Ọrụn Ndị-ozi 10:4 - Ika

⁴ Ya nwẹn nọ bu ẹnya tụma mmọn-ozi hụ yeni egun, sị a, “Di-nwọnni m, kị rọ?” Mmọn-ozi hụ nọ sị a, “Ekpere i lẹ ihiẹn i rị e ye ndị-igbẹnnyẹ e rugụọ elu-igwee, Osolobuẹ e gigụọ a nyanhan ị.

Ọrụn Ndị-ozi 10:4 ပူးပေါင်းရင်းမြစ်များ

Ihiẹn Mẹni Nke Ẹbụọ 32:24

O mẹgụ, emu nọ kụma Hezikaya, nkewụnị o d'a nwụn. Ya ọ nọ mẹ ekpere jẹnni Osolobuẹ; ọ nọ za a, ghọsị a ihiẹn o gi marịn n'o k'a dịnhịn, ọ nọ dịnhịn.

Ihiẹn Mẹni Nke Ẹbụọ 6:33

dodo, gha elu-igwee, ebe obibi i nụ, y'e mẹni abịamabịa hụ ihiẹn ọwụlẹ ọ rịọ ị, kẹni ndị alị ile rị elu-ụwa marịn ẹfan ị, tụ egun i kẹ ndị nke i wụ Izrẹlụ dọn e mẹ, lẹni wẹ hụn ụzọ marịn nị Ẹfan ị kẹ wẹ gi tụn ụlọnị m tụn.

Ẹbụ-ọma 141:2

Narịn ekpere m nọkẹ ẹjan nsẹnsi, y'a narịn ẹka m kịshi elu nọkẹ ẹjan-ẹnyasị.

Ẹbụ-ọma 20:3

Ya nyanhan oyiye i ile, ya narịn ẹjan ndị w'a dụn ọkụn ị chụnyen'ẹ. Sẹla

Azaya 43:26

Gbanị nị m ihiẹn ndị mẹ mbụ, nị ẹnyi dọ nị okuni ru alị; kin ni nwan nị ẹnyi lee kẹ ẹka ụnụ dọn rị ọchan.

Azaya 45:19

Ekuni m'ẹ nzuzue, anọnị m ebe tegbu enwẹn ẹ gba ishi ku ẹ — asịnị m ebọn Jekọpụ ‘femẹ m mmaka’, Ezioku k'e mmẹ wụ Osolobuẹ e ku; ntụ arị oku m.

Daniẹlụ 10:11

Ọ sị, “Daniẹlụ, ịyụ hụn wụ okẹn ịhịan ẹnya Osolobuẹ. Lebankẹnmẹ oku m k'a gwa ị ẹnya. Lihi nwan ọtọ, makẹni wẹ zi m d'e kunrun i.” Ogẹn o gi gwa m ihiẹnni, m nọ lihi ọtọ — mmẹ lẹ ẹhụ rị a ma m nni.

Lẹvitikọsụ 2:2

bu ẹ jẹnni ụmụ Ẹrọnụ ikẹnnyẹ, ndị nchụn-ẹjan. Onyẹ nchụn-ẹjan k'a nọ ọka ahụn wẹ gwe lẹ ofugbọn-olivu rịn'a bụọrị ọb'ẹka ohu, o werizi nsẹnsi hụ ile, o gi hụn ọ bụọrị lẹ nsẹnsi nọkin ẹnya ẹjan hụ ile, nọ elu ukpo nchụn-ẹjan dụn wẹ ọkụn — oyiye wẹ gi ọkụn ye rọ, hụn ishin ẹ a sụọ Osolobuẹ.

Malakaị 3:16

Ya kẹ ndị a tụ egun Osolobuẹ nọ gwa ibe wẹ oku, Osolobuẹ nọ gọn ntịn ihiẹn wẹ ku, gụn a yeni wẹ. Ebe Osolobuẹ rị, wẹ nọ de ẹkụkwọ wẹ gi a nyanhan ndị ahụn a tụ egun Osolobuẹ, a gbaye ẹfan a.

Matiu 26:13

Ezioku kẹ m rị a gwa ụnụ, ebe ọwụlẹ wẹ nọ zi oziọmanị imẹ ụwa ile, wẹ jẹnkọ d'e ku ihiẹnni o mẹ, e gi ẹ a nyanhan a.”

Luku 1:29

Ihiẹn mmọn-ozi hụ ku anịzịnị obi ru Meri alị kaka; ọ hụ a jụ enwẹn ẹ kẹ elee ụdị ekele wụ ọnwan!

Luku 24:5

Okẹn egun nọ tụma wẹ, ya wẹ nọ bu ihun kọma alị. Ikẹnnyẹ hụ nọ sị wẹ, “Kị ụnụ rị a chọnị onyẹ rị ndụn imẹ igunrun ndị nwụnnị?

Ọrụn Ndị-ozi 10:31

Ọ nọ sị, ‘Kọnẹlusu, Osolobuẹ a nụọlẹ ekpere i; ọ nyanhangụọ ihiẹn ị rị e ye ndị igbẹnnyẹ.

Ọrụn Ndị-ozi 14:9

Ọ hụ e gọn ntịn ebe Pọlụ rị e ku oku-Chuku. Pọlụ nkẹ e bu ẹnya zinmẹ ẹ, hụn a n'o nwọnghọ okukwe o gi dịnhịn,

Ọrụn Ndị-ozi 22:10

Ya m nọ sị, ‘Di-nwọnni m, kị m'e mẹ nwan?’ Di-nwọnni-ẹnyi nọ sị m, ‘Lihi ọtọ n'ị shi Damaskọsụ — ebẹhụ kẹ wẹ k'a nọ gwa ị ihiẹn ile Osolobuẹ ketọn'ị i jẹnkọ d'e mẹ.’

Ọrụn Ndị-ozi 3:4

Pita nọ bu ẹnya zinmẹ ẹ, Jọnụ nkẹ e buzi ẹnya zinmẹ ẹ. Ya Pita nọ sị a, “Bu ẹnya zinmẹ ẹnyi!”

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Ndị Filipi 4:6

Ehuelẹ ni uhue ihiẹn ọwụlẹ; imẹ ihiẹn ile, e gi ni ekpere lẹ arịrịọ lẹ iye-ekele a gwa Osolobuẹ ihiẹn rị ụnụ mkpa.

Hibru 13:16

Hụn n'a nị ụnụ hụ e mẹ ihiẹn rị mma lẹni ihiẹn ụnụ hụ e ru ibe ụnụ ẹka, makẹni ụdị ẹjannị a sụọ Osolobuẹ ụsụọ.

Hibru 6:10

Makẹni, Osolobuẹ ara mẹgbu ịhịan; ọ zọkọ ọrụn ụnụ lẹ ihiẹn-ọsụsụọ ụnụ ghọsị a ebe ụnụ nọ gi ufiri ẹfan a yeni ndị nke ẹ ẹka, hụn ụnụ rịkwọ nwan e mẹ.

Rẹvẹleshọnụ 8:4

ẹnwụnrụn nsẹnsi hụ rị a dụnnị hụn wụ ekpere ndị-nsọ nọ gha ẹka mmọn-ozi hụ a lọshi elu ihun Osolobuẹ.

Samuẹlụ Nke Ibuzọ 3:10

Osolobuẹ nọ bịa d'e wuzo ebẹhụ, hịmazị k'o dọn hị mbụ, “Samuẹlụ! Samuẹlụ!!” Ya Samuẹlụ nọ sị, “Kumẹ, odibo i hụ e gọn ntịn.”