Ọrụn Ndị-ozi 1:24 - Ika

²⁴ Ya wẹ nọ mẹ ekpere, sị, “Di-nwọnni-ẹnyi, ịyụ marịn obi ịhịan ile; dodo, ghọsị ẹnyi onyẹ ị họrị imẹ madụ ẹbụọnị,

Ọrụn Ndị-ozi 1:24 ပူးပေါင်းရင်းမြစ်များ

Ndị-nze Nke Ibuzọ 8:39

dodo, gha elu-igwee, ebe-obibi i, nụ. Gbagharị, y'e mẹ ihiẹn banyen'ẹ, gi ihiẹn ile onyẹ-onyẹ mẹ sọn ẹ, ebe o mẹ ni y'a marịnghọ obi ẹ (makẹni ịyụ sụọ marịn obi ịhịan ile).

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Ẹbụ-ọma 44:21

Chuku amarịnkọ? O k'a marịn nụ, makẹni ọ marịnghọ obi ẹnyi, ọsụọn'a nị obi ẹnyi zueri ezueri!

Ẹbụ-ọma 7:9

Euu Chuku hụn rị ọchan, ịyụ, hụn e lele obi lẹ iroro ịhịan; dodo kụsị eje-ihiẹn ndị-njọ rị e mẹ, y'e dọnmẹ ndị ezi-omumẹ ọhụnma.

Itẹn 15:11

Kẹ Ọnwụn kẹ Ntikpọ onwọnni hụn zuerini ẹnya Osolobuẹ — ọrịwụzị obi ịhịan!

Jerimaya 11:20

Kanị, Osolobuẹ ihiẹn ile rị okpuru ẹ, ịyụ hụn a han ezigbo eṅẹn, e lelezikwọ obi ịhịan lẹ iroro ẹ, nị m nwan gi ẹnya m hụn ebe ị nọ mẹgwarị wẹ, makẹni e bugụọ m oku m che i ẹka.

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 20:12

Euu, Osolobuẹ ihiẹn ile rị okpuru ẹ, hụn e lele ndị ezi-omumẹ, e nyọnchan obi lẹ iroro ịhịan! Nị m hụn kẹ ị rị e mẹgwarị wẹ — makẹni e bugụọ m oku m che i ẹka.

Ọgụngụn 27:16

“Osolobuẹ, Chuku hụn marịn ihiẹn rị imẹ ịhịan ile, dodo tumẹ nwan onyẹ sikọ d'a kị ndịnị

Luku 16:15

Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.

Jọnụ 21:17

Jesu nọ jụzị a ya hụn mẹ ẹ mgbe ẹtọ, “Saịmọnụ nwa Jọnụ, ihiẹn m a sụọghọ ị?” Ọ nọ fụ Pita nị Jesu jụ a mgbe ẹtọ, “Ihiẹn m a sụọghọ ị?” Pita nọ sị a, “Di-nwọnni-ẹnyi, y'a marịnghọ ihiẹn ile; y'a marịnghọ nị ihiẹn i a sụọghọ m.” Jesu nọ sị a, “Lepụ atụnrụn m ẹnya.

Ọrụn Ndị-ozi 14:23

Ogẹn wẹ gi ghagbarịgụ ụka ndị rị ẹgbẹrẹ hụ, tumẹsọnmẹgụni wẹ ndị-isi, wẹ nọ gi ekpere lẹ ibu-ọnụ ha wẹ ye ẹka Di-nwọnni-ẹnyi hụn wẹ kwerini.

Ọrụn Ndị-ozi 15:8

Osolobuẹ hụn marịn obi ịhịan ile nọzị shịanị wẹ ẹri ghahanị iye wẹ Mmọn-nsọ k'o dọn ye ẹnyi.

Ọrụn Ndị-ozi 6:6

Ya wẹ nọ wepụha ndịnị ihun Ndị-ozi ahụn pụ-ichẹn, Ndị-ozi ahụn pụ-ichẹn nọ mẹ ni wẹ ekpere, bu ẹka kwasị wẹ.

Ndị Rom 8:27

Osolobuẹ hụn e legha obi ẹnyi marịn ihiẹn Mmọn-nsọ rị a rịọ, makẹni Mmọn-nsọ a rịọdọnni ndị-nsọ kẹ Osolobuẹ dọn chọ.

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.

Samuẹlụ Nke Ibuzọ 14:41

Ya Sọlụ nọ mẹ ekpere jẹnni Osolobuẹ wụ Chuku Izrẹlụ, sị, “Euu Osolobuẹ, Chuku Izrẹlụ, kị haịn i gilẹni kẹ za m tannị? Dodo, ghọsị ẹnyi onyẹ mẹ njọ: omẹni mmẹ mọbụ Jonatanị nwa m, gi Urim za; kanị omẹni ndị họdụnị, ndị nke i rọ, gi Tumim za.” Utẹn Osolobuẹ nọ weri Jonatanị lẹ Sọlụ, nị uwẹ buhẹ oku, ọ hịan ndị hụn ẹbọ, ndị-agha Izrẹlụ, nị ẹlẹ wẹ.

Samuẹlụ Nke Ibuzọ 16:7

Kanị Osolobuẹ nọ sị Samuẹlụ, “Etulẹ kẹ ẹhụ a nọ mọbụ k'ọ pụhan-ẹka, nị ẹlẹ ịya kẹ m họrị. Osolobuẹ ara lee ihiẹn kẹ ịhịan dọn e lee! Hụn ẹnya e legha kẹ ịhịan e lee, kanị obi kẹ Osolobuẹ e lee.”