Ọrụn Ndị-ozi 10:19 - Ika

¹⁹ Pita nkẹ hụkwọ e ro ihiẹn ọ hụn, Mmọn-nsọ nọ nwan sị a, “Lee ẹ, ikẹnnyẹ ẹtọ rị a chọ ị.

Ọrụn Ndị-ozi 10:19 ပူးပေါင်းရင်းမြစ်များ

Jọnụ 16:13

Mmọn-nsọ hụn a ghọsị ezioku bịa, o du ụnụ, mẹ ụnụ marịn ezioku ile. Makẹni, ẹlẹ uche ẹ k'o k'e ku; kama, ihiẹn o k'a nụ k'o k'e ku. O k'a gwazịkwọ ụnụ ihiẹn ndị jẹnkọ d'e mẹ ihun.

Ọrụn Ndị-ozi 10:18

E weshi wẹ olu wẹ elu, jụ kẹ Saịmọnụ w'a kpọ Pita hụzị ebẹhụ.

Ọrụn Ndị-ozi 10:3

Ihiẹn nọkẹ ọkụrọkụ ẹtọ efinnaị, ọ nọ hụn ọhụn, hụn kẹ mmọn-ozi Osolobuẹ banhan, hị a, “Kọnẹlusu!”

Ọrụn Ndị-ozi 11:12

Ya Mmọn-nsọ nọ sị m sọnmẹ wẹ, m'e tulẹ. Mmẹ lẹ ikẹnnyẹ isinni wụ umunẹ ẹnyi imẹ Kraịstị wị jẹn, ẹnyi nọ banye iwe okẹnnyẹ hụ.

Ọrụn Ndị-ozi 13:2

Ebe wẹ zu e fe Di-nwọnni-ẹnyi, e bu ọnụ, Mmọn-nsọ nọ sị, “Wepụha nị nị m Banabasị lẹ Sọlụ, nị wẹ hụn ụzọ d'a rụn ọrụn m kpọ wẹ d'a rụn.”

Ọrụn Ndị-ozi 15:7

E kube wẹ, Pita nọ lihi ọtọ, sị wẹ, “Umunẹ m, ụnụ a marịnghọ kẹ Osolobuẹ dọn họpụha m imẹ ụnụ mbụ-mbụ, gi m mẹ ndị alị ọzọ nụ oziọma, kweri.

Ọrụn Ndị-ozi 21:4

Ẹnyi nọ chọrị ndị rị e sọn Ụzọ-Jesu ebẹhụ, sọn wẹ nọdị izuka ohu. Ghahanị ikẹn Mmọn-nsọ wẹ nọ sị Pọlụ ya ejẹnlẹ Jerusalẹm.

Ọrụn Ndị-ozi 8:29

Mmọn-nsọ nọ sị Filipu, “Jẹn d'a nọkunmẹchanrịn ụgbọ-anyịnyan hụ.”

Ndị Kọrẹntị Ibuzọ 12:11

Mmọn-nsọ ohu hụ, ịya e mẹ ihiẹn ndịnị ile; o yesọnmẹ onyẹ-onyẹ oyiye ọ chọ n'o ye ẹ.

Timoti Ibuzọ 4:1

Mmọn-nsọ e kupụgụọ a n'o ru ogẹn ikpanzụụn, o nwọn ndị k'a latọ ofufe-Kraịstị, sọnmẹ mmọn ndị hụn e dufieni lẹ nkuzi eje-mmọn,