ụlọ ile rị elu-igwee lẹ ụwa gha ẹka a nwọnhẹn ẹfan wẹ.

Jemisi 2:7

Ẹlẹ wẹ e kuja oku ezigbo ẹfan Jesu ụnụ rị a za?

Pita Ibuzọ 4:14

Wẹ kpari ụnụ makẹni ụnụ rị a za ẹfan Kraịstị, ngọzi rọ: ya wụ nị ọghọ Mmọn nsọ Osolobuẹ rị ụnụ ẹhụ.

Pita Ibuzọ 4:16

O mẹ nwan nị ị ta afụnfụn makẹ Kraịstị, y'e mẹlẹ i ifẹnrẹn, ka ja Osolobuẹ mma n'ị rị a za ẹfan Kraịstị.

Jọnụ Ibuzọ 2:27

O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.

Rẹvẹleshọnụ 3:18

M rị nwan a dụn ị ọdụn: ṅọnnarịn m ezigbo goru unyin rịlẹni, kẹni i hụn ụzọ wụrụ ọdanfịn nke-esi; ṅọnnarịn m ẹkwa ọchan yiri amamgbe w'a hụn ọtọ ị ahụn e mẹ ifẹnrẹn; ṅọnnarịnzị m ọgụn-ẹnya tụnye ẹnya, kẹni i leghama ụzọ.