Ọrụn Ndị-ozi 10:2 - Ika

² Okẹnnyẹni e feshi Osolobuẹ ikẹn, a tụ egun Osolobuẹ, ya lẹ ezi-lẹ-ụlọ a ile. O yesọnmẹ ndị igbẹnnyẹ rị alị hụ ihiẹn. Ọ kpọku Osolobuẹ ogẹn ile.

Ọrụn Ndị-ozi 10:2 ပူးပေါင်းရင်းမြစ်များ

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Ndị-nze Nke Ibuzọ 8:43

dodo, gha elu-igwee, ebe-obibi i, nụ, y'e mẹ ihiẹn ọwụlẹ otumunyẹ hụ rịọ ị, kẹni ndị ile rị ụwa marịn Ẹfan ị, tụ egun i kẹ ndị nke i wụ Izrẹlụ dọn e mẹ, lẹni wẹ hụn ụzọ marịn nị Ẹfan ị kẹ wẹ gi tụn Ụlọnị m tụn.

Ihiẹn Mẹni Nke Ẹbụọ 6:33

dodo, gha elu-igwee, ebe obibi i nụ, y'e mẹni abịamabịa hụ ihiẹn ọwụlẹ ọ rịọ ị, kẹni ndị alị ile rị elu-ụwa marịn ẹfan ị, tụ egun i kẹ ndị nke i wụ Izrẹlụ dọn e mẹ, lẹni wẹ hụn ụzọ marịn nị Ẹfan ị kẹ wẹ gi tụn ụlọnị m tụn.

Jobu 1:1

O nwọn okẹnnyẹ ohu bi alị Uzu; ẹfan a wụ Jobu. Okẹnnyẹni wụ onyẹ ezioku; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.

Jobu 1:5

Ụmụ Jobu rigụ oriri ndị ahụn, Jobu e zi ozi kpọ wẹ, fepụ wẹ ẹhụ kẹ Osolobuẹ dọn ku. Ụz'ụtụntụn biribiri ọ chụnnị onyẹ-onyẹ imẹ wẹ ẹjan w'a dụn ọkụn — makẹni, o ru ọ sị enwẹn ẹ, “Onyẹ maị kẹ ụmụ m e mẹgụọ njọ, kpọ Chuku iyi imẹ obi wẹ.” Ẹnịna kẹ Jobu e mẹ ogẹn ile.

Ẹbụ-ọma 102:15

Alị ile k'a gbaye ẹfan Osolobuẹ; ndị-nze ile rị elu ụwa k'a gbaye ị makẹ ọghọ ị.

Ẹbụ-ọma 119:2

Ngọzi wụ nke ndị e dọnmẹ iwu Osolobuẹ gi shịanị enwẹn ẹ ẹri, e gi akpakalị obi wẹ e fe Osolobuẹ;

Ẹbụ-ọma 25:5

gi ezioku i du m, kuzi m, makẹni ịyụ wụ Chuku m lẹ Onyẹ-nzụọpụha m, ịyụ sụọ kẹ m gi e dọn ẹnya kẹ ụhụọhịn han.

Ẹbụ-ọma 41:1

Onyẹ hụn a nyanhan ndị ogbẹnnyẹ e nwọnkẹ ngọzi. Ogẹn nsọngbu, Osolobuẹ a zụọpụha a azụọpụha.

Ẹbụ-ọma 55:17

Kẹ uhinhin kẹ ụtụntụn kẹ efinnaị, m hụ a gwaghọsị a nsọngbu m, a sụn udẹn; ọ k'a nụ olu m.

Ẹbụ-ọma 86:3

Dodo Di-nwọnni-ẹnyi, mẹni m omikẹn, makẹni m'a kpọku i uhinhin lẹ efinnaị.

Ẹbụ-ọma 88:1

Dodo Osolobuẹ, Chuku hụn a zụọpụhanị m, m hụ a kwan, a kpọku i efinnaị ile, a bịazị ihun i uhinhin!

Ẹkịliziastisi 7:18

Ọ rịka mma n'ị kwọndọnsọnmẹ oku ẹbụọnị n'o nwọnni hụn ị latọ. Onyẹ a tụ egun Chuku e kwọndọn wẹ ẹbụbụọ ẹka.

Azaya 59:19

Ịhịan ile a gbaye Osolobuẹ — kẹ ndị rị ẹbamịn ọdịdan-ẹnyanwụn ịhịan ile e ye ẹ ọghọ — kẹ ndị rị ẹbamịn ọwụwa-ẹnyanwụn, makẹni Osolobuẹ k'a bịa nọkẹ okẹn iyi rị e huni, okẹn iyi hụn ufere Osolobuẹ buhẹ.

Daniẹlụ 6:10

Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Daniẹlụ 6:16

Ya eze nọ zi wẹ, wẹ nọ wẹhẹ Daniẹlụ, tụ a ye imẹ olu ẹwọrọ. Eze sị Daniẹlụ, “Chuku i, hụn y'e fe ogẹn ile ya dodo gbapụha ị!”

Daniẹlụ 6:20

O ru ẹhụ olu hụ, ọ nọ gi uhue rị e huen'ẹ kpọcheni Daniẹlụ, sị, “Daniẹlụ-o, odibo Chuku ahụn rị ndụn, Chuku i, hụn y'e fe ogẹn ile a saghọ ẹka gbapụha ị ẹka ẹwọrọ?”

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Matiu 25:17

Ẹrịra kẹ onyẹ o ye hụn jun ẹkpa ẹbụọ dọnzi nwọnhẹn ẹkpa ẹbụọ chen'ẹ.

Luku 18:1

Jizọsị nọ gi ilu ghọsị ndị nsọnmazụụn n'o furu nị wẹ e mẹ ekpere e mẹsọnmẹ, anịnị wẹ ndụn gụ wẹ.

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Ọrụn Ndị-ozi 10:22

Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ọrụn Ndị-ozi 10:31

Ọ nọ sị, ‘Kọnẹlusu, Osolobuẹ a nụọlẹ ekpere i; ọ nyanhangụọ ihiẹn ị rị e ye ndị igbẹnnyẹ.

Ọrụn Ndị-ozi 10:35

Kama, ọ nabanhan onyẹ ọwụlẹ a tụ egun ẹ, e mẹ ihiẹn rị mma; ara tu alị onyẹ gha bịa.

Ọrụn Ndị-ozi 10:4

Ya nwẹn nọ bu ẹnya tụma mmọn-ozi hụ yeni egun, sị a, “Di-nwọnni m, kị rọ?” Mmọn-ozi hụ nọ sị a, “Ekpere i lẹ ihiẹn i rị e ye ndị-igbẹnnyẹ e rugụọ elu-igwee, Osolobuẹ e gigụọ a nyanhan ị.

Ọrụn Ndị-ozi 10:7

Ogẹn mmọn-ozi hụ gwa a oku gi pụgụ, Kọnẹlusu nọ kpọ idibo ẹ ẹbụọ lẹ onyẹ-agha ohu e feshi Osolobuẹ ikẹn imẹ ndị e jẹnn'ẹ ozi.

Ọrụn Ndị-ozi 11:14

O k'e zi i ozi yụ lẹ ikpụlọ i ile e gi nwọn nzụọpụha.’

Ọrụn Ndị-ozi 13:16

Ya kẹ Pọlụ nọ lihi ọtọ, gi ẹka gwa wẹ gba nkịtịn, ọ nọ kumẹ, sị, “Ndị Izrẹlụ lẹ ndị ọzọ a tụ egun Osolobuẹ, gọn ni ntịn!

Ọrụn Ndị-ozi 13:26

“Umunẹ m ndị ebọn Ebraham lẹ ndị a tụ egun Osolobuẹ imẹ ụnụ, e zihẹgụọnị wẹ ẹnyi oziọma nzụọpụhanị.

Ọrụn Ndị-ozi 13:50

Ya ndị Ju nọ kpasu ikpoho wẹ marịn amarịn wụlẹni ndị Ju, hụn e sọn ndị Ju e fe Osolobuẹ, uwẹ lẹ ikẹnnyẹ wẹ marịn amarịn obodo hụ, wẹ ile nọ kpokpomẹ Pọlụ lẹ Banabasị, chụpụ wẹ ẹgbẹrẹ wẹ.

Ọrụn Ndị-ozi 18:8

Krispọsụ onyẹ-isi ụlọ-ofufe hụ nọ kwerini Di-nwọnni-ẹnyi, ya lẹ ezi-lẹ-ụlọ a ile; ndị Kọrẹntị bu ọda hụn nụ oziọma Pọlụ rị e zi e kwerizighọ, wẹ nọ mẹ wẹ mirin-Chuku.

Ọrụn Ndị-ozi 2:5

Ndị Ju e feshi Osolobuẹ ikẹn gha alị ile rị elu-ụwa bịa Jerusalẹm ogẹn ahụn d'a nọdị.

Ọrụn Ndị-ozi 22:12

“Imẹ Damaskọsụ, o nwọn okẹnnyẹ ohu w'a kpọ Ananayasị, hụn e fe ofufe Iwu Mozizi ọhụnma-ọhụnma. Ndị Ju ile bi ebẹhụ e ku oku ẹ ọhụnma.

Ọrụn Ndị-ozi 8:2

Ogẹn wẹ gi magbu Stivini, ikẹnnyẹ e feshi Osolobuẹ ikẹn nọ bịa d'e buru ozun ẹ d'e li; wẹ nọ kwan ọda-ọda kwanshi elu nị Stivini a nwụnhụn.

Ọrụn Ndị-ozi 9:11

Di-nwọnni-ẹnyi nọ sị a, “Lihi n'i jẹn Ọgbara-ogbe ahụn w'a kpọ Streti. I ru iwe Judasị, y'a jụ ukwere onyẹ Tasọsụ ẹfan a wụ Sọlụ. Ọ rị e mẹ ekpere kikẹnni,

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ọrụn Ndị-ozi 9:36

Imẹ Jọpa, o nwọn okpoho ohu ẹfan a wụ Tabita hụn wụ onyẹ nsọnmazụụn Jesu (Asụsụ Griki, Tabita wụ Dọkasị hụn wụ Ele). Tabita e mẹ ọghọ ọda-ọda, o yeni ndị igbẹnnyẹ ẹka ọhụnma-ọhụnma.

Ndị Kolosị 4:2

E mẹ ni ekpere ogẹn ile, e we ẹnya e ru alị e mẹ ẹ, a kpanmịn Osolobuẹ ụnụ gha e mẹ ekpere.

Ndị Tẹsalonika Ibuzọ 5:17

E mẹ ni ekpere ogẹn ile.

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.

Joshụa 24:15

Kanị, omẹni ife Osolobuẹ a sụọnị ụnụ, hanrịn nị nwan tannị onyẹ ụnụ sikọ d'e fe: kẹ mmọn-lẹ-iyi ndị nẹdi ụnụ kanị fe nfetu Iyi Yufretisi kẹ ụnụ k'e fe ra mmọn-lẹ-iyi ndị Amọ hụn ụnụ bi alị wẹ. Kanị, nke mmẹ lẹ ezi-lẹ-ụlọ m, Osolobuẹ kẹ ẹnyi k'e fe.”

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”