Ọrụn Ndị-ozi 10:22 - Ika

²² Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ọrụn Ndị-ozi 10:22 ပူးပေါင်းရင်းမြစ်များ

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Habakọkụ 2:4

Ndị Babilọnụ rị e mẹkarị enwẹn wẹ, obi wẹ ezinrinni; kanị, onyẹ ezi-omumẹ k'e gi okukwe ẹ rị ndụn.

Matiu 1:19

Josẹfụ hụn jẹnkọ d'a lụn'a wụ onyẹ ezi-omumẹ. Kanị Josẹfụ achọnị n'ọ fa a idẹnya ịhịan ile, ọ nọ bu ẹ obi n'o sikọ d'a gwa a nzuzue n'ọ lụkọzị a.

Matiu 2:12

Makẹni Osolobuẹ a dọgụọlẹ wẹ ẹka-ntịn imẹ nrọ sị wẹ ekinlẹ azụụn d'e kunrun Hẹrọdụ, wẹ nọ gha ụzọ ọzọ lashi alị wẹ.

Makị 6:20

makẹni egun Jọnụ a tụ Hẹrọdụ atụ, Hẹrọdụ a marịnghọ nị Jọnụ wụ onyẹ ezi-omumẹ lẹ onyẹ rị nsọ; Hẹrọdụ anịnị wẹ gbu ẹ. Ọ sụọ Hẹrọdụ n'o gọn ntịn ihiẹn Jọnụ rị e ku ọsụọn'a n'o gbu ẹ mgbu obi ogẹn ọwụlẹ o gi nụ a.

Makị 8:38

Onyẹ mẹ ifẹnrẹn mmẹ lẹ oku m imẹ eje-agbọnị ẹnya rịlẹni ụzọ ohu, mmẹ wụ Nwa nke Ịhịan sikọ d'e mẹ ifẹnrẹn ẹ ogẹn m k'e gi gi ọghọ Nẹdi m bịa, mmẹ lẹ ndị mmọn-ozi rị nsọ.”

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Luku 23:50

O nwọn okẹnnyẹ ohu ẹfan a wụ Josẹfụ hụn wụ onyẹ ohu imẹ Ndị-isi Nkịkwama. Onyẹ obodo Arịmatịa rị Judia k'ọ wụ; ezigbo ịhịan kụrụ ọtọ rọ.

Luku 9:26

“Makẹni, onyẹ mẹ ifẹnrẹn mmẹ lẹ oku-ọnụ m, mmẹ wụ Nwa nke Ịhịan sikọ d'e mẹzi ifẹnrẹn ẹ ogẹn m'e gi gi ọghọ m lẹ nke Chuku-Nẹdi lẹ nke ndị mmọn-ozi nsọ bịa.

Jọnụ 13:20

Ezioku kẹ m rị a gwa ụnụ, onyẹ hụn nabanhan onyẹ m zi, nabanhan m; onyẹ nabanhannị m, nabanhan onyẹ zihẹni m.”

Jọnụ 17:20

“Ẹlẹ ndịnị rị ebeni sụọ kẹ m rị e mẹni ekpereni; kama, m rịzị e mẹni ndị hụn jẹnkọ d'e gi ufiri ozi wẹ k'e zi kwerini m,

Jọnụ 17:8

makẹlẹ a gwagụọ m wẹ ihiẹn ndị hụ ị sị m gwa wẹ. A nabanhangụọ wẹ oku ndị hụ; a marịngụọ wẹ nwan nị m gha ebe ị rị bịa nke-esi. E kwerigụọ wẹ nị yụ zihẹ m.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 6:63

Mmọn-nsọ sụọ e ye ndụn, ịhịan mmaka asaẹka mẹ ihiẹn-anaị: oku ndịnị m rị a gwa ụnụ wụ oku imẹ-mmọn lẹ oku e ye ndụn.

Jọnụ 6:68

Saịmọnụ wụ Pita nọ za a, sị, “Di-nwọnni-ẹnyi, onyẹ kẹ ẹnyi burukọ? Ịyụ e ku oku ndị e ye ndụn itẹbitẹ.

Ọrụn Ndị-ozi 10:2

Okẹnnyẹni e feshi Osolobuẹ ikẹn, a tụ egun Osolobuẹ, ya lẹ ezi-lẹ-ụlọ a ile. O yesọnmẹ ndị igbẹnnyẹ rị alị hụ ihiẹn. Ọ kpọku Osolobuẹ ogẹn ile.

Ọrụn Ndị-ozi 10:21

Ya Pita nọ buru ikẹnnyẹ ndị hụ, sị, “Mmẹ wụ onyẹ ahụn ụnụ rị a chọ; kị ụnụ bịanị?”

Ọrụn Ndị-ozi 10:30

Kọnẹlusu nọ za a, sị, “Nwẹnẹ mgbeni taịnnọ, m rị iwe m e mẹ ekpere, ihiẹn nọ kẹ ọkụrọkụ ẹtọ efinnaị. Idẹnmizi, okẹnnyẹ ohu yi ẹwuru rị e gbukeni nọ wuzo m ihun.

Ọrụn Ndị-ozi 10:33

Ya m nọ zi wẹ d'a kpọ ị ozigbo. Y'e mẹkẹ i gi bịa. Ẹnyi ile rị nwan ihun Osolobuẹ ebeni kẹni ẹnyi nu ihiẹn ile Di-nwọnni-ẹnyi sị ị gwa ẹnyi.”

Ọrụn Ndị-ozi 10:6

ọ rị nke Saịmọnụ hụn a rụn ọrụn akpụkpọ hụn iwe ẹ rị ẹhụ Ohimin.”

Ọrụn Ndị-ozi 11:14

O k'e zi i ozi yụ lẹ ikpụlọ i ile e gi nwọn nzụọpụha.’

Ọrụn Ndị-ozi 22:12

“Imẹ Damaskọsụ, o nwọn okẹnnyẹ ohu w'a kpọ Ananayasị, hụn e fe ofufe Iwu Mozizi ọhụnma-ọhụnma. Ndị Ju ile bi ebẹhụ e ku oku ẹ ọhụnma.

Ọrụn Ndị-ozi 24:15

Ihiẹn ohu hụ ndịnị rị e lee ẹnya a ẹka Osolobuẹ kẹ mmẹ nwẹn rịzị e lee ẹnya a: nị ndị nwụnhụnnị jẹnkọ d'e lihi, kẹ ndị ezi-omumẹ kẹ ndị njọ.

Ọrụn Ndị-ozi 6:3

Umunẹ, lehunmẹ ni nwan ẹnya imẹ igunrun ụnụ, nị ụnụ họpụha mmadụ ẹsa: ndị w'e ku oku wẹ ọhụnma, ndị Mmọn-nsọ jun imẹ wẹ, ndị marịn ihiẹn ọhụnma-ọhụnma, kẹni ẹnyi ye wẹ ọrụnnị;

Ndị Rom 1:17

Makẹni, oziọma a ghọsị kẹ ezi-omumẹ wụ nke Osolobuẹ nọ: okukwe ịhịan k'o gi e mẹ ẹ gha mbidọn d'e ru isi ẹ. Ọ nọhụ kẹ Ẹkụkwọ-nsọ dọn ku ẹ, “Okukwe kẹ onyẹ ezi-omumẹ gi a rị ndụn.”

Ndị Kọrẹntị Nke Ẹbụọ 5:18

Ihiẹnni ile gha ẹka Osolobuẹ bịa, onyẹ hụn gi Kraịstị dọnzi ẹgbata ẹnyi lẹ ịya, we ọrụn idọnzi-ẹgbata ye ẹnyi.

Ditrọnọmi 30:13

Ẹlẹ ọ rị nfetu Ohimin, hụn ụnụ e gi jụma, “Onyẹ k'e fetu ohimin d'e wẹhẹ ẹ d'a gwa ẹnyi, kẹni ẹnyi mẹ ẹ?”

Timoti Ibuzọ 3:7

O k'a wụrịrị onyẹ ndị rị ogbe e ku oku ẹ ọhụnma, amamgbe ọ fa, danban ọnyan Ekwensụ,

Hibru 10:38

Kanị, okukwe kẹ onyẹ ezi-omumẹ m k'e gi e bi. O seri isi ẹ, ihiẹn ẹ asụọkọ m.”

Hibru 11:2

Okukwe ndị mbụ-mbụ haịn Osolobuẹ gi kunni wẹ ọhụnma:

Hibru 12:23

Ụnụ a bịagụọ d'e kunrun igunrun ụmụ ibuzọ Osolobuẹ wẹ deye ẹfan wẹ elu-igwee lẹ Osolobuẹ lẹ enwẹn ẹ, hụn k'e kin ịhịan ile ikpe. Ụnụ a bịagụọ d'e kunrun ndị ezi-omumẹ Osolobuẹ mẹgụ nwan mmọn wẹ zu oke.

Pita Nke Ẹbụọ 3:2

sị ụnụ nyanhankwọ oku ndị-amụma nsọ Osolobuẹ ku ogẹn mbụ lẹ iwu Di-nwọnni-ẹnyi wụ Onyẹ-nzụọpụha ẹnyi ye ghahanị ndị-ozi pụ-ichẹn o zihẹni ụnụ.

Jọnụ Nke Ẹtọ 1:12

Kanị ịhịan ile e ku oku Dẹmẹtrịọsụ ọhụnma; Ezioku lẹ enwẹn ẹ e kuzi oku ẹ ọhụnma. Ẹnyi nwẹn rị a shịazịkwọn'a ẹri — bụ y'a marịnghọ nị ẹri ẹnyi wụ ezioku.

Rẹvẹleshọnụ 14:10

o k'a ra manya ahụn wụ iwe-lẹ-ọnụma Osolobuẹ hụn Osolobuẹ gburọlẹni, o k'e gi mkpu iwe-lẹ-ọnụma a ye wẹ ya. Wẹ k'e gi ọkụn lẹ nsịn-ẹnyanwụn ye wẹ eje-afụnfụn idẹnya ndị mmọn-ozi rị nsọ lẹ idẹnya Nwa-ebulu hụ;