Ọrụn Ndị-ozi 1:3 - Ika

³ Ogẹn o gi tagụ afụnfụn, nwụnhụngụ, ọ hụ a bịa d'e kunrun ndị-ozi hụ pụ-ichẹn ọrọgbọ akpọhịn ọgụnnaị, e gi ụzọ rị ichẹn-ichẹn a ghọsị wẹ n'ọ ghagụọ ọnwụn lihi, a gwa wẹ oku Alị-eze Osolobuẹ.

Ọrụn Ndị-ozi 1:3 ပူးပေါင်းရင်းမြစ်များ

Ndị-nze Nke Ibuzọ 19:8

Ya kẹ Ẹlaịja nọ lihi, ri, ra. Ọ nọ gi ihiẹn-oriri hụ o ri hụn ndụn o gi jẹn ijẹn uhinhin lẹ efinnaị ọrọgbọ akp'ọhịn ọgụnnaị, n'o d'e ru Horẹbụ, Ugu Osolobuẹ.

Matiu 21:43

“M rị nwan a gwa ụnụ nị wẹ jẹnkọ d'a narịn ụnụ Alị-eze Osolobuẹ, we ẹ ye ndị alị ọzọ jẹnkọ d'a mị mkpụrụ a.

Matiu 28:9

Idẹnmizi, Jizọsị nọ kunrun wẹ, sị, “Darụ nị!” Ya wẹ nọ nọzụnhan d'e fiedọn ẹ ụkụ, gbun'ẹ osekpu.

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 4:2

Jizọsị bu ọnụ ukinkin lẹ efinnaị, ọrọgbọ akpọhịn ọgụnnaị; omẹgụ, ẹgụn nọ gụnma a.

Makị 16:19

Ogẹn Di-nwọnni-ẹnyi wụ Jesu gi kugụ oku ndịnị, Osolobuẹ nọ we ẹ shi elu-igwee d'a nọdị alị ẹka-nni Osolobuẹ.

Jọnụ 20:26

Hụn mẹ ẹ izuka, ebe ndị nsọnmazụụn Jesu rịzị imẹ ụlọ wẹ lẹ Tamọsị; ụzọ kpọkin akpọkin kanị Jesu nọzị nwọnpụha, turu imẹ igunrun wẹ, sị, “Udọn ya rịnị ụnụ.”

Jọnụ 21:1

Ihiẹn ndịnị e mẹgụ, Jesu nọzị nwọnpụha d'e kunrun ndị nsọnmazụụn a mkpẹnrẹn Ohimin Taịberiasị. Ẹnịna k'o dọn mẹ:

Jọnụ 21:14

Ọnwan mẹ ẹ mgbe ẹtọ ndị nsọnmazụụn Jesu hụn a k'ọ ghagụ ọnwụn lihi.

Ọrụn Ndị-ozi 13:31

Ọ nọ pụhasọnmẹ ọrọgbọ akpọhịn ole-lẹ-ole, e we enwẹn ẹ a ghọsị ndị gha Galili sọnhẹn ẹ Jerusalẹm. Uwẹ rị nwan a shịa ẹri, a gwa ịhịan ile oku ẹ.

Ọrụn Ndị-ozi 19:8

Omẹgụ, Pọlụ nọ jẹnmẹmẹ ụlọ-ofufe ndị Ju. Ọrọgbọ ifọn ẹtọ, ọ hụ e jẹn d'a gwa wẹ oku, e ku oku Alị-eze Osolobuẹ, e kushi ẹ ikẹn, e mẹ ẹ n'o we ẹnya, kẹni wẹ kweri.

Ọrụn Ndị-ozi 28:23

Ya wẹ nọ kaye ụhụọhịn. O ru ụhụọhịn hụ, e ruhẹ wẹ ebẹhụ ọ rị. Gha ụtụntụn d'e ru ẹnyasị ọ hụ a gwa wẹ oku Alị-eze Osolobuẹ, a kọwa, e gi Iwu Mozizi lẹ ihiẹn ndị-amụma ku a lịlịma n'o mẹ wẹ kwerini Jesu.

Ọrụn Ndị-ozi 28:31

ọ hụ e zi ozi Alị-eze Osolobuẹ, a kuzi banyeni Di-nwọnni-ẹnyi wụ Jesu Kristi, e ku ẹ, e kushi ẹ ikẹn, onwọnni onyẹ gbọndọnn'ẹ.

Ọrụn Ndị-ozi 8:12

Ogẹn wẹ gi kweri oziọma Alị-eze Osolobuẹ lẹ ẹfan Jizọs Kraịstị hụn Filipu rị e zi, wẹ nọ mẹ wẹ mirin-Chuku, kẹ ikẹnnyẹ kẹ ikpoho.

Ndị Rom 14:17

makẹni Alị-eze Osolobuẹ ẹlẹ oku ihiẹn-oriri lẹ ihiẹn-ọrịra kanị ezi-omumẹ, udọn lẹ ịghọghọ Mmọn-nsọ.

Ditrọnọmi 9:18

Ya m nọzị tụha enwẹn m ye alị, we ihun kpumẹ alị idẹnya Osolobuẹ akp'ọhịn ọgụnnaị, uhinhin lẹ efinaị; erini m ihiẹn-oriri, a ranị m mirin, makẹ njọ ile ụnụ mẹ ụnụ gi mẹ ihiẹn rịlẹni mma ẹnya Osolobuẹ, gi ẹ kpasu ẹ iwe.

Ditrọnọmi 9:9

Ogẹn m gi nyinrin elu ugu ahụn d'e wẹhẹ ibe ọmụma ndị ahụn, ibe ọmụma ndị ahụn Osolobuẹ deye nkwerigbama hụn o gi kwọngbama ụnụ lẹ ya, m nọ elu ugu hụ akp'ọhịn ọgụnnaị, uhinhin lẹ efinaị, erini m ihiẹn-oriri, aranị m mirin.

Ndị Kolosị 1:13

Ọ zụọpụhagụọ ẹnyi okpuru ishi, bu ẹnyi che Alị-eze ezi Nwa a,

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Jọnụ Ibuzọ 1:1

Ihiẹn ahụn rị gha mbidọn lala kẹ ẹnyi rị a gwa ụnụ oku ẹ, ihiẹn ẹnyi gi ntịn nụ, gi ẹnya ẹnyi hụn; ihiẹn ẹnyi lekpọgụ, mẹtụ ẹka. Ẹnyi rị e ku oku onyẹ ahụn wụ ndụn.