Ọrụn Ndị-ozi 11:1 - Ika

¹ Omẹgụ, ndị-ozi ahụn pụ-ichẹn lẹ ndị ụka Judia ile nọ nụ nị ndị wụlẹni ndị Ju a nabanhangụọzị oku Osolobuẹ.

Ọrụn Ndị-ozi 11:1 ပူးပေါင်းရင်းမြစ်များ

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 22:27

Ndị rị ebe ile rị elu-ụwa jẹnkọ d'a nyanhan, femẹ Osolobuẹ; ndị alị ile rị ichẹn-ichẹn k'e fe ẹ.

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 32:15

O k'a rị ẹrịra d'e ru mgbe Osolobuẹ gha elu-igwee hukpu ẹnyi Mmọn a, alị ọkpọ-nkụn e họnrin alị e mẹ ihiẹn ọhụnma, alị e mẹ ihiẹn ọhụnma e mẹkẹnmẹ, nọchanrịn kẹ ẹgboko.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 42:6

ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Azaya 60:3

Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 62:2

Alị ndị ọzọ k'a hụn n'ọ rịgụọn'ị mma; ndị-nze ile k'a hụn ọghọ ị. Wẹ k'a kpọma ị ẹfan ọhụn hụn Osolobuẹ k'e gi ọnụ a gụn ị.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Hosia 2:23

“M k'a kụnye Izrẹlụ alịnị kẹ ihiẹn m, e mẹni m ‘Omikẹn-arịa’ omikẹn ọsụọn'a nị m kpọ a ‘Omikẹn-arịa’; m k'a sị ndị nwẹn w'a kpọ ‘Ẹlẹ wẹ ndị nke m,’ ‘ndị nke m kẹ ụnụ wụ,’ a sị wẹ m, ‘Ịyụ wụ Chuku ẹnyi.’ ”

Maịka 5:7

Ogẹn hụ, ndị ebọn Jekọpụ k'a họdụnị k'a rị imẹ igunrun alị ndị ọzọ nọkẹ igirigi Osolobuẹ zihẹ; wẹ k'a nọ kẹ mirin zueye irurue hụn ghalẹni e cheri ịhịan, hụn ghalẹni e che ịhịan-mmaka.

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹfanaya 3:9

“M k'e ye ndị alị ichẹn-ichẹn ọnụ rụlẹni, kẹni wẹ kpọkumẹ ẹfan Osolobuẹ, e gi wẹ ọnụ ohu fe ẹ.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Matiu 2:1

Wẹ mụ Jesu imẹ Bẹtilẹhẹm hụn rị Judia ogẹn Hẹrọdụ gi wụ eze. Ogẹn hụ, ndị marịn ẹnya kokisẹ nọ gha alị rị azụụn ọwụwa-ẹnyanwụn bịa Jerusalẹm,

Matiu 8:11

M rị a gwa ụnụ, ndị bụ ọda k'a gha kẹ ẹbamịn ọwụwa-ẹnyanwụn kẹ ẹbamịn ọdịdan-ẹnyanwụn bịa d'e sọn Ebraham lẹ Aziki lẹ Jekọpụ ri oriri imẹ Alị-eze elu-igwee;

Makị 16:5

A banye wẹ imẹ ili, wẹ nọ hụn okorọbịa yi ẹkwa ọchan tueru alị k'ọ nọdị alị ẹka-nni, ọ nọ tụ wẹ ẹnya.

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Ọrụn Ndị-ozi 1:15

Ogẹnni kẹ Pita gi lihi ọtọ imẹ igunrun ndị kwerini, gwama wẹ oku. Wẹ rị ihiẹn nọ kẹ mmadụ ọgụn-isin gbakikomẹ ebẹhụ. Ọ sị wẹ,

Ọrụn Ndị-ozi 11:29

Ndị e sọn ụzọ Jesu nọ kwerigbama nị onyẹ-onyẹ jẹnkọ d'e wẹhẹ kẹ ẹka a han, nị wẹ zijẹnni ndị Ju kwerini Jesu hụn bi imẹ Judia.

Ọrụn Ndị-ozi 14:27

Ogẹn wẹ gi ru Antịọkụ rị Siria, wẹ nọ kpọgbama ndị ụka, gwa wẹ ihiẹn ile Osolobuẹ gi wẹ rụn lẹ k'o dọn kpọpụnị ndị alị ọzọ ụzọ okukwe.

Ọrụn Ndị-ozi 15:3

Ndị ụka e zipụ wẹ, wẹ nọ buli, kụyesọnmẹ alị Finishịa lẹ alị Sameria, a gwa wẹ kẹ ndị alị ndị ọzọ rị ichẹn-ichẹn wụlẹni ndị Ju dọn rị e hutọ e sọnmẹ Jesu; ozi wẹ hụ e mẹ ndị kwerini a ghọghọ ọda-ọda.

Ọrụn Ndị-ozi 28:15

Ogẹn ndị kwerini Jesu imẹ Rom gi nụ nị ẹnyi bịa abịa, wẹ nọ ghakwọrị imẹ Rom d'e kunrun ẹnyi: kẹ ndị ru Afịa Apiọsụ kẹ ndị kụsị Ọdụ ndị-ijẹn Ẹtọ. Ogẹn Pọlụ gi hụn wẹ, ọ kpanmịnma Osolobuẹ, ndụn a ban a o gi hụn wẹ.